شری گرو گرنتھ صاحب جی

انگ - 1233

ਮਨ ਰਤਿ ਨਾਮਿ ਰਤੇ ਨਿਹਕੇਵਲ ਆਦਿ ਜੁਗਾਦਿ ਦਇਆਲਾ ॥੩॥

man rat naam rate nihakeval aad jugaad deaalaa |3|

جنھاں دے من دی پریت پربھو دے نام وچ بن جاندی ہے اہ اس پرماتما دے پیار وچ (سدا لئی) رنگے جاندے ہن جو سدھّ-سروپ ہے تے جو سدا توں ہی دیا دا سوما ہے ۔۔3۔۔

ਮੋਹਨਿ ਮੋਹਿ ਲੀਆ ਮਨੁ ਮੋਰਾ ਬਡੈ ਭਾਗ ਲਿਵ ਲਾਗੀ ॥

mohan mohi leea man moraa baddai bhaag liv laagee |

میرے چنگے بھاگاں (گرو دی کرپا نال) میری لو (پربھو-چرناں وچ) لگّ گئی ہے، من نوں موہ لین والے پربھو نے میرا من (آپنے پریم وچ) موہ لیا ہے۔

ਸਾਚੁ ਬੀਚਾਰਿ ਕਿਲਵਿਖ ਦੁਖ ਕਾਟੇ ਮਨੁ ਨਿਰਮਲੁ ਅਨਰਾਗੀ ॥੪॥

saach beechaar kilavikh dukh kaatte man niramal anaraagee |4|

سدا-تھر پربھو (دے گناں) نوں سوچ-منڈل وچ لیاؤن کر کے میرے سارے پاپ-دکھّ کٹے گئے ہن، میرا من پوتر ہو گیا ہے، (پربھو-چرناں دا) پریمی ہو گیا ہے ۔۔4۔۔

ਗਹਿਰ ਗੰਭੀਰ ਸਾਗਰ ਰਤਨਾਗਰ ਅਵਰ ਨਹੀ ਅਨ ਪੂਜਾ ॥

gahir ganbheer saagar ratanaagar avar nahee an poojaa |

میں کسے ہور دی پوجا نہیں کردا، سرف اس نوں پوجدا ہاں جو بڑے ڈونگھے تے وڈے جگرے والا ہے، جو بیئنت رتناں دی کھان سمندر ہے۔

ਸਬਦੁ ਬੀਚਾਰਿ ਭਰਮ ਭਉ ਭੰਜਨੁ ਅਵਰੁ ਨ ਜਾਨਿਆ ਦੂਜਾ ॥੫॥

sabad beechaar bharam bhau bhanjan avar na jaaniaa doojaa |5|

گرو دے شبد نوں وچار کے میں سمجھ لیا ہے کِ سرف پرماتما ہی ڈر-سہم دا ناس کرن والا ہے، کوئی ہور (دیوی دیوتا آدک) دوجا نہیں ہے ۔۔5۔۔

ਮਨੂਆ ਮਾਰਿ ਨਿਰਮਲ ਪਦੁ ਚੀਨਿਆ ਹਰਿ ਰਸ ਰਤੇ ਅਧਿਕਾਈ ॥

manooaa maar niramal pad cheeniaa har ras rate adhikaaee |

ہن میں پربھو دے نام-رس وچ بہت رنگیا گیا ہاں، من (وچوں وکاراں دی انس) مار کے میں پوتر آتمک درجے نال ڈونگھی سانجھ پا لئی ہے۔

ਏਕਸ ਬਿਨੁ ਮੈ ਅਵਰੁ ਨ ਜਾਨਾਂ ਸਤਿਗੁਰਿ ਬੂਝ ਬੁਝਾਈ ॥੬॥

ekas bin mai avar na jaanaan satigur boojh bujhaaee |6|

گرو نے مینوں سمجھ بخش دتی ہے، (ہن) اک پرماتما توں بنا میں کسے ہور نوں (اس ورگا) نہیں جاندا ۔۔6۔۔

