سریراگُ مہلا 5 ۔۔
ہر روز ادم نال اس سریر نوں پالی پوسیدا ہے، (زندگی دا منورتھ) سمجھن توں بنا اہ مورکھ تے بے-سمجھ ہی رہندا ہے۔
اس نوں کدے اہ پرماتما (جس نے اس نوں پیدا کیتا ہے) چیتے نہیں آؤندا، تے آخر اہ مساناں وچ سٹّ دتا جائگا۔
(ہے پرانی! اجے بھی ویلا ہے، آپنے) گرو نال چتّ جوڑ، تے (پرماتما دا نام سمر کے) سدا کائم رہن والا آتمک آنند مان ۔۔1۔۔
ہے پرانی! توں (جگت وچ پرماتما دے نام دا) لابھ کھٹن واستے آیا ہیں۔
توں کس خواری والے کمّ وچ رجھا پیا ہیں؟ تیری ساری زندگی دی رات مکدی جا رہی ہے ۔۔1۔۔ رہاؤ ۔۔
پشو کلول کردا ہے پنچھی کلول کردا ہے (پشو نوں پنچھی نوں) موت نہیں دسدی،
(پر) منکھّ بھی اسے ہی ساتھ وچ (جا رلیا ہے، پشو پنچھی وانگ اس نوں بھی موت چیتے نہیں، تے اہ) مایا دے جال وچ پھسیا پیا ہے۔
مایا دے جال توں بچے ہوئے اہی بندے دسدے ہن، جیہڑے پرماتما دا سدا کائم رہن والا نام ہردے وچ وساندے ہن ۔۔2۔۔
(ہے پرانی!) جیہڑا (اہ) گھر چھڈّ کے سدا لئی تر جانا ہے، اہ تینوں آپنے من وچ (پیارا) لگّ رہا ہے،
تے جتھے جا کے تیرا واہ پینا ہے اس دا تینوں (رتا بھی) فکر نہیں۔
(سبھ جیو مایا دے موہ وچ پھسے پئے ہن، اس موہ وچ) پھسے ہوئے اہی بندے نکلدے ہن جیہڑے گرو دی چرنیں پے جاندے ہن ۔۔3۔۔
(پر مایا دا موہ ہے ہی بڑا پربل، اس وچوں گرو توں بنا) کوئی بچا نہیں سکدا، (گرو توں بنا اجیہی سمرتھا والا) کوئی نہیں دسدا۔
میں تاں ساری سرشٹی ڈھونڈ کے گرو دی سرن آ پیا ہاں۔
ہے نانک (آکھ-) سچے پاتشاہ نے، گرو نے مینوں (مایا دے موہ دے سمندر وچ) ڈبدے نوں کڈھّ لیا ہے ۔۔4۔۔3۔۔73۔۔
سریراگُ مہلا 5 ۔۔
(کسے دے گھر گھڑی دو گھڑی لئی گیا ہویا کوئی پراہنا اس گھر دے کمّ سوارن والا بن بیٹھے تاں ہاسو-ہینا ہی ہندا ہے، تویں جیو اس جگت وچ) گھڑی دو گھڑیاں دا پراہنا ہے، پر اس دے ہی کمّ-دھندھے نجٹھن والا بن جاندا ہے۔
مورکھ (جیون دا سہیہ راہ) نہیں سمجھدا، مایا دے موہ وچ تے کامواشنا وچ پھسیا رہندا ہے۔
جدوں (اتھوں) اٹھّ کے تر پیندا ہے تاں پچھتاندا ہے (پر اس ویلے پچھتایاں کیہ بندا ہے؟) جماں دے وسّ پے جاندا ہے ۔۔1۔۔
ہے (مایا دے موہ وچ) انھے ہوئے جیو! (جویں کوئی رکھّ ندی دے کنڈھے اتے اگا ہویا ہووے تے کسے بھی ویلے کنڈھے نوں ڈھاہ لگ کے رکھّ ندی وچ رڑھ جاندا ہے، تویں) توں (موت-ندی دے) کنڈھے اتے بیٹھا ہویا ہیں (پتا نہیں کیہڑے ویلے تیری موت آ جائے)۔
جے (تیرے متھے اتے) پوربلے جنم وچ (کیتی کمائی دا چنگا لیکھ) لکھیا ہویا ہووے، تاں توں گرو دا اپدیش کما لئیں (گرو دے اپدیش انوسار آپنا جیون بنائیں، تے آتمک موت توں بچ جائیں) ॥1۔۔ رہاؤ ۔۔
