(جیو وچارے دے کیہ وسّ؟) سرف پرماتما ہی (ہریک جیو وچ ویاپک ہو کے) سبھ کجھ کر رہا ہے،
تے اہ پربھو آپ ہی (ہریک جیو نوں) اکل (بخشدا ہے)، آپ ہی (ہریک جیو وچ ویاپک ہو کے) وچار کے (جیون جگتِ نوں) پرکھدا ہے۔
اہ پرماتما کسے توں دور نہیں وسدا، سبھ دے نیڑے وسدا ہے، سبھ دے نال وسدا ہے۔
ہے نانک! اہ پربھو سدا-تھر رہن والا ہے، اہی سبھ چوج-تماشے کرن والا ہے، اہی سالاہن-جوگا ہے ۔۔8۔۔1۔۔
گؤڑی مہلا 5 ۔۔
(پر، ہے میرے من!) اہ منکھّ ہی پرماتما دے نام وچ جڑدا ہے جیہڑا گرو دی سرن پیندا ہے۔
(گرو دی سرن پیاں منکھّ ہرِ-نام وچ لگدا ہے، تے گرو) اس منکھّ نوں ملدا ہے جس دے متھے اتے بھاگ جاگ پین۔
(پھر) اس منکھّ دے ہردے وچ اہ پرماتما آ وسدا ہے،
تے اس دا من تے سریر (ہردا) ٹھنڈھا-ٹھارا ہو جاندا ہے، وکاراں ولوں اڈول ہو جاندا ہے ۔۔1۔۔
ہے میرے من! توں پرماتما دی اہو جہی سفت-سالاہ کردا رہُ،
جیہڑی تیری اس زندگی وچ بھی کمّ آوے، تے پرلوک وچ بھی تیرے کمّ آوے ۔۔1۔۔ رہاؤ ۔۔
(ہے میرے من! توں اس پرماتما دی سفت-سالاہ کردا رہُ) جس دا نام جپیاں ہریک کسم دا ڈر دور ہو جاندا ہے ہریک بپتا ٹل جاندی ہے،
وکاراں ول دوڑدا من ٹکانے آ جاندا ہے۔
جس دا نام جپیاں پھر کوئی دکھّ پوہ نہیں سکدا،
تے جس دا نام جپیاں اندروں ہؤمے دور ہو جاندی ہے ۔۔2۔۔
جس دا نام جپیاں (کامادک) پنجے وکار کابو آ جاندے ہن،
جس دا نام جپیاں آتمک جیون دین والا نام-جل ہردے وچ اکٹھا کر سکیدا ہے۔
جس دا نام جپیاں مایا دی تریہ بجھّ جاندی ہے،
تے جس دا نام جپیاں پرماتما دی درگاہ وچ بھی کامیاب ہو جائیدا ہے ۔۔3۔۔
(ہے بھائی! توں اس پرماتما دی سفت-سالاہ کردا رہُ) جس دا نام جپیاں (پچھلے کیتے ہوئے) کروڑاں پاپ مٹ جاندے ہن،
تے جس دا نام جپیاں (اگانہ واستے) بھلے منکھّ بن جائیدا ہے۔
جس دا نام جپیاں من (وکاراں دی تپش ولوں) ٹھنڈھا-ٹھارا ہو جاندا ہے،
تے جس دا نام جپیاں آپنے اندر دی (وکاراں دی) ساری میل دور کر لیندا ہے ۔۔4۔۔
جس دا جاپ کیتیاں منکھّ نوں ہرِ-نام-رتن پراپت ہو جاندا ہے،
(سمرن دی برکتِ نال) منکھّ پرماتما نال اتنا رچ-مچ جاندا ہے کِ (پراپت کیتے ہوئے اس نام-رتن نوں) مڑ نہیں چھڈدا۔
جس دا نام جپیاں آتمک آنند ملدا ہے آتمک اڈولتا وچ ٹکانا مل جاندا ہے،
تے جس دا نام جپیاں مانو، انیکاں بیکنٹھاں دا نواس ہاسل ہو جاندا ہے ۔۔5۔۔
(ہے بھائی! توں اس پرماتما دی سفت-سالاہ کردا رہُ) جس دا نام جپیاں ترشناں دی اگّ پوہ نہیں سکیگی،
جس دا نام جپیاں موت دا سہم نیڑے نہیں ڈھکیگا (آتمک موت آپنا زور نہیں پائگی)۔
