شری گرو گرنتھ صاحب جی

انگ - 1012

ਗੁਰ ਸੇਵਾ ਸਦਾ ਸੁਖੁ ਹੈ ਜਿਸ ਨੋ ਹੁਕਮੁ ਮਨਾਏ ॥੭॥

gur sevaa sadaa sukh hai jis no hukam manaae |7|

گرو جس سیوک توں پرماتما دا ہکم مناندا ہے اس سیوک نوں گرو دی (اس دسی) سیوا نال سدا آتمک آنند ملیا رہندا ہے ۔۔7۔۔

ਸੁਇਨਾ ਰੁਪਾ ਸਭ ਧਾਤੁ ਹੈ ਮਾਟੀ ਰਲਿ ਜਾਈ ॥

sueinaa rupaa sabh dhaat hai maattee ral jaaee |

سونا چاندی آدک سبھ (ناسونت) مایا ہے (جدوں جیو سریر تیاگدا ہے اس دے بھا دی اہ) مٹی وچ رل جاندی ہے (کیونکِ اس دے کسے کمّ نہیں آؤندی)۔

ਬਿਨੁ ਨਾਵੈ ਨਾਲਿ ਨ ਚਲਈ ਸਤਿਗੁਰਿ ਬੂਝ ਬੁਝਾਈ ॥

bin naavai naal na chalee satigur boojh bujhaaee |

ستگورو نے (پربھو دے سیوک نوں اہ) سوجھ دے دتی ہے کِ پرماتما دے نام توں بنا (سونا چاندی آدک کوئی چیز جیو دے) نال نہیں جاندی۔

ਨਾਨਕ ਨਾਮਿ ਰਤੇ ਸੇ ਨਿਰਮਲੇ ਸਾਚੈ ਰਹੇ ਸਮਾਈ ॥੮॥੫॥

naanak naam rate se niramale saachai rahe samaaee |8|5|

ہے نانک! (گرو دی کرپا نال) جیہڑے بندے پرماتما دے نام-رنگ وچ رنگے جاندے ہن اہ پوتر جیون والے ہو جاندے ہن، اہ سدا-تھر پربھو (دی یاد) وچ لین رہندے ہن ۔۔8۔۔5۔۔

ਮਾਰੂ ਮਹਲਾ ੧ ॥

maaroo mahalaa 1 |

مارو مہلا 1 ۔۔

ਹੁਕਮੁ ਭਇਆ ਰਹਣਾ ਨਹੀ ਧੁਰਿ ਫਾਟੇ ਚੀਰੈ ॥

hukam bheaa rahanaa nahee dhur faatte cheerai |

جدوں (پرماتما دا) ہکم ہو جاندا ہے جدوں (کسے دی) چٹھی دھر (درگاہ) توں پاٹ جاندی ہے، تاں اہ (اس سنسار وچ) رہِ نہیں سکدا۔

ਏਹੁ ਮਨੁ ਅਵਗਣਿ ਬਾਧਿਆ ਸਹੁ ਦੇਹ ਸਰੀਰੈ ॥

ehu man avagan baadhiaa sahu deh sareerai |

(جد تک تیرا) اہ من اؤگناں (دی پھاہی) وچ بجھا ہویا ہے (تد تک آپنے اس) سریر وچ (دکھّ) سہار۔

ਪੂਰੈ ਗੁਰਿ ਬਖਸਾਈਅਹਿ ਸਭਿ ਗੁਨਹ ਫਕੀਰੈ ॥੧॥

poorai gur bakhasaaeeeh sabh gunah fakeerai |1|

جیہڑا منکھّ پورے گرو دی راہیں پرماتما دے در دا منگتا بندا ہے اس دے سارے گناہ بخشے جاندے ہن ۔۔1۔۔

ਕਿਉ ਰਹੀਐ ਉਠਿ ਚਲਣਾ ਬੁਝੁ ਸਬਦ ਬੀਚਾਰਾ ॥

kiau raheeai utth chalanaa bujh sabad beechaaraa |

(ہنے ہنے ویلا ہے) گرو دے شبد دی وچار سمجھ، (اتھے سدا) ٹکے نہیں رہِ سکیدا، (جدوں پربھو دا ہکم آیا، تدوں) اتھوں چلنا ہی پئیگا۔

