سریراگُ مہلا 3 ۔۔
جے گرو مل پئے تاں (چوراسی لکھّ جوناں والا) پھیرا نہیں پیندا، جنم مرن وچ پان والا دکھ دور ہو جاندا ہے۔
پورے (ابھلّ) گرو دے شبد وچ جڑیاں (سہیہ جیون دی) سمجھ آ جاندی ہے، (گرو دی سرن پین والا منکھّ) پرماتما دے نام وچ لین ٹکیا رہندا ہے ۔۔1۔۔
ہے میرے من! گرو نال چتّ جوڑ۔
(گرو دی سرن پیاں) پرماتما دا پوتر نام سدا نویں آنند والا لگدا ہے، تے پرماتما آپ من وچ آ وسدا ہے ۔۔1۔۔ رہاؤ ۔۔
ہے پربھو جی! توں (جیواں نوں) آپنی سرن وچ رکھّ، جس آتمک اوستھا وچ توں (جیواں نوں) رکھدا ہیں اسے وچ اہ رہندے ہن۔
گرو دے شبد وچ جڑ کے منکھّ دنیا وچ وچردا ہویا ہی وکاراں ولوں ہٹیا رہندا ہے۔ گرو دی سرن پے کے سنسار-سمندر توں پار لنگھ جائیدا ہے ۔۔2۔۔
(ہے بھائی!) پرماتما دا نام وڈی کسمت نال ملدا ہے۔ گرو دی متِ تے تریاں گرو دے شبد وچ جڑیاں زندگی سوہنی بن جاندی ہے۔
کرتار پربھو آپ ہی من وچ آ وسدا ہے۔ (گرو دے شبد دی راہیں منکھّ) سدا آتمک اڈولتا وچ ٹکیا رہندا ہے ۔۔3۔۔
کئی ایسے ہن جو آپنے ہی من دے پچھے تردے ہن، اہناں نوں گرو دا شبد پیارا نہیں لگدا۔ آپنے من دے پچھے ترن والا منکھّ (مایا دے) بندھن وچ بنھ کے (جنم مرن دے گیڑ وچ) بھوایا جاندا ہے۔
اہ چوراسی لکھّ جوناں وچ مڑ مڑ جمدا ہے، تے آپنا (منکھا) جنم وئرتھ گوا جاندا ہے ۔۔4۔۔
پرماتما دی بھگتی کرن والے بندیاں دے من وچ آنند بنیا رہندا ہے، اہ سدا-تھر پربھو دی سفت-سالاہ دے شبد وچ پربھو دے پریم-رنگم وچ رنگے رہندے ہن۔
اہ سدا ہر ویلے پرماتما دے پوتر گن گاندے رہندے ہن، (جس دی برکتِ نال اہ) آتمک اڈولتا وچ تے پربھو-نامو وچ ہی لین رہندے ہن ۔۔5۔۔
گرو دے سنمکھ رہن والے منکھّ ساری سرشٹی وچ پرماتما نوں وسدا پچھان کے آتمک جیون دین والی پربھو دی سفت-سالاہ دی بانی اچاردے رہندے ہن۔
گرو دی سرن پے کے اہ منکھّ اک پرماتما دا ہی سمرن کردے ہن۔ پرماتما دا ہی آرادھن کردے ہن، تے اس پرماتما دیاں ہی کتھا-کہانیاں کردے ہن جس دے سارے گن بیان نہیں ہو سکدے ۔۔6۔۔
(ہے بھائی!) سدا-تھر رہن والے مالک-پربھو نوں سمرنا چاہیدا ہے۔ جیہڑے منکھّ گرو دی سرن پے کے سمردے ہن، اہناں دے من وچ پربھو آ وسدا ہے۔
(اہ وڈ-بھاگی منکھّ) سدا پربھو دے پریم-رنگم وچ رنگے رہندے ہن، سدا-تھر پربھو نال جڑے رہندے ہن، پربھو آپنی کرپا کر کے اہناں نوں آپنے نال ملا لیندا ہے ۔۔7۔۔
(پر اہ ساری کھوج پرماتما دے آپنے ہی ہتھ وچ ہے) پربھو آپ ہی (سبھ جیواں وچ پریرک ہو کے سبھ کجھ) کردا ہے آپ ہی (جیواں پاسوں) کراندا ہے۔ مایا دی نیند وچّ ستے ہوئے کئی جیواں نوں بھی پربھو آپ ہی جگا دیندا ہے۔