جس دا نام جپیاں ہر تھاں توں اجل-مکھ رہینگا،
تے جس دا نام جپیاں ہریک کسم دا دکھّ دور ہو جائگا ۔۔6۔۔
(ہے بھائی! توں اس پرماتما دی سفت-سالاہ کردا رہُ) جس دا نام جپیاں (منکھّ دے جیون-سفرن وچ) کوئی اؤکھیائی نہیں بندی،
تے جس دا نام جپیاں منکھّ اک-رس آتمک آنند دے گیت دی دھنِ سندا رہندا ہے (منکھّ دے اندر ہر ویلے آتمک آنند دی رو چلی رہندی ہے)۔
جس دا نام جپیاں منکھّ دا ہردا-کملا (وکاراں ولوں الٹ کے، پرماتما دی یاد ول) سدھا پرت پیندا ہے،
تے جس دا نام جپیاں منکھّ (لوک پرلوک وچ) پوتر سوبھا کھٹدا ہے ۔۔7۔۔
(ہے بھائی!) اس منکھّ اتے گرو نے (مانو) سبھ توں ودھیا کسم دی مہر دی نزر کر دتی،
جس منکھّ دے ہردے وچ پرماتما دا نام جپن دا اپدیش وساندا ہے۔
اس نے پرماتما دی اک-رس سفت-سالاہ نوں آپنے آتما واستے سوادلا بھوجن بنا لیا،
نانک آکھدا ہے، جس منکھّ نوں پورا گرو مل پیا ۔۔8۔۔2۔۔
گؤڑی مہلا 5 ۔۔
(جس منکھّ اتے اس پرماتما دی کرپا ہندی ہے) اہ منکھّ آپنے ہردے وچ گرو دا شبد وساندا ہے،
کامادک پنجاں نالوں آپنا ساتھ ہٹا لیندا ہے۔
دساں ہی اندریاں نوں آپنے کابو وچ کر لیندا ہے،
تے اس دے آتما وچ چانن ہو جاندا ہے (اس نوں آتمک جیون دی سوجھ پے جاندی ہے) ॥1۔۔
(ہے بھائی!) اس منکھّ دے ہردے وچ اجیہا آتمک بل پیدا ہندا ہے،
جس منکھّ اتے اس پرماتما دی دیا ہندی ہے، کرپا ہندی ہے ۔۔1۔۔ رہاؤ ۔۔
(ہے بھائی!) جس منکھّ نوں آپنے ہردے وچ متر تے ویری اکو جہا جاپدا ہے،
جتنا کجھ اہ بولدا ہے، آتمک جیون دی سوجھ بارے بولدا ہے۔
جتنا کجھ سندا ہے، پرماتما دی سفت-سالاہ ہی سندا ہے،
جتنا کجھ ویکھدا ہے، پرماتما وچ سرت جوڑن دا کارن ہی بندا ہے ۔۔2۔۔
اہ منکھّ چاہے جاگدا ہے، چاہے ستا ہویا ہے، اہ سدا آتمک اڈولتا وچ ہی ٹکیا رہندا ہے؛
پرماتما دی رزا وچ جو کجھ ہندا ہے، اس نوں ٹھیک مندا ہے، تے آتمک اڈولتا وچ ہی لین رہندا ہے۔
کوئی غمی دی گھٹنا ہو جائے، چاہے خشی دا کارن بنے، اہ آتمک اڈولتا وچ ہی رہندا ہے؛
جے اہ چپ بیٹھا ہے تاں بھی اڈولتا وچ ہے تے جے بول رہا ہے تاں بھی اڈولتا وچ ہے ۔۔3۔۔
آتمک اڈولتا وچ ٹکیا ہویا ہی اہ کھان-پین دا وہار کردا ہے، آتمک اڈولتا وچ ہی اہ دوجیاں نال پریم دا سلوک کردا ہے؛
آتمک اڈولتا وچ ٹکے رہن کرکے اس دے اندروں سارا کپٹ-بھاو مٹ جاندا ہے؛
آتمک اڈولتا وچ ہی اس نوں گرو دا ملاپ ہو جاندا ہے،
تے پرتکھّ تور تے اس نوں پرماتما مل پیندا ہے ۔۔4۔۔
جے اہ گھر وچ ہے تاں بھی آتمک اڈولتا وچ، جے اہ دنیا توں اپرام پھردا ہے،