ہے پربھو! میں تیرے نال پکا پیار پا لیا ہے۔
تیرے نال پیار گنڈھ کے میں ہور سبھناں نالوں توڑ لیا ہے ۔۔3۔۔
ہے مادھو! میں جتھے جتھے جاندا ہاں (مینوں ہر تھاں توں ہی دسدا ہیں، میں ہر تھاں) تیری ہی سیوا کردا ہاں۔
ہے دیو! تیرے ورگا کوئی ہور مالک مینوں نہیں دسیا ۔۔4۔۔
تیری بندگی کیتیاں جماں دے بندھن کٹے جاندے ہن،
(تاہیئیں) روداس تیری بھگتی دا چاؤ ہاسل کرن لئی تیرے گن گاؤندا ہے ۔۔5۔۔5۔۔
(جیو-پنچھی جس سریر وچ وسّ رہا ہے) اس دی کندھ (مانو) پانی دی ہے، تھمھی ہوا (سواساں) دی ہے؛ ماں دی رتّ تے پیو دے ویرج دا جس نوں گارا لگا ہویا ہے،
تے ہڈّ ماس ناڑیاں دا پنجر بنیا ہویا ہے۔ جیو-پنچھی وچارا اس سریر وچ وسّ رہا ہے ۔۔1۔۔
ہے بھائی! پھر، اہناں وتکریاں تے ونڈاں دا کیہ لابھ؟
جویں رکھاں اتے پنچھیاں دا (سرف رات لئی) ڈیرا ہندا ہے (تویں جیواں دی وسوں جگت وچ ہے) ॥1۔۔ رہاؤ ۔۔
ہے بھائی! (ڈونگھیاں) نیہاں پٹا پٹا کے توں اہناں اتے کندھاں اسراؤندا ہیں،
پر تینوں آپ نوں (ہر روز تاں ودھّ توں ودھّ ساڈھے تنّ ہتھ تھاں ہی چاہیدی ہے (سون ویلے اتنی کُ تھاں ہی ملدا ہیں) ॥2۔۔
توں سر اتے بانکے بال (سنوار سنوار کے) ونگی پگّ بنھدا ہیں،
(پر شائد تینوں کدے اہ چیتا نہیں آیا کِ) اہ سریر (ہی کسے دن) سواہ دی ڈھیری ہو جائگا ۔۔3۔۔
ہے بھائی! توں اچے اچے مہل ماڑیاں تے سندر استری (دا مان کردا ہیں)،
پربھو دا نام وسار کے توں منکھا جنم دی کھیڈ ہار رہا ہیں ۔۔4۔۔
ہے میرے راجن! ہے میرے سوہنے رام! میری تاں جاتِ، کل تے جنم سبھ کجھ نیواں ہی نیواں سی،
روداس چمار آکھدا ہے-(اتھے اچیاں کلاں والے ڈبدے جا رہے ہن، میرا کیہ بننا سی؟ پر) میں تیری سرن آیا ہاں ۔۔5۔۔6۔۔
میں غریب چمیار (سریر-جتی نوں) گنڈھنا نہیں جاندا،
پر جگت دے جیو آپو آپنی (سریر-روپر) جتی گنڈھا رہے ہن (بھاو، لوک دن رات نرے سریر دی پالنا دے آہر وچ لگّ رہے ہن ۔۔1۔۔ رہاؤ ۔۔
میرے پاس آر نہیں کِ میں (جتی نوں) تروپے لاواں (بھاو، میرے اندر موہ دی کھچّ نہیں کِ میری سرت سدا سریر وچ ہی ٹکی رہے)۔
میرے پاس رمبی نہیں کِ (جتی نوں) ٹاکیاں لاواں (بھاو، میرے اندر لوبھ نہیں کِ چنگے چنگے کھانے لیا کے نتّ سریر نوں پالدا رہاں) ॥1۔۔
جگت گنڈھ گنڈھ کے بہت خوار ہو رہا ہے (بھاو، جگت دے جیو آپو آپنے سریر نوں دن رات پالن پوسن دے آہرے لگّ کے دکھی ہو رہے ہن)؛
