گؤڑی کبیر جی ۔۔
(پرماتما نوں بھلا کے اگیانتا دے) ہنیرے وچ کدے سکھی نہیں سوں سکیدا؛
راجا ہووے چاہے کنگال، دوویں ہی دکھی ہندے ہن ۔۔1۔۔
(ہے بھائی!) جد تک جیبھ نال پرماتما نوں نہیں جپدے،
تد تک جمدے مردے تے (اسے دکھّ وچ) روندے رہوگے ۔۔1۔۔ رہاؤ ۔۔
جویں رکھّ دی چھاں ویکھیدی ہے (بھاو، جویں رکھّ دی چھاں سدا ٹکی نہیں رہندی، تویں اس مایا دا ہال ہے)؛
جدوں منکھّ دے پران نکل جاندے ہن تاں دسو، اہ مایا کس دی ہندی ہے؟ (بھاو، کسے ہور دی بن جاندی ہے، تاں تے اس دا کیہ مان؟) ॥2۔۔
جویں (جدوں گوئیا آپنا ہتھ ساز توں ہٹا لیندا ہے، تاں) راگ دی آواز ساز دے وچ (ہی) لین ہو جاندی ہے (کوئی دسّ نہیں سکدا کِ اہ کتھے گئی)
تویں مرے منکھّ دا بھیت (کِ اس دی جند کتھے گئی) کوئی منکھّ کویں جان سکدا ہے؟ ॥3۔۔
جویں ہنساں نوں سروور ہے (بھاو، جویں ہنس سروور دے نیڑے ہی اڈدے رہندے ہن) تویں موت سریراں (لئی) ہے۔
تاں تے ہے کبیر! سبھ رساں توں سریشٹ نام-رس پی ۔۔4۔۔8۔۔
گؤڑی کبیر جی ۔۔
پرماتما دی بنائی ہوئی (ساری) سرشٹی ہے؛ اس سرشٹی دے (جیواں) دی (جو) بدھی (ہے)،
(اس) نوں کچّ تے موتی پھل لگے ہوئے ہن (بھاو، کوئی بھلے پاسے لگے ہوئے ہن، تے کوئی مندے پاسے) ॥1۔۔
اہ کہڑا تھاں ہے جو ڈر توں خالی ہے؟
(جتھے رہاں ہردے دا) ڈر دور ہو سکدا ہے، جتھے نڈر ہو کے رہِ سکیدا ہے؟ ॥1۔۔ رہاؤ ۔۔
کسے (پوتر ندی دے) کنڈھے جاں تیرتھ تے (جا کے بھی) من تھاویں نہیں آؤندا،
اوتھے بھی لوک پنّ-پاپ وچ رجھے پئے ہن ۔۔2۔۔
(پر) پاپ اتے پنّ دوویں ہی اکو جہے ہن (بھاو، دوویں ہی واشنا ول دڑائی پھردے ہن۔)
(ہے من! نیچوں اوچ کرن والا) پارس (پربھو) تیرے آپنے اندر ہی ہے، (تاں تے، پاپ پنّ والے) ہور گن (اندر دھارنے) چھڈّ دیہ (اتے پربھو نوں آپنے اندر سمبھال) ॥3۔۔
ہے کبیر! مایا دے موہ توں اچے پربھو دے نام نوں ناہ بھلا؛
آپنے من نوں نام جپن دے آہرے لا کے نام وچ رجھیا رہُ ۔۔4۔۔9۔۔
گؤڑی کبیر جی ۔۔
جو منکھّ (نرا آکھدے ہی ہن کِ) اساں اس پربھو نوں جان لیا ہے، جس دا ہدّ-بنا نہیں لبھیا جا سکدا تے جو من دی پہنچ توں پرے ہے،
اہ منکھّ نریاں گلاں نال ہی بیکنٹھ وچ اپڑے ہن (بھاو، اہ گپاں ہی مار رہے ہن، اہناں بیکنٹھ اسل وچ ڈٹھا نہیں ہے) ॥1۔۔
مینوں تاں پتا نہیں، اہ بیکنٹھ کتھے ہے،
جتھے اہ سارے لوک آکھدے ہن، چلنا ہے، چلنا ہے ۔۔1۔۔ رہاؤ ۔۔