ਜਿਸੁ ਤੂ ਮੇਲਹਿ ਸੋ ਮਿਲੈ ਧੁਰਿ ਹੁਕਮੁ ਅਪਾਰਾ ॥੧॥ ਰਹਾਉ ॥

jis too meleh so milai dhur hukam apaaraa |1| rahaau |

(پر، ہے پربھو! جیواں دے کیہ وسّ؟) ہے بیئنت پربھو! تینوں اہی منکھّ مل سکدا ہے جس نوں توں آپ ملائیں، دھر توں تیرا (اجیہا ہی) ہکم ہے (اجیہی ہی رزا ہے) ॥1۔۔ رہاؤ ۔۔

ਜਿਉ ਤੂ ਰਾਖਹਿ ਤਿਉ ਰਹਾ ਜੋ ਦੇਹਿ ਸੁ ਖਾਉ ॥

jiau too raakheh tiau rahaa jo dehi su khaau |

(پر اساں جیواں دے وسّ دی گلّ نہیں) ہے پربھو! جس ہالت وچ توں مینوں رکھدا ہیں، میں اسے ہالت وچ رہِ سکدا ہاں، جیہڑی (آتمک خوراک) توں مینوں دیندا ہیں میں اہی کھاندا ہاں۔

ਜਿਉ ਤੂ ਚਲਾਵਹਿ ਤਿਉ ਚਲਾ ਮੁਖਿ ਅੰਮ੍ਰਿਤ ਨਾਉ ॥

jiau too chalaaveh tiau chalaa mukh amrit naau |

(آتمک جیون دے رستے تے) جس تراں توں مینوں توردا ہیں میں اسے تراں تردا ہاں، تے آپنے مونہ وچ آتمک جیون دین والا تیرا نام پاندا ہاں۔

ਮੇਰੇ ਠਾਕੁਰ ਹਥਿ ਵਡਿਆਈਆ ਮੇਲਹਿ ਮਨਿ ਚਾਉ ॥੨॥

mere tthaakur hath vaddiaaeea meleh man chaau |2|

ہے میرے ٹھاکر! تیرے آپنے ہتھ وچ وڈیائیاں ہن (جس نوں توں وڈیائی بخشدا ہیں جس نوں توں آپنے چرناں وچ) جوڑدا ہیں اس دے من وچ (تیری بھگتی دا) چاؤ پیدا ہو جاندا ہے ۔۔2۔۔

ਕੀਤਾ ਕਿਆ ਸਾਲਾਹੀਐ ਕਰਿ ਦੇਖੈ ਸੋਈ ॥

keetaa kiaa saalaaheeai kar dekhai soee |

(پرماتما دی سفت-سالاہ چھڈّ کے پرماتما دے) پیدا کیتے ہوئے دی وڈیائی کرن توں کوئی (آتمک) لابھ نہیں ہوویگا (وڈیائیاں اس کرتار دیاں کرو) جو (جگت-رچنا) کر کے آپ ہی (اس دی) سمبھال بھی کردا ہے۔

ਜਿਨਿ ਕੀਆ ਸੋ ਮਨਿ ਵਸੈ ਮੈ ਅਵਰੁ ਨ ਕੋਈ ॥

jin keea so man vasai mai avar na koee |

جس کرتار نے جگت رچیا ہے اہی (میرے) من وچ وسدا ہے۔ مینوں اس ورگا کوئی ہور نہیں دسدا۔

ਸੋ ਸਾਚਾ ਸਾਲਾਹੀਐ ਸਾਚੀ ਪਤਿ ਹੋਈ ॥੩॥

so saachaa saalaaheeai saachee pat hoee |3|

اس سدا-تھر رہن والے پرماتما دی ہی سفت-سالاہ کرنی چاہیدی ہے (جیہڑا کردا ہے اس نوں) سدا دی ازت مل جاندی ہے ۔۔3۔۔

ਪੰਡਿਤੁ ਪੜਿ ਨ ਪਹੁਚਈ ਬਹੁ ਆਲ ਜੰਜਾਲਾ ॥

panddit parr na pahuchee bahu aal janjaalaa |

پنڈت (شاستر پران آدک دھرم-پستکاں نریاں) پڑھ کے (اس اوستھا تے) نہیں پہنچدا (جتھے پرماتما نالوں وچھوڑا مکّ جائے، کیونکِ پڑھ پڑھ کے بھی) اہ مایا دے جنجالاں وچ بہت پھسیا رہندا ہے۔