اہ زروری نہیں کِ ہری کھیتی ناہ وڈھی جائے، ڈڈیاں تے آئی ہوئی (ادھّ-پکی) ناہ وڈھی جائے، تے سرف پکی ہوئی ہی وڈھی جائے۔
(کھیت دا مالک جدوں چاہندا ہے) واڈھے تیار کردا ہے، جو داترے لے لے کے (کھیت وچ) آ پہنچدے ہن۔
جدوں کھیت دے مالک دا ہکم ہندا ہے، (اہ واڈھے کھیت نوں) وڈھّ کے سارا کھیت من لیندے ہن (اس تراں جگت دا مالک پربھو جدوں ہکم کردا ہے جم آ کے جیواں نوں لے جاندے ہن، چاہے بال-امر ہون، چاہے جوان ہون تے چاہے بڈھے ہو چکے ہون) ॥2۔۔
(مایا-گرسے مورکھ منکھّ دی جیون-راتن دا) پہلا پہر دنیا دے دھندھیاں وچ بیت جاندا ہے، دوجے پہر (موہ دی نیند وچ) رجّ کے ستا رہندا ہے۔
تیجے پہر وشے بھوگدا رہندا ہے، تے چوتھے پہر (آخر) دن چڑھ پیندا ہے (بڈھیپا آ کے موت آ کوکدی ہے)۔
جس پربھو نے اس نوں جند تے سریر دتا ہے اہ کدے بھی اس دے چتّ وچّ نہیں آؤندا (اس نوں کدے بھی یاد نہیں کردا) ॥3۔۔
ہے نانک! (آکھ-) میں سادھ سنگتِ توں سدکے جاندا ہاں، سادھ سنگتِ توں آپنی جند کربان کردا ہاں،
کیونکِ سادھ سنگتِ توں ہی من وچ (پربھو دے سمرن دی) سوجھ پیدا ہندی ہے، (سادھ سنگتِ دی راہیں ہی) سبھ دے دل دی جانن والا اکالپرکھ ملدا ہے۔
ہے نانک! (آکھ-) انترجامی سجان پربھو نوں (سادھ سنگتِ دی کرپا نال ہی) میں سدا آپنے انگ-سنگ ویکھیا ہے ۔۔4۔۔4۔۔74۔۔
سریراگُ مہلا 5 ۔۔
(میری تاں سدا اہی ارداس ہے کِ) ہور ساریاں گلاں بے-شکّ بھلّ جان، پر اک پرماتما دا نام مینوں (کدے) ناہ بھلے۔
گرو نے (دنیا دے) دھندھیاں دا میرا سارا موہ ساڑ کے مینوں پربھو دا نام دتا ہے۔ اہ سدا-تھر نام ہی ہن میرا (جیون-) منورتھ ہے۔
میں (دنیا دیاں) ساریاں آساں من وچوں دور کر کے اک پرماتما دی آس (آپنے اندر) پکی کردا ہاں۔
جنھاں بندیاں نے ستگورو دا آسرا لیا ہے اہناں نوں پرلوک وچ (پربھو دی درگاہ وچ) آدر ملدا ہے ۔۔1۔۔
ہے میرے من! کرتار دی سفت-سالاہ کر۔
(پر اہ سفت-سالاہ دی دات گرو پاسوں ملدی ہے، سو توں) ساریاں چترائیاں چھڈّ کے گرو دے چرناں تے ڈھہِ پؤ ۔۔1۔۔ رہاؤ ۔۔
جے سکھاں دا دین والا پرماتما من وچ وسّ پئے، تاں ناہ دنیا دے دکھّ زور پا سکدے ہن، ناہ مایا دی ترشنا زور پا سکدی ہے۔
جدوں ہردے وچ اہ سدا-تھر رہن والا پرماتما وسدا ہووے، تاں کسے وی کمّ وچ لگیئے، آتمک جیون کمزور نہیں ہندا۔
ہے پربھو! جس منکھّ نوں توں آپنے ہتھ دے کے (وکاراں ولوں) بچاندا ہیں، کوئی (وکار) اس نوں آتمک (موتے) مار نہیں سکدا۔
(ہے بھائی!) آتمک آنند دین والے ستگورو دی سرن لینی چاہیدی ہے، ستگورو (من وچوں) سارے اؤگن دھو کے کڈھّ دیندا ہے ۔۔2۔۔
ہے پرکاش سروپ-پربھو! میں سیوک (تیرے پاسوں) اہناں (جیو-استریاں) دی سیوا (دا دان) منگدا ہاں، جنھاں نوں توں آپنی سیوا وچ لایا ہویا ہے۔