ہے نانک! گرو دے شبد وچ جوڑ کے پربھو آپ ہی (اہناں نوں) آپنے چرناں وچ ملا لیندا ہے ۔۔8۔۔7۔۔24۔۔
سریراگُ مہلا 3 ۔۔
جے گرو دا پلا پھڑی رکھیئے، تاں من پوتر ہو جاندا ہے، سریر (بھی) پوتر ہو جاندا ہے (بھاو، گیان-اندرے وکاراں ولوں ہٹے رہندے ہن)۔
(جیہڑا منکھّ گرو دے در تے آ جاندا ہے اس دے) من وچ آنند پیدا ہندا ہے، اہ سدا لئی آتمک سکھ ماندا ہے، اس نوں ڈونگھا تے وڈے جگرے والا پرماتما مل پیندا ہے۔
سدا-تھر پربھو دی سنگتِ وچ ٹکے رہاں من سدا-تھر رہن والے پربھو دے نام وچ ٹکاؤ ہاسل کر لیندا ہے ۔۔1۔۔
ہے میرے من! جھاکا لاہ کے گرو دی سرن پؤ۔
(ہے بھائی!) گرو دی سرن پیاں پرماتما من وچ وسدا ہے، تے (من نوں وکاراں دی) رتا بھی میل نہیں لگدی ۔۔1۔۔ رہاؤ ۔۔
سدا-تھر پربھو دی سفت-سالاہ دے شبد وچ جڑیاں (لوک پرلوک وچ) ازت ملدی ہے؛ سدا-تھر رہن والے پربھو دا سدا-تھر نام مل جاندا ہے۔
میں اہناں بندیاں توں سدکے جاندا ہاں، جنھاں نے (آپنے اندروں) ہؤمے دور کر کے پرماتما نال ڈونگھی سانجھ پائی ہے۔
آپنے من دے پچھے ترن والے منکھّ سدا-تھر پربھو نال جان-پچھان نہیں پا سکدے (اس واستے آتمک شانتی واستے) اہناں نوں ہور کوئی تھاں-تھتا نہیں ملدا ۔۔2۔۔
سدا-تھر پربھو دا نام جنھاں منکھاں دی آتمک خوراک بن گیا ہے، پربھو دا نام ہی جنھاں دی پشاک ہے (آدر-ستکار ہاسل کرن دا وسیلا ہے)، جنھاں دی سرت سدا-تھر پربھو وچ ہی جڑی رہندی ہے،
جو منکھّ سدا-تھر پربھو دی سدا سپھتِ-سالاہ کردے رہندے ہن، سدا کائم رہن والے پرماتما دے شبد وچ جنھاں دا من ٹکیا رہندا ہے،
اہناں نے ہر تھاں سرب ویاپک پرماتما نوں وسدا پچھان لیا ہے، گرو دی متِ تے تر کے اہناں دی سرت انتر آتمے ٹکی رہندی ہے ۔۔3۔۔
جیہڑا منکھّ سدا-تھر پربھو نوں ہی ہر تھاں ویکھدا ہے، سدا-تھر پربھو ہی جس نوں ہر تھاں بولدا دسدا ہے اس دا سریر (مایا دے ہلیاں ولوں) اڈول ہو جاندا ہے اس دا من (وکاراں دے ہلیاں ولوں) اڈول ہو جاندا ہے۔
سدا-تھر پربھو دا سمرن ہی اہ سکھیا تے اپدیش گرہن کردا ہے۔ سدا-تھر پربھو دا روپ ہو چکے اس (وڈبھاگی منکھّ) دی سوبھا اٹلّ ہو جاندی ہے۔
پر جنھاں منکھاں نے سدا-تھر پربھو نوں (اتھے) بھلائی رکھیا، اہ (اتھے بھی) دکھی رہے، تے اتھوں ترے بھی دکھی ہو ہو کے ۔۔4۔۔
جنھاں بندیاں نے ستگورو دا پلا ناہ پھڑیا اہناں دا سنسار وچ آؤنا وئرتھ گیا۔
اہ جم دے دروازے تے بدھے ماری کٹیدے ہن، کوئی اہناں دی کوک پکار ول دھیان نہیں دیندا۔
اہناں منکھا جنم وئرتھ گوا دتا، تے پھر مڑ مڑ جمدے مردے رہندے ہن ۔۔5۔۔