جنھاں منکھاں دے اندر پرماتما دا نام-سرمایا موجود ہے اہ دھن والے ہن۔
گرو دے شبد دی برکتِ نال اہناں دے اندروں کام کرودھ (آدک وکار) ناس ہو جاندے ہن۔
اہناں دے سارے ڈر دور ہو جاندے ہن، اہ ایسا آتمک درجا پراپت کر لیندے ہن جتھے کوئی ڈر پوہ نہیں سکدا۔
گرو نوں مل کے نانک نے (بھی) اس کھسم-پربھو نوں سمریا ہے ۔۔2۔۔
پرماتما نے جس منکھّ دا ٹکانا سادھ سنگت وچ بنا دتا ہے،
پرماتما دا نام جپ جپ کے اس دی ہریک آس پوری ہو جاندی ہے۔
اہ پربھو پانی وچ دھرتی وچ آکاش وچ (ہر تھاں) ویاپک ہے۔
گرو نوں مل کے نانک نے (بھی) اسے دا سمرن کیتا ہے ۔۔3۔۔
اہ ہرِ-نام ہی (سدھاں دیاں) اٹھّ آتمک تاکتاں ہے (کبیر دے) نوں خزانے ہے۔
جس منکھّ نوں پربھو اہ نام دیندا ہے اسے نوں اس دی مہر نال ملدا ہے۔
ہے پربھو! تیرے داس (تیرا نام) جپ جپ کے آتمک جیون ہاسل کردے ہن۔
ہے نانک! گرو نوں مل کے (نام دی برکتِ نال اہناں دا) ہردا-کولا کھڑیا رہندا ہے ۔۔4۔۔13۔۔
راگ بسنتُ، گھر 1 وچّ گرو ارجندیو جی دی اک-تکی بانی۔
اکال پرکھ اکّ ہے اتے ستگورو دی کرپا نال ملدا ہے۔
(جنھاں نے سمرن کیتا، پرماتما دا نام) جپ کے اہناں دیاں ساریاں مراداں پوریاں ہو گئیاں،
چر دے وچھڑے ہویاں نوں (بھی) پربھو نے (آپنے چرناں دے نال) ملا لیا ۔۔1۔۔
تسیں سمرن-جوگن گوبند دا نام سمریا کرو۔
جے (اس دا نام) سمریا جائے، تاں آتمک اڈولتا دے سکھاں دا سواد (پراپت ہندا ہے) ॥1۔۔ رہاؤ ۔۔
پربھو نے آپنے داس دی (سدا) آپ سمبھال کیتی ہے۔
کرپا کر کے (پربھو نے آپنے داس نوں سدا) مہر دی نگاہ نال تکیا ہے ۔۔2۔۔
(پربھو-ملاپ دے) سواد نال اہناں دی ہردا-سیجا سوہنی بن جاندی ہے،
(جس منکھّ نوں) آ کے سکھاں دے مالک پربھو جی مل پیندے ہن ۔۔3۔۔
پربھو نے میرا کوئی گن نہیں وچاریا، کوئی اؤگن نہیں وچاریا،
ہے نانک! (مہر کر کے اس نے مینوں) آپنے چرناں دا پجاری بنا لیا ہے ۔۔4۔۔1۔۔14۔۔
بسنتُ مہلا 5 ۔۔
(کوئی بھی منکھّ ہووے، پرماتما دے) گن گا کے اس دے سارے پاپ ناس ہو جاندے ہن،
اس دے اندر ہر ویلے آتمک اڈولتا دی رو پیدا ہوئی رہندی ہے ۔۔1۔۔
اس سیوک دا من پربھو دے چرناں وچ (جڑ کے) آتمک جیون والا ہو جاندا ہے،
جس سیوک نوں پرماتما مہر کر کے گرو ملاندا ہے۔ اہ سیوک سدا ہرِ-نام دے رنگ وچ رنگیا جاندا ہے ۔۔1۔۔ رہاؤ ۔۔
مہر کر کے گوپال-پربھو (جس منکھّ دے ہردے وچ) پرگٹ ہندا ہے،
دیناں اتے دیا کرن والا پربھو اس نوں آپنے لڑ لا کے (سنسار-سمندر توں) پار لنگھا دیندا ہے ۔۔2۔۔
جس منکھّ دا اہ من گرو دے چرناں دی دھوڑ بندا ہے،
اہ منکھّ سوامی-پربھو نوں سدا آپنے انگ-سنگ وسدا ویکھدا ہے ۔۔3۔۔
(اس دے اندروں) کام کرودھ ترشنا (آدک وکار) دور ہو جاندے ہن،
ہے نانک! جس منکھّ اتے پربھو دی مہر ہندی ہے ۔۔4۔۔2۔۔15۔۔
بسنتُ مہلا 5 ۔۔
(جہڑے منکھّ پورے گرو دی سرن آؤندے ہن) پرماتما آپ (اہناں دے سارے) روگ مٹا دیندا ہے،
اہناں بچیاں نوں آپنے ہتھاں نال تھاپنا دے کے اہناں دی رکھیا کردا ہے (جویں ماپے آپنے بچیاں دی سمبھال کردے ہن) ॥1۔۔
(اہناں دے ہردے-) گھر وچ آتمک اڈولتا والی شانتی بنی رہندی ہے، سدا کائم رہن والا کھڑاؤ بنیا رہندا ہے،
(جہڑے منکھّ) پورے گرو دی سرن آؤندے ہن، سکھ-سروپ پرماتما دا نام-منتر جپ کے (نام-سمرن دیاں برکتاں ہاسل کردے ہن) ॥1۔۔ رہاؤ ۔۔
(جہڑے منکھّ پورے گرو دی سرن آ گئے) پربھو نے آپ (اہناں دے سارے) چنتا-فکر اتے دکھّ-کلیش مٹا دتے۔
(ہے بھائی!) توں بھی سدا ہی سدا ہی آپنے گرو نوں یاد کردا رہُ ۔۔2۔۔
ہے پربھو! جہڑا منکھّ تیرا نام جپدا ہے،
اہ منکھّ تیرے سدا کائم رہن والے گناں دا گائن کر کے سارے پھل پراپت کر لیندا ہے ۔۔3۔۔
ہے نانک! بھگت جناں دی اہ سوہنی جیون-مریادا ہے،
کِ اہ سدا ہی سکھاں دے دین والے پرماتما دا نام جپدے رہندے ہن ۔۔4۔۔3۔۔16۔۔
بسنتُ مہلا 5 ۔۔
پرماتما آپنے ہکم انوسار (آپنے سیوکاں نوں) پرسنّ-چتّ رکھدا ہے۔
اہ آپنے سیوکاں اتے (سدا) دیاوان ہندا ہے ۔۔1۔۔
پورے گرو نے (اس منکھّ دا) ہریک کمّ سرے چاڑھ دتا (اس دا سارا جیون سپھل کر دتا)
(جس منکھّ دے) ہردے وچ اس نے آتمک جیون دین والا ہرِ نام وسا دتا ۔۔1۔۔ رہاؤ ۔۔
(گرو نے) میرا (بھی) کوئی (چنگا) کرم نہیں وچاریا میرا کوئی دھرم نہیں وچاریا،