نرا اہ آکھن نال تے سنن نال (کِ اساں بیکنٹھ وچ جانا ہے) من نوں تسلی نہیں ہو سکدی۔
من نوں تدوں ہی دھیرج آ سکدی ہے جے اہنکار دور ہو جائے ۔۔2۔۔
(اکّ گلّ ہور چیتے رکھن والی ہے کِ) جد تک من وچ بیکنٹھ جان دی تانگھ لگی ہوئی ہے،
تد تک پربھو دے چرناں وچ من جڑ نہیں سکدا ۔۔3۔۔
کبیر آکھدا ہے- اہ گلّ کویں سمجھا کے دسیئے،
(بھاو، اہ گلّ پرتکھّ ہی ہے) کِ سادھ-سنگت ہی (اسلی) بیکنٹھ ہے ۔۔4۔۔10۔۔
گؤڑی کبیر جی ۔۔
(پہلاں اس جیو دا پتا دی بند توں) مڈھّ بجھدا ہے، (پھر ماں دے پیٹ وچ اہ) وجود وچ آؤندا ہے؛ وجود وچ آ کے (مڑ) ناس ہو جاندا ہے۔
(سو) اساڈے اکھیں ویکھدیاں ہی اہ سنسار (اسے تراں) تریا جا رہا ہے ۔۔1۔۔
(تاں تے، ہے جیو!) شرم نال کیوں نہیں ڈبّ مردا (بھاو، توں جھکدا کیوں نہیں) جدوں توں اہ آکھدا ہیں کِ اہ گھر میرا ہے؟
(چیتے رکھّ) جس ویلے موت آویگی، تدوں کوئی بھی چیز تیری نہیں رہیگی ۔۔1۔۔ رہاؤ ۔۔
انیکاں جتن کر کے اہ سریر پالیدا ہے؛
پر جدوں موت آؤندی ہے، اس نوں اگّ نال ساڑ دیئیدا ہے ۔۔2۔۔
(جس سریر دے) انگاں نوں اتر تے چندن ملیدا ہے،
اہ سریر (آخر نوں) لکڑاں نال سڑ جاندا ہے ۔۔3۔۔
کبیر آکھدا ہے- ہے وچارن منکھّ! چیتے رکھّ؛
ساری دنیا ویکھیگی (بھاو، سبھ دے ویکھدیاں ویکھدیاں) اہ روپ ناس ہو جائگا ۔۔4۔۔11۔۔
گؤڑی کبیر جی ۔۔
ہورناں دے مرن تے سوگ کرن دا کیہ لابھ؟
(اہناں دے وچھوڑے دا) سوگ تاں ہی کریئے جے آپ (اتھے سدا) جیؤندے رہنا ہووے ۔۔1۔۔
میرے آتما دی کدے موت نہیں ہوویگی۔ مردا ہن اہ جیو جو جگت دے دھندھیاں وچ پھسے ہوئے ہن۔
مینوں (تاں) ہن (اسل) زندگی دین والا پرماتما مل پیا ہے ۔۔1۔۔ رہاؤ ۔۔
(جیو) اس سریر تے کئی سگندھیاں مہکاؤندا ہے؛
اہناں ہی سکھاں وچ اس نوں پرم انند-سروپ پرماتما بھلّ جاندا ہے ۔۔2۔۔
(سریر مانو) اک نکا جہا کھوہ ہے، (پنج گیان-اندرے، مانو) پنج چرکھڑیاں ہن،
ماری ہوئی متّ لجّ توں بنا (پانی) بھر رہی ہے (بھاو، وکاراں وچ پھسی ہوئی متّ گیان-اندریاں دی راہیں وکاراں وچوں سکھ لین دے وئرتھ جتن کر رہی ہے) ॥3۔۔
کبیر آکھدا ہے- (جدوں) وچار والی بدھّ اندر (جاگ پئی)،
تدوں ناہ اہ سریرک موہ رہا تے ناہ ہی (وکاراں ول کھچن والے) اہ اندرے رہے ۔۔4۔۔12۔۔
گؤڑی کبیر جی ۔۔
اسیں (ہن تک) استھاور، جنگم کیڑے-پتنگے
اہو جہے کئی کسماں دے جنماں وچ آ چکے ہاں ۔۔1۔۔