(ستسنگ وچ رہاں) ستگورو دی کرپا نال ہردے وچ (پربھو دے نام دا) پرکاش ہو جاندا ہے تے (مایا دے موہ دا) ہنیرا دور ہو جاندا ہے۔
(جویں) پارس نال چھوہیاں لوہا سونا بن جاندا ہے،
(اسے تراں) ہے نانک! جے ستگورو مل پئے (تاں گرو دی چھہ نال) نام مل جاندا ہے، (گرو نوں) مل کے نام سمریدا ہے۔
پر (پربھو دا) دیدار اہناں نوں پراپت ہندا ہے جنھاں دے بھاگاں وچ (پچھلی کیتی) بھلیائی موجود ہے ۔۔19۔۔
سلوک م 1 ۔۔
جو منکھّ پرماتما دا نام (تویت تے جنتر-جنتر آدک دی شکل وچ) ویچدے ہن اہناں دے جیؤن نوں لاہنت ہے۔
(جے اہ بندگی بھی کردے ہن تاں بھی اہناں دی 'نام' والی فسل اس تراں نالو نال ہی اجڑدی جاندی ہے، تے) جنھاں دی فسل (نالو نال) اجڑدی جائے اہناں دا کھلواڑا کتھے بننا ہویا؟ (بھاو، اس بندگی دا چنگا سٹا نہیں نکل سکدا، کیونکِ اہ بندگی دے سہیہ راہ توں کھنجھے رہندے ہن)۔
سہیہ مہنت توں بنا پربھو دی ہزوری وچ بھی اہناں دی کدر نہیں ہندی۔
(پرماتما دا سمرن کرنا بڑی سندر اکل دی گلّ ہے، پر تویت-دھاگے بنا کے دین وچ رجھّ پین نال اہ) اکل وئرتھ گوا لینا-اس نوں اکل نہیں آکھیدا۔
اکل اہ ہے کِ پرماتما دا سمرن کریئے تے ازت کھٹیئے،
اکل اہ ہے کِ (پربھو دی سفت-سالاہ والی بانی) پڑھیئے (اس دے ڈونگھے بھیت) سمجھیئے تے ہورناں نوں سمجھائیے۔
نانک آکھدا ہے کِ زندگی دا سہیہ رستا سرف اہی ہے، (سمرن توں) لامبھ دیاں گلاں (دسن والا) شیتان ہے ۔۔1۔۔
م 2 ۔۔
اوسوں ہی ایسی مریادا بنی ہوئی ہے کِ منکھّ جہو جہا کمّ کردا ہے اہو جہا اس دا نام پے جاندا ہے۔
(اس مریادا انوسار اسل وچ) اہی جسم منکھا جسم اکھوان دے لائک ہندا ہے جس دے نروئے انگ ہندے ہن، جس دے انگ جھڑے ہوئے نہیں ہندے۔
(اسے تراں) ہے نانک! اہی ہستی منکھا ہستی کہی جانی چاہیدی ہے جس دے اندر پربھو نوں ملن دی تانگھ ہووے تے (اس تانگھ-انسار پربھو-ملاپ-روپپ) پھل پراپت ہو جائے ۔۔2۔۔
پؤڑی ۔۔
گرو (مانو) امرت دا رکھّ ہے جو امرت دے رس نال پھلیا ہویا ہے (بھاو، جس نوں امرت-رس روپ پھل لگا ہویا ہے، جس پاسوں نام-امرت دا رس ملدا ہے)۔
(اہ نام-روپ امرت پھل) گرو دے شبد دی راہیں ملدا ہے، پر اہ منکھّ پراپت کردا ہے جس دے بھاگاں وچ پراپت کرنا دھروں لکھیا ہے۔
جہڑا منکھّ گرو دے ہکم وچّ تردا ہے، اہ پرماتما نال اک-روپ ہویا رہندا ہے۔
اس منکھّ نوں جمکال گھور نہیں سکدا (بھاو، موت دا ڈر اس نوں پوہ نہیں سکدا) کیونکِ اس دے ہردے وچ ربی جوتِ جگ پیندی ہے۔
ہے نانک! جنھاں بندیاں نوں اس پربھو نے بخشش کر کے آپنے نال ملایا ہے اہ مڑ مڑ جوناں وچ نہیں گلدے ۔۔20۔۔
سلوک م 1 ۔۔