ਅਗਮ ਅਗੋਚਰੁ ਅਨਾਥੁ ਅਜੋਨੀ ਗੁਰਮਤਿ ਏਕੋ ਜਾਨਿਆ ॥

agam agochar anaath ajonee guramat eko jaaniaa |

گرو دی متّ لے کے سرف اس پربھو نال ہی ڈونگھی سانجھ پائی ہے جو اپہنچ ہے، جس تک گیان اندریاں دی پہنچ نہیں، جو آپ ہی آپنا کھسم-مالک ہے، اتے جو جوناں وچ نہیں آؤندا۔

ਸੁਭਰ ਭਰੇ ਨਾਹੀ ਚਿਤੁ ਡੋਲੈ ਮਨ ਹੀ ਤੇ ਮਨੁ ਮਾਨਿਆ ॥੭॥

subhar bhare naahee chit ddolai man hee te man maaniaa |7|

(اس سانجھ دی برکتِ نال) میرے گیان-اندرے (نام-رس نال) نکا-نک بھر گئے ہن، ہن میرا من (مایا والے پاسے) ڈولدا نہیں ہے، آپنے اندر ہی ٹک گیا ہے ۔۔7۔۔

ਗੁਰਪਰਸਾਦੀ ਅਕਥਉ ਕਥੀਐ ਕਹਉ ਕਹਾਵੈ ਸੋਈ ॥

guraparasaadee akthau katheeai khau kahaavai soee |

پرماتما دا سروپ بیان توں پرے ہے۔ گرو دی کرپا نال ہی اس دا سمرن کیتا جا سکدا ہے۔ میں تدوں ہی اس دی سفت-سالاہ کر سکدا ہاں جدوں اہ آپ ہی سفت-سالاہ کراندا ہے۔

ਨਾਨਕ ਦੀਨ ਦਇਆਲ ਹਮਾਰੇ ਅਵਰੁ ਨ ਜਾਨਿਆ ਕੋਈ ॥੮॥੨॥

naanak deen deaal hamaare avar na jaaniaa koee |8|2|

ہے نانک! ہے میرے دین دیال پربھو! مینوں تیرے ورگا ہور کوئی نہیں دسدا، میں تیرے نال ہی سانجھ پائی ہے ۔۔8۔۔2۔۔

ਸਾਰਗ ਮਹਲਾ ੩ ਅਸਟਪਦੀਆ ਘਰੁ ੧ ॥

saarag mahalaa 3 asattapadeea ghar 1 |

راگ سارنگ، گھر 1 وچّ گرو امرداس جی دی اٹھّ-بنداں والی بانی۔

ੴ ਸਤਿਗੁਰ ਪ੍ਰਸਾਦਿ ॥

ik oankaar satigur prasaad |

اکال پرکھ اکّ ہے اتے ستگورو دی کرپا نال ملدا ہے۔

ਮਨ ਮੇਰੇ ਹਰਿ ਕੈ ਨਾਮਿ ਵਡਾਈ ॥

man mere har kai naam vaddaaee |

ہے میرے من! پرماتما دے نام وچ (جڑیاں لوک پرلوک دی) ازت ملدی ہے۔

ਹਰਿ ਬਿਨੁ ਅਵਰੁ ਨ ਜਾਣਾ ਕੋਈ ਹਰਿ ਕੈ ਨਾਮਿ ਮੁਕਤਿ ਗਤਿ ਪਾਈ ॥੧॥ ਰਹਾਉ ॥

har bin avar na jaanaa koee har kai naam mukat gat paaee |1| rahaau |

پرماتما دے نام توں بنا میں کسے ہور نال ڈونگھی سانجھ نہیں پاندا۔ پربھو دے نام دی راہیں وکاراں توں خلاسی اتے اچی آتمک اوستھا پراپت ہندی ہے ۔۔1۔۔ رہاؤ ۔۔

ਸਬਦਿ ਭਉ ਭੰਜਨੁ ਜਮਕਾਲ ਨਿਖੰਜਨੁ ਹਰਿ ਸੇਤੀ ਲਿਵ ਲਾਈ ॥

sabad bhau bhanjan jamakaal nikhanjan har setee liv laaee |

گرو دے شبد دی راہیں ڈر دور کرن والا اتے آتمک موت ناس کرن والا ہری مل پیندا ہے، پرماتما نال لگن لگّ جاندی ہے۔