ਪਾਪ ਪੁੰਨ ਦੁਇ ਸੰਗਮੇ ਖੁਧਿਆ ਜਮਕਾਲਾ ॥

paap pun due sangame khudhiaa jamakaalaa |

(دھرم شاستراں انوسار) پاپ کیہ ہے تے پنّ کیہ ہے اہ وچار کردا ہویا بھی اہ دویت دی پھاہی وچ ہی رہندا ہے، مایا دی بھکھّ تے آتمک موت (موت دا ڈر) اس دے سر تے کائم رہندے ہن۔

ਵਿਛੋੜਾ ਭਉ ਵੀਸਰੈ ਪੂਰਾ ਰਖਵਾਲਾ ॥੪॥

vichhorraa bhau veesarai pooraa rakhavaalaa |4|

پرماتما دے چرناں توں وچھوڑا تے سہم اس منکھّ دا ہی مکدا ہے جس دے من وچ ہر تراں رکھیا کرن والا پرماتما وسیا رہندا ہے ۔۔4۔۔

ਜਿਨ ਕੀ ਲੇਖੈ ਪਤਿ ਪਵੈ ਸੇ ਪੂਰੇ ਭਾਈ ॥

jin kee lekhai pat pavai se poore bhaaee |

ہے بھائی1 کیتے کرماں دا ہساب ہون تے جنھاں نوں ازت ملدی ہے اہ پورے بھانڈے سمجھے جاندے ہن۔

ਪੂਰੇ ਪੂਰੀ ਮਤਿ ਹੈ ਸਚੀ ਵਡਿਆਈ ॥

poore pooree mat hai sachee vaddiaaee |

اجیہے پورن گنوان منکھّ نوں پرماتما دے در توں متّ بھی پوری ہی ملدی ہے (جس کرکے اہ بھلن والے جیون-راہن تے نہیں پیندا) تے سدا-تھر رہن والی ازت پراپت ہندی ہے۔

ਦੇਦੇ ਤੋਟਿ ਨ ਆਵਈ ਲੈ ਲੈ ਥਕਿ ਪਾਈ ॥੫॥

dede tott na aavee lai lai thak paaee |5|

(اہ پرماتما بیئنت داتاں دا مالک ہے، جیو نوں) سدا دیندا ہے (اس دے خزانے وچ) گھاٹا نہیں پیندا، جیو داتاں لے لے کے تھکّ جاندا ہے ۔۔5۔۔

ਖਾਰ ਸਮੁਦ੍ਰੁ ਢੰਢੋਲੀਐ ਇਕੁ ਮਣੀਆ ਪਾਵੈ ॥

khaar samudru dtandtoleeai ik maneea paavai |

(اس گلّ دی بڑی وڈیائی کیتی جاندی ہے کِ دیوتیاں نے سمندر رڑکیا تے اس وچوں چوداں رتن نکلے، بھلا) جے کھارا سمندر رڑکیا جائے، اس وچوں کوئی منکھّ اک رتن لبھّ لئے،

ਦੁਇ ਦਿਨ ਚਾਰਿ ਸੁਹਾਵਣਾ ਮਾਟੀ ਤਿਸੁ ਖਾਵੈ ॥

due din chaar suhaavanaa maattee tis khaavai |

(تاں بھی آخر کیہڑی ملّ مار لئی؟ اہ رتن) دو چار دن ہی سوہنا لگدا ہے (انت) اس رتن نوں کدے مٹی ہی کھا جاندی ہے۔

ਗੁਰੁ ਸਾਗਰੁ ਸਤਿ ਸੇਵੀਐ ਦੇ ਤੋਟਿ ਨ ਆਵੈ ॥੬॥

gur saagar sat seveeai de tott na aavai |6|

(ستگورو اسل سمندر ہے) جے ستگورو سمندر نوں سیویا جائے (جے گرو-سمندر دی سرن پئیے، تاں گرو-سمندر ایسا نام-رتن) دیندا ہے جس نوں کدے گھاٹا نہیں پے سکدا ۔۔6۔۔