جنھاں منکھاں نے سچّ نوں ورت بنایا (بھاو، سچّ دھارن کرن دا پرن لیا ہے)، سنتوکھ جنھاں دا تیرتھ ہے، جیون-منورتھ دی سمجھ تے پربھو-چرناں وچ چتّ جوڑن نوں جنھاں نے تیرتھاں دا اشنان سمجھیا ہے؛
دیا جنھاں دا اشٹ-دیو ہے، (دوجیاں دی ودھیکی) سہارن دی آدتِ جنھاں دی مالا ہے؛
(سچجا جیون) جیؤن دی جاچ جنھاں لئی (دیو-پوجا ویلے پہنن والی) دھوتی ہے، سرت (نوں پوتر رکھنا) جنھاں دا (سچا) چونکا ہے، اچے آچرن دا جنھاں دے متھے اتے تلک لایا ہویا ہے،
تے پریم جنھاں (دے آتما) دی خوراک ہے، ہے نانک! اہ منکھّ سبھ توں چنگے ہن؛ پر، اہو جہا منکھّ ہے کوئی کوئی ورلا ۔۔1۔۔
مہلا 3 ۔۔
جے منکھّ سچّ دھارن کرن دے نیم نوں نومی (دا ورت) بنائے،
کام کرودھ تے لالچ نوں چنگی تراں دور کر لئے؛
جے دس ہی اندریاں نوں (وکاراں ولوں) روک رکھے (اس ادم نوں) دسمی (تھتّ دا ورت) بنائے؛ اک پرماتما نوں ہر تھاں ویاپک سمجھے-اہ اس دا ایکادسی دا ورت ہووے؛
پنج کامادکاں نوں کابو وچ رکھے-جے اہ اس دا دوادسی دا ورت بنے، تاں، ہے نانک! من پتیج جاندا ہے۔
ہے پنڈت! جے اہو جہا ورت نباہ سکیئے تاں کسے ہور سکھیا دی لوڑ نہیں پیندی ۔۔2۔۔
پؤڑی ۔۔
پاتشاہ، راجے، کنگال تے امیر-سبھ مایا-روپا زہر جوڑدے ہن؛
جوڑ جوڑ کے (اس نال) ہت ودھاندے ہن (تے جے داؤ لگے تاں) دوجیاں دے دھن (بھی) چرا لیندے ہن؛
مایا نال (اتنا) ودھیک ہت جوڑدے ہن کِ پتر تے وہٹی دا بھی اتبار نہیں کردے؛
(پر جدوں) اکھاں دے ساہمنے ہی مایا ہی مایا چھل کے (بھاو، آپنے موہ وچ پھسا کے) چلی جاندی ہے تاں (اس نوں جوڑن والے) ہاہکے لیندے ہن؛
(تدوں اؤں جاپدا ہے، جویں اہ) جم دے بوہے بجھے ہوئے کٹّ کھا رہے ہن؛ ہے نانک! (کسے دے وسّ دی گلّ نہیں) پربھو نوں اؤں ہی چنگا لگدا ہے ۔۔21۔۔
سلوک م 1 ۔۔
(پنڈت دا اہ ہال ہے کِ) پرماتما دے بھجن تاں گاندا ہے پر آپ سمجھ توں سکھنا ہے (بھاو، اس بھجن گان نوں اہ روزی دا وسیلا بنائی رکھدا ہے، سمجھ اچی نہیں ہو سکی)۔
بھکھّ دے مارے ہوئے ملاں دی مسیت بھی روزی دی خاتر ہی ہے (بھاو، ملاں نے بھی بانگ نماز آدک مسیت دی کریا نوں روٹی دا وسیلا بنایا ہویا ہے)۔
(تیجا اک) ہور ہے جو ہڈّ-ہرام ہون کرکے کنّ پڑوا لیندا ہے،
فکیر بن جاندا ہے، کل دی انکھ گوا بیٹھدا ہے،
(انجھ تاں آپنے آپ نوں) گرو پیر اکھواندا ہے (پر روٹی در در) منگدا پھردا ہے؛
اجیہے بندے دے پیریں بھی کدے نہیں لگنا چاہیدا۔
جو جو منکھّ مہنت نال کما کے (آپ) کھاندا ہے تے اس کمائی وچوں کجھ (ہورناں نوں بھی) دیندا ہے،
ہے نانک! اجیہے بندے ہی زندگی دا سہیہ رستا پچھاندے ہن ۔۔1۔۔