ਹਰਿ ਸੁਖਦਾਤਾ ਗੁਰਮੁਖਿ ਜਾਤਾ ਸਹਜੇ ਰਹਿਆ ਸਮਾਈ ॥੧॥

har sukhadaataa guramukh jaataa sahaje rahiaa samaaee |1|

گرو دی سرن پیاں سارے سکھ دین والے ہری نال سانجھ بن جاندی ہے، (گرو دی سرن پے کے منکھّ) آتمک اڈولتا وچ ٹکیا رہندا ہے ۔۔1۔۔

ਭਗਤਾਂ ਕਾ ਭੋਜਨੁ ਹਰਿ ਨਾਮ ਨਿਰੰਜਨੁ ਪੈਨੑਣੁ ਭਗਤਿ ਬਡਾਈ ॥

bhagataan kaa bhojan har naam niranjan painan bhagat baddaaee |

نرلیپ ہرِ-نام (ہی) بھگت جناں (دے آتما) دی خوراک ہے، پربھو دی بھگتی اہناں واستے پشاک ہے تے ازت ہے۔

ਨਿਜ ਘਰਿ ਵਾਸਾ ਸਦਾ ਹਰਿ ਸੇਵਨਿ ਹਰਿ ਦਰਿ ਸੋਭਾ ਪਾਈ ॥੨॥

nij ghar vaasaa sadaa har sevan har dar sobhaa paaee |2|

جہڑے منکھّ سدا پربھو دا سمرن کردے ہن، اہ پربھو-چرناں وچ ٹکے رہندے ہن، پرماتما دے در تے اہناں نوں ازت ملدی ہے ۔۔2۔۔

ਮਨਮੁਖ ਬੁਧਿ ਕਾਚੀ ਮਨੂਆ ਡੋਲੈ ਅਕਥੁ ਨ ਕਥੈ ਕਹਾਨੀ ॥

manamukh budh kaachee manooaa ddolai akath na kathai kahaanee |

آپنے من دے پچھے ترن والے منکھّ دی اکل ہوچھی ہندی ہے، اس دا من (مایا وچ) ڈولدا رہندا ہے، اہ کدے اکتھّ پربھو دی سفت-سالاہ نہیں کردا۔

ਗੁਰਮਤਿ ਨਿਹਚਲੁ ਹਰਿ ਮਨਿ ਵਸਿਆ ਅੰਮ੍ਰਿਤ ਸਾਚੀ ਬਾਨੀ ॥੩॥

guramat nihachal har man vasiaa amrit saachee baanee |3|

گرو دی متّ اتے تریاں منکھّ اڈول-چتّ ہو جاندا ہے، اس دے من وچ پرماتما آ وسدا ہے، اس دے من وچ آتمک جیون دین والا نام-جل وسدا ہے، سدا-تھر پربھو دی سفت-سالاہ وسدی ہے ۔۔3۔۔

ਮਨ ਕੇ ਤਰੰਗ ਸਬਦਿ ਨਿਵਾਰੇ ਰਸਨਾ ਸਹਜਿ ਸੁਭਾਈ ॥

man ke tarang sabad nivaare rasanaa sahaj subhaaee |

گرو دے شبد دی برکتِ نال من دیاں دوڑاں-بھجاں دور کر لئیدیاں ہن، گر-شبد دی راہیں منکھّ دی جیبھ آتمک اڈولتا وچ ٹکّ جاندی ہے (رساں کساں دے پچھے نہیں دوڑدی)۔

ਸਤਿਗੁਰ ਮਿਲਿ ਰਹੀਐ ਸਦ ਅਪੁਨੇ ਜਿਨਿ ਹਰਿ ਸੇਤੀ ਲਿਵ ਲਾਈ ॥੪॥

satigur mil raheeai sad apune jin har setee liv laaee |4|

آپنے گرو (دے چرناں) وچ جڑے رہنا چاہیدا ہے، کیونکِ (اس) گرو نے آپنی سرت سدا پرماتما وچ جوڑ رکھی ہے ۔۔4۔۔