میں گنڈھن دا کمّ چھڈّ کے (بھاو، آپنے سریر دے نتّ آہرے لگے رہن نوں چھڈّ کے) پربھو-چرناں وچ جا اپڑیا ہاں ۔۔2۔۔
روداس ہن پرماتما دا نام سمردا ہے، (تے، سریر دا موہ چھڈّ بیٹھا ہے)
(اسے واستے) مینوں روداس نوں جماں نال کوئی واستا نہیں رہِ گیا ۔۔3۔۔7۔۔
راگ سورٹھِ وچّ بھگت بھیکھن جی دی بانی۔
اکال پرکھ اکّ ہے اتے ستگورو دی کرپا نال ملدا ہے۔
ہے جیو! (بردھ اوستھا وچ کمزور ہون کرکے) تیریاں اکھاں وچوں پانی وگ رہا ہے، تیرا سریر لسا ہو گیا ہے، تیرے کیس ددھّ ورگے چٹے ہو گئے ہن۔
تیرا گلا (کف نال) رکن کرکے بول نہیں سکدا؛ اجے (بھی) توں کیہ کر رہا ہیں؟ (بھاو، ہن بھی توں پرماتما نوں کیوں یاد نہیں کردا؟ توں کیوں سریر دے موہ وچ پھسیا پیا ہیں؟ توں کیوں دیہ-ادھیاس نہیں چھڈدا؟) ॥1۔۔
ہے سوہنے رام! ہے پربھو! جے توں ہکیم بنیں،
تاں توں آپنے سنتاں نوں (دیہ-ادھیاس توں) بچا لیندا ہیں (بھاو، توں آپ ہی ہکیم بن کے سنتاں نوں دیہ-ادھیاس توں بچا لیندا ہیں) ॥1۔۔ رہاؤ ۔۔
ہے پرانی! (بردھ ہون دے کارن) تیرے سر وچ پیڑ ٹکی رہندی ہے، سریر وچ سڑن رہندی ہے، کلیجے وچ درد اٹھدی ہے۔
(کس کس انگ دا فکر کریئے؟ سارے ہی جسم وچ بڈھیپے دا) اکّ ایسا وڈا روگ اٹھّ کھلوتا ہے کِ اس دا کوئی الاج نہیں ہے (پھر بھی اس سریر نالوں تیرا موہ نہیں مٹدا) ॥2۔۔
(اس سریرک موہ نوں مٹان دا) اکو ہی سریشٹ الاج جگت وچ ہے، اہ ہے پربھو دا نام-روپ امرت، پرماتما دا نام-روپ نرمل جل۔
داس بھیکھن آکھدا ہے-(آپنے) گرو دی کرپا نال میں اہ نام جپن دا رستا لبھّ لیا ہے، جس کرکے میں سریرک موہ توں خلاسی پا لئی ہے ۔۔3۔۔1۔۔
پرماتما دا نام اک ایسا امولک پدارتھ ہے جو بھاگاں نال ملدا ہے۔
اس رتن نوں جے انیکاں جتن کر کے بھی ہردے وچ (گپت) رکھئے، تاں بھی لکایاں اہ لکدا نہیں ۔۔1۔۔
(اننج اہ سواد) دسیا نہیں جا سکدا (جو) پرماتما دے گن گاؤندیاں (آؤندا ہے)،
جویں گنگے منکھّ دی کھادھی مٹھیائی (دا سواد کسے ہور نوں پتا نہیں لگّ سکدا، گنگا دسّ نہیں سکدا) ॥1۔۔ رہاؤ ۔۔
(اہ رتن-نام) جپدیاں جیبھ نوں سکھ ملدا ہے، سندیاں کناں نوں سکھ ملدا ہے تے چیتدیاں چتّ نوں سکھ پراپت ہندا ہے۔
ہے بھیکھن! (توں بھی) آکھ-(اہ نام سمردیاں) میریاں دوہاں اکھاں وچ (ایسی) ٹھنڈھ پئی ہے کِ میں جدھر تکدا ہاں اس پرماتما نوں ہی ویکھدا ہاں ۔۔2۔۔2۔۔