ہرِ-نام دا ونج کرن آئے ہے جیو متر! (زندگی دی) رات دے دوجے پہر وچ (سنسار وچ جنم لے کے جیون نوں پرماتما دے چرناں وچ اہ) دھیان بھلّ جاندا ہے (جو اس نوں ماں دے پیٹ وچ رہن سمے ہندا ہے)۔
ہے ونجارے متر! (جنم لے کے جیو گھر دے) ہریک جیو دے ہتھ اتے (اؤں) نچائیدا ہے جویں جسودھا دے گھر وچ سری کرشن جی نوں۔
(نواں جنمیا) جیو ہریک دے ہتھ وچ نچائیدا ہے (کھڈائیدا ہے)، ماں آکھدی ہے کِ اہ میرا پتر ہے۔
پر، ہے میرے غافل مورکھ من! چیتے رکھّ، اخیر ویلے کوئی بھی شے تیری نہیں بنی رہیگی۔
جیو آپنے من وچ اس پربھو نال ڈونگھی سانجھ پا کے اس نوں چیتے نہیں کردا، جسنے اس دی بنتر بنا کے اس نوں پیدا کیتا ہے۔
نانک آکھدا ہے- (زندگی دی) رات دے دوجے پہر وچ (سنسار وچ جنم لے کے) جیو نوں پربھو چرناں دا دھیان بھلّ جاندا ہے ۔۔2۔۔
ہرِ-نام دا ونج کرن آئے ہے جیو متر! (زندگی دی) رات دے تیجے پہر وچ تیرا من دھن نال تے جوانی نال پرچ گیا ہے۔
ونجارے متر! توں پرماتما دا نام چیتے نہیں کردا، جس دی برکتِ نال توں (دھن جوبن دے موہ دے) بندھناں وچوں خلاسی پا سکیں۔
جیو مایا (دے موہ) وچ اتنا ڈور-بھورا ہو جاندا ہے کِ اہ پرماتما دا نام چیتے نہیں کردا،
دھن دے رنگ وچ رنگیا جاندا ہے، جوانی (دے نشے) وچ مستیا جاندا ہے، (تے اس ترراں) سریشٹ منکھا جنم گوا لیندا ہے۔
ناہ اس نے دھرم (بھاو، ہرِ نام سمرن) دا واپار کیتا، تے ناہ ہی اس نے اچے آتمک جیون نوں آپنا متر بنایا۔
نانک آکھدا ہے- (زندگی دی رات دے) تیجے پہر وچ جیو نے دھن نال تے جوانی نال ہی چتّ جوڑی رکھیا ۔۔3۔۔
ہرِ-نام دا ونج کرن آئے ہے جیو-مرت! (زندگی دی) رات دے چوتھے پہر (بھاو، بڈھیپا آ جان تے) (سریر-) کھیت نوں وڈھن والا (جم) آ پہنچیا۔
ہے ونجارے متر! جدوں جم نے (آ کے جیواتما نوں) پھڑ کے اگے لا لیا تاں کسے (سبندھی) نوں سمجھ ناہ پئی کِ اہ کیہ ہویا۔
پرماتما دے اس ہکم تے بھیت دی کسے نوں سمجھ ن پے سکی، جدوں جم نے (جیواتما نوں) پھڑ کے اگے لا لیا۔
تاں (اس دے مرتک سریر دے) دوالے وئرتھ رون-کرلان شرو ہو گیا۔ (اہ جس نوں سارے ہی سمبندھی 'میرا، میرا' کہا کردے سن) اک کھن وچ ہی اوپرا ہو گیا۔
جس نال (ساری امر) موہ کیتی رکھیا (تے اس دے انوسار جو جو کرم کیتے، انت ویلے) اہ کیتی کمائی ساہمنے آ گئی (پراپت ہو گئی)۔
نانک آکھدا ہے- (زندگی دی رات دے) چوتھے پہر (بھاو، بڈھیپا آ جان تے فسل) وڈھن والے (جمدوت) نے (سریر-) کھیت نوں آ کٹیا ۔۔4۔۔1۔۔