ਮਨੁ ਸਬਦਿ ਮਰੈ ਤਾ ਮੁਕਤੋ ਹੋਵੈ ਹਰਿ ਚਰਣੀ ਚਿਤੁ ਲਾਈ ॥

man sabad marai taa mukato hovai har charanee chit laaee |

(جدوں کسے منکھّ دا) من گرو دے شبد دی راہیں آپا-بھاو دور کردا ہے، تدوں (اہ منکھّ) پربھو دے چرناں وچ چتّ جوڑ کے وکاراں دے پنجے وچوں نکل جاندا ہے۔

ਹਰਿ ਸਰੁ ਸਾਗਰੁ ਸਦਾ ਜਲੁ ਨਿਰਮਲੁ ਨਾਵੈ ਸਹਜਿ ਸੁਭਾਈ ॥੫॥

har sar saagar sadaa jal niramal naavai sahaj subhaaee |5|

پرماتما (مانو، ایسا) سروور ہے سمندر ہے (جس دا) جل پوتر رہندا ہے، (جہڑا منکھّ اس وچ) اشنان کردا ہے، اہ آتمک اڈولتا وچ پریم وچ لین رہندا ہے ۔۔5۔۔

ਸਬਦੁ ਵੀਚਾਰਿ ਸਦਾ ਰੰਗਿ ਰਾਤੇ ਹਉਮੈ ਤ੍ਰਿਸਨਾ ਮਾਰੀ ॥

sabad veechaar sadaa rang raate haumai trisanaa maaree |

جہڑے منکھّ گرو دے شبد نوں آپنے من وچ وسا کے (تے، شبد دی برکتِ نال آپنے اندروں) ہؤمے اتے ترشنا نوں مکا کے سدا (پربھو دے) پیار-رنگر وچ رنگے رہندے ہن،

ਅੰਤਰਿ ਨਿਹਕੇਵਲੁ ਹਰਿ ਰਵਿਆ ਸਭੁ ਆਤਮ ਰਾਮੁ ਮੁਰਾਰੀ ॥੬॥

antar nihakeval har raviaa sabh aatam raam muraaree |6|

اہناں دے اندر سدھّ-سروپ ہری آ وسدا ہے، (اہناں نوں) ہر تھاں پرماتما ہی دسدا ہے ۔۔6۔۔

ਸੇਵਕ ਸੇਵਿ ਰਹੇ ਸਚਿ ਰਾਤੇ ਜੋ ਤੇਰੈ ਮਨਿ ਭਾਣੇ ॥

sevak sev rahe sach raate jo terai man bhaane |

پر، ہے پربھو! اہی سیوک تیری سیوا-بھگتی کردے ہن اتے تیرے سدا-تھر نام وچ رنگے رہندے ہن، جہڑے تیرے من وچ پیارے لگدے ہن۔

ਦੁਬਿਧਾ ਮਹਲੁ ਨ ਪਾਵੈ ਜਗਿ ਝੂਠੀ ਗੁਣ ਅਵਗਣ ਨ ਪਛਾਣੇ ॥੭॥

dubidhaa mahal na paavai jag jhootthee gun avagan na pachhaane |7|

میر-تیر وچ پھسی ہوئی جیو-استری پرماتما دے چرناں وچ تھاں نہیں لے سکدی، اہ دنیا وچ بھی آپنا اتبار گوائی رکھدی ہے، اہ اہ نہیں پچھان سکدی کِ جو کجھ میں کر رہی ہاں اہ چنگا ہے جاں ماڑا ۔۔7۔۔

ਆਪੇ ਮੇਲਿ ਲਏ ਅਕਥੁ ਕਥੀਐ ਸਚੁ ਸਬਦੁ ਸਚੁ ਬਾਣੀ ॥

aape mel le akath katheeai sach sabad sach baanee |

جدوں پربھو آپ ہی آپنے چرناں وچ جوڑے، تدوں ہی اس اکتھّ پربھو دی سفت-سالاہ کیتی جا سکدی ہے، تدوں ہی اس دا سدا-تھر شبد اس دی سدا-تھر بانی دا اچارن کیتا جا سکدا ہے۔