ਮੇਰੇ ਪ੍ਰਭ ਭਾਵਨਿ ਸੇ ਊਜਲੇ ਸਭ ਮੈਲੁ ਭਰੀਜੈ ॥

mere prabh bhaavan se aoojale sabh mail bhareejai |

ساری لوکائی (مایا دے موہ دی) میل نال بھری ہوئی ہے، سرف اہ بندے ساف-ستھرے ہن جیہڑے پرماتما نوں پیارے لگدے ہن۔

ਮੈਲਾ ਊਜਲੁ ਤਾ ਥੀਐ ਪਾਰਸ ਸੰਗਿ ਭੀਜੈ ॥

mailaa aoojal taa theeai paaras sang bheejai |

(مایا دے موہ نال) ملین-من ہویا بندا تدوں ہی پوتر ہو سکدا ہے جدوں اہ گرو-پارس دی سنگت وچ رہِ کے (پرماتما دے نام-امرت نال) بھجدا ہے۔

ਵੰਨੀ ਸਾਚੇ ਲਾਲ ਕੀ ਕਿਨਿ ਕੀਮਤਿ ਕੀਜੈ ॥੭॥

vanee saache laal kee kin keemat keejai |7|

سدا-تھر پربھو-لالو دا نام-رنگ اس نوں ایسا چڑھدا ہے کِ کسے پاسوں اس دا ملّ نہیں پے سکدا ۔۔7۔۔

ਭੇਖੀ ਹਾਥ ਨ ਲਭਈ ਤੀਰਥਿ ਨਹੀ ਦਾਨੇ ॥

bhekhee haath na labhee teerath nahee daane |

پر اس نام-رنگ دی ڈونگھائی باہرلے دھارمک پہراویاں نال نہیں لبھّ سکدی، تیرتھ تے اشنان کیتیاں تے دان-پنّ کیتیاں بھی نہیں لبھدی۔

ਪੂਛਉ ਬੇਦ ਪੜੰਤਿਆ ਮੂਠੀ ਵਿਣੁ ਮਾਨੇ ॥

poochhau bed parrantiaa mootthee vin maane |

میں وید پڑھن والیاں توں اہ بھید پچھدا ہاں (دھارمک پستکاں پڑھن نال بھی نام-رنگ دی ڈونگھائی دی سمجھ نہیں پیندی)۔ جد تک نام-رنگ وچ من نہیں مندا (من نہیں بھجدا تد تک ساری لوکائی ہی مایا-موہا وچ) ٹھگی جا رہی ہے۔

ਨਾਨਕ ਕੀਮਤਿ ਸੋ ਕਰੇ ਪੂਰਾ ਗੁਰੁ ਗਿਆਨੇ ॥੮॥੬॥

naanak keemat so kare pooraa gur giaane |8|6|

ہے نانک! نام-رنگ دی کدر اہی منکھّ کردا ہے جس نوں پورا گرو ملدا ہے تے (گرو دی راہیں پرماتما نال) ڈونگھی سانجھ پراپت ہندی ہے ۔۔8۔۔6۔۔

ਮਾਰੂ ਮਹਲਾ ੧ ॥

maaroo mahalaa 1 |

مارو مہلا 1 ۔۔

ਮਨਮੁਖੁ ਲਹਰਿ ਘਰੁ ਤਜਿ ਵਿਗੂਚੈ ਅਵਰਾ ਕੇ ਘਰ ਹੇਰੈ ॥

manamukh lahar ghar taj vigoochai avaraa ke ghar herai |

پر آپنے من دے پچھے ترن والا منکھّ (تیاگ دے) جوش وچ آپنا گھر تیاگ کے (پھر روٹی آدک دی خاتر) ہورناں دے گھر تکدا پھردا ہے۔

ਗ੍ਰਿਹ ਧਰਮੁ ਗਵਾਏ ਸਤਿਗੁਰੁ ਨ ਭੇਟੈ ਦੁਰਮਤਿ ਘੂਮਨ ਘੇਰੈ ॥

grih dharam gavaae satigur na bhettai duramat ghooman gherai |

گرہست نباہن دا فرز (کرت کرنی) چھڈّ دیندا ہے (اس غلت تیاگ نال اس نوں) ستگورو (بھی) نہیں ملدا، تے آپنی بھیڑی متّ دی گھمن-گھیری وچ (غوتے کھاندا ہے)۔