سریراگُ مہلا 1 ۔۔
ہرِ-نام دا ونج کرن آئے ہے جیو-متر! (زندگی دی) رات دے پہلے پہر وچ (جیو) بالکاں دی اکل والا (اننجان) ہندا ہے۔ (نام سمرن ولوں) بے-پرواہ رہندا ہے۔
ہے ونجارے متر! (بال امرے جیو ماں دا) ددھّ پیندا ہے تے کھیڈاں وچ ہی پرچائیدا ہے، (اس امرے) ماپیاں دا (آپنے) پتر نال (بڑا) پیار ہندا ہے۔
ماں پیو دا پتر نال بہت پیار ہندا ہے۔ مایا دا (اہ) موہ ساری سرشٹی نوں (ہی ویاپ رہا ہے)۔
(جیو نے پچھلے جنماں وچ) کرماں دا جو سنگرہ کمایا، اہناں دے سنجوگ انوسار (جگت وچ) جنمیا، (تے اتھے آ کے مڑ اہناں انوسار) کرنی کردا ہے کار کماندا ہے۔
دنیا مایا دے موہ وچ ڈبّ رہی ہے، پرماتما دا نام سمرن توں بنا (اس موہ وچوں) خلاسی نہیں ہو سکدی۔
نانک آکھدا ہے- ہے جیو! (زندگی دی رات دے) پہلے پہر وچ (توں بے-پرواہ ہیں)، پرماتما دا سمرن کر (سمرن دی سہائتا نال ہی توں مایا دے موہ توں) بچینگا ۔۔1۔۔
ہرِ-نام دا ونج کرن آئے ہے جیو-متر! (زندگی دی) رات دے دوجے پہر وچ بھر-جوانی دے کارن جیو دی متِ (-اکل اؤں ہو جاندی ہے جویں) شراب (وچ گٹّ ہے)۔
ہے ونجارے متر! (جیو) دن رات کام-واسنا وچ دبیا رہندا ہے، (کام وچ) انھے ہوئے نوں پرماتما دا نام چتّ وچ (ٹکان دی سرتِ) نہیں (ہندی)۔
پرماتما دا نام تاں جیو دے ہردے وچ نہیں وسدا، (نام توں بنا) ہور مٹھے کسیلے انیکاں رساں دے سواد پچھاندا ہے۔
ہے جھوٹھے (موہ وچ پھسے جیو)! توں پرماتما نال جان-پچھان نہیں پائی، پربھو-چرناں وچ تیری سرت نہیں، پرماتما دے گن یاد نہیں کیتے، اندریاں نوں وکاراں ولوں روکن دا توں ادم نہیں کیتا (اس دا نتیجا اہ ہوویگا کِ) توں جنم مرن دے گیڑ وچ پے جائگا۔
(اچا آتمک جیون بنان والے سیوا-سمرن دے کمّ کرنے تاں دور رہے، کام وچّ متا ہویا جیو) تیرتھ ورت، سچِ، سنجم، پوجا آدک کرم کانڈ دے دھرم بھی نہیں کردا۔
(اننج) ہے نانک! پرماتما دے پریم دی راہیں ہی پربھو دی بھگتی دی راہیں ہی (اس کام-واشنا توں) بچا ہو سکدا ہے، (بھگتی-سمرن ولوں) دچتا-پن رکھیاں (کامادک دی شکل وچ) مایا دا موہ ہی زور پاندا ہے ۔۔2۔۔
ہرِ-نام دا ونج کرن آئے ہے جیو-متر! (زندگی دی رات دے تیجے پہر سر اتے ہنس آ اتردے ہن (سر اتے دھولے آ جاندے ہن)۔
ہے ونجارے متر! (جیوں جیوں) جوانی گھٹدی ہے بڈھیپا (سریرک تاکت نوں) جتدا جاندا ہے (امر دا) اک اک دن لنگھدا ہے امر گھٹدی جاندی ہے۔