گرو (اہناں دے اندروں مایا دی) بھٹکنا دور کر کے (ہریک کسم دا ملین) ڈر دور کر کے اہناں منکھاں نوں نرویر بنا دیندا ہے۔
ہے گرو! توں ہی میرے من دی بھی (سمرن دی) آس پوری کیتی ہے ۔۔4۔۔
جس منکھّ نے پرماتما دا نام-دھن لبھّ لیا اہ دھناڈھ بن گیا،
جس منکھّ نے پرماتما دا سمرن کیتا اہ (لوک پرلوک وچ) سوبھا والا ہو گیا۔
جس منکھّ نوں گرو دی سنگتِ مل گئی، اس دی ساری سریشٹ کرنی بن گئی،
ہے داس نانک! (آکھ-) اس منکھّ نوں آتمک اڈولتا وچ لینتا پراپت ہو گئی ۔۔5۔۔1۔۔166۔۔
گؤڑی مہلا 5 ماجھ ۔۔
ہے میرے پیارے رام جی! میرے-ہردے وچ آ وسّ۔
میں رات دن ہریک ساہ دے نال تینوں یاد کردا ہاں۔
(تیرے) سنت جناں دی چرنیں پے کے میں (تیرے ول) سنیہا بھیجدا ہاں،
(کِ ہے میرے پیارے رام جی!) میں تیتھوں بنا کسے تراں بھی (اس سنسار-سمندر توں) پار نہیں لنگھ سکدا ۔۔1۔۔
(ہے میرے پیارے رام جی!) تیری سنگتِ وچ رہِ کے میں آنند ماندا ہاں۔
ساری بنسپتی وچ تے تناں بھوناں والے سنسار وچ (تینوں ویکھ کے) میں پرم سکھ پرم آنند (انبھو کردا ہاں)۔
میرے ہردے دی سیج سوہنی بن گئی ہے، میرا اہ من کھڑ پیا ہے!
(ہے میرے پیارے رام جی!) تیرا درشن کرکے اہ (آتمک) سکھ ملدا ہے ۔۔2۔۔
(ہے میرے رام جی! مہر کر، میں تیرے سنت جناں دے) چرن دھو کے اہناں دی سدا سیوا کردا رہاں،
اہی میرے واستے دیو-پوجا ہے، اہی میرے لئی دیوتیاں اگے پھلاں دی بھیٹ ہے تے اہی دیوتیاں اگے نمسکار ہے،
(کِ) میں تیرے داساں دا داس ہو کے سدا تیرا نام جپدا رہاں-
(ہے میرے پیارے رام جی! تیرے سنت جناں پاس میں بینتی کردا ہاں کِ) مالک-پربھو پاس میری اہو بینتی آکھنی ۔۔3۔۔
(ہے بھائی! پیارے رام دی کرپا نال) میری (اس دے ملاپ دی) اچھا پوری ہو گئی ہے، میرا من آتمک جیون والا ہو گیا ہے، میرا سریر (بھاو، ہریک گیان-اندرا) ہرا ہو پیا ہے،
(پیارے رام دا) درشن کردیاں میرا سارا دکھّ دور ہو گیا ہے،
پیارے رام جی دا نام جپ جپ کے میں (سنسار-سمندر نوں) پار کر لیا ہے۔
ہے نانک! (اس پیارے رام جی دا درشن کیتیاں) اہ اک ایسا سکھ مان لئیدا ہے جو کدے گھٹّ ہون والا نہیں ہے ۔۔4۔۔2۔۔167۔۔
گؤڑی ماجھ مہلا 5 ۔۔
ہے میرے پیارے سجن پربھو! ہے میرے من دے متر پربھو! ہے میری جند دے آسرے پربھو! (میری بینتی) دھیان نال سن۔
(میرا اہ) من تیرا دتا ہویا ہے، (میرا اہ) سریر تیرا دتا ہویا ہے، میری اہ جند بھی تیری ہی دتی ہوئی ہے۔ میں (اہ سبھ کجھ تیتھوں) کربان کردا ہاں۔
ہے میری جند دے آسرے پربھو! مینوں بھل ناہ۔
میں سدا تیری سرن پیا رہاں ۔۔1۔۔
ہے بھائی! جس ہرِ-پربھو نوں ملیاں آتمک جیون لبھّ پیندا ہے،
اہ ہرِ-پربھو گرو دی کرپا نال ہی مل سکدا ہے۔
(ہے بھائی! میرا من تن) سبھ کجھ پربھو دا ہی دتا ہویا ہے، (جگت دیاں) ساریاں تھاواں پربھو دیاں ہی ہن،
میں سدا اس پربھو توں ہی سدکے جاندا ہاں ۔۔2۔۔
(ہے بھائی! پرماتما دا) اہ (نام سارے پدارتھاں دا) خزانا (ہے کوئی) بھاگاں والا منکھّ اہ نام (جپدا ہے،
پوتر-سروپ پربھو دے نام نال (اس وڈبھاگی منکھّ دی) لگن لگّ جاندی ہے۔
(جس وڈبھاگی منکھّ نوں) پورا گرو مل پیندا ہے، اہ ہریک کسم دا دکھّ دور کر لیندا ہے،
اہ اٹھے پہر پرماتما دی سفت-سالاہ دے گیت گاندا رہندا ہے ۔۔3۔۔
(ہے میرے پیارے سجن پربھو! ہے ہری! تیرا نام کیمتی پدارتھاں (دا سوما) ہے۔
ہے ہری! توں سدا کائم رہن والا (اہناں رتن-پدارتھاں دا) ساہوکار ہیں، تیرا بھگت (اہناں رتن پدارتھاں دا) ونج کرن والا ہے۔
ہے ہری! تیرا نام-دھن (تیرے بھگت دا) سرمایا ہے، تیرا بھگت اہی سدا-تھر رہن والا ونج کردا ہے۔
ہے داس نانک! (آکھ-ہے ہری!) میں (تیتھوں تے تیرے بھگت توں) سدا کربان جاندا ہاں ۔۔4۔۔3۔۔168۔۔
راگ گؤڑی-ماجھی وچّ گرو ارجندیو جی دی بانی۔
اکال پرکھ اکّ ہے اتے ستگورو دی کرپا نال ملدا ہے۔
ہے کرتار! توں میرے واستے فخر دی تھاں ہیں، توں میرا مان ہیں۔
ہے کرتار! تیرے بل دے آسرے میں سکھ نال وسدا ہاں، تیری سدا-تھر سفت-سالاہ دی بانی (میرے جیون-سفرن وچ میرے واستے) راہداری ہے ۔۔1۔۔ رہاؤ ۔۔
ہے کرتار! (مایا وچ موہیا) جیو پرمارتھ دیاں ساریاں گلاں سن کے سمجھدا بھی ہے، پر پھر بھی پرواہ نہیں کردا۔
مایا وچ موہیا جیو تے کدے بھی (پرمارتھ ول) دھیان نہیں دیندا ۔۔1۔۔
جے کوئی گرمکھِ کوئی اشارا جاں بجھاؤنی دیندا بھی ہے (کِ اتھے سدا نہیں بہِ رہنا، پھر) اہ گلاں اکھیں بھی ویکھ لئیدیاں ہن (کِ سبھ ترے جا رہے ہن)