ਦਿਸੰਤਰੁ ਭਵੈ ਪਾਠ ਪੜਿ ਥਾਕਾ ਤ੍ਰਿਸਨਾ ਹੋਇ ਵਧੇਰੈ ॥

disantar bhavai paatth parr thaakaa trisanaa hoe vadherai |

(آپنا گھر چھڈّ کے) ہور ہور دیساں (دا) رٹن کردا پھردا ہے، (دھرم-پستکاں دے) پاٹھ پڑھ پڑھ کے بھی تھکّ جاندا ہے، (پر مایا دی) ترشنا (مکن دے تھاں سگوں) ودھدی جاندی ہے۔

ਕਾਚੀ ਪਿੰਡੀ ਸਬਦੁ ਨ ਚੀਨੈ ਉਦਰੁ ਭਰੈ ਜੈਸੇ ਢੋਰੈ ॥੧॥

kaachee pinddee sabad na cheenai udar bharai jaise dtorai |1|

ہوچھی متّ والا (منمکھ) گرو دے شبد نوں نہیں وچاردا، (تے لوکاں دے گھراں توں ویہلڑ) پشوآں وانگ آپنا ڈھڈّ بھردا ہے ۔۔1۔۔

ਬਾਬਾ ਐਸੀ ਰਵਤ ਰਵੈ ਸੰਨਿਆਸੀ ॥

baabaa aaisee ravat ravai saniaasee |

ہے پربھو! اسل سنیاسی اہ ہے جو اجیہا جیون جیوے،

ਗੁਰ ਕੈ ਸਬਦਿ ਏਕ ਲਿਵ ਲਾਗੀ ਤੇਰੈ ਨਾਮਿ ਰਤੇ ਤ੍ਰਿਪਤਾਸੀ ॥੧॥ ਰਹਾਉ ॥

gur kai sabad ek liv laagee terai naam rate tripataasee |1| rahaau |

کِ گرو دے شبد وچ جڑ کے اس دی لگن اک (تیرے چرناں) وچ لگی رہے۔ تیرے نام-رنگ وچ رنگیج کے (مایا ولوں) اس نوں سدا ترپتی رہیگی ۔۔1۔۔ رہاؤ ۔۔

ਘੋਲੀ ਗੇਰੂ ਰੰਗੁ ਚੜਾਇਆ ਵਸਤ੍ਰ ਭੇਖ ਭੇਖਾਰੀ ॥

gholee geroo rang charraaeaa vasatr bhekh bhekhaaree |

منمکھ بندا گیری گھولدا ہے، اس دا رنگ (آپنے کپڑیاں اتے) چاڑھدا ہے، دھارمک پہراوے والے کپڑے پا کے بھکھاری بن جاندا ہے۔

ਕਾਪੜ ਫਾਰਿ ਬਨਾਈ ਖਿੰਥਾ ਝੋਲੀ ਮਾਇਆਧਾਰੀ ॥

kaaparr faar banaaee khinthaa jholee maaeaadhaaree |

کپڑے پاڑ کے (پہنن لئی) گودڑی بناندا ہے، تے (انّ آٹا آدک) مایا پان لئی جھولی (تیار کر لیندا ہے)۔

ਘਰਿ ਘਰਿ ਮਾਗੈ ਜਗੁ ਪਰਬੋਧੈ ਮਨਿ ਅੰਧੈ ਪਤਿ ਹਾਰੀ ॥

ghar ghar maagai jag parabodhai man andhai pat haaree |

(آپ تاں) ہریک گھر وچ (جا کے بھچھیا) منگدا ہے پر جگت نوں (ست دھرم دا) اپدیش کردا ہے، آپنا من انھا ہون دے کارن منمکھ آپنی ازت گوا لیندا ہے۔

ਭਰਮਿ ਭੁਲਾਣਾ ਸਬਦੁ ਨ ਚੀਨੈ ਜੂਐ ਬਾਜੀ ਹਾਰੀ ॥੨॥

bharam bhulaanaa sabad na cheenai jooaai baajee haaree |2|

بھٹکنا وچ (پے کے جیون-راہن توں) کھنجھیا ہویا گرو دے شبد نوں پچھاندا نہیں (جویں کوئی جواریا) جوئے وچ بازی ہاردا ہے (تویں اہ منمکھ آپنی منکھا جنم دی بازی ہار جاندا ہے) ॥2۔۔