ہے نانک! جہڑے منکھّ پرماتما دے نام-رنگ وچ رنگے رہندے ہن، اہ دھن وان ہن، باکی سارا سنسار کنگال ہے ۔۔26۔۔
پرماتما دا نام (ہی پرماتما دے) سیوکاں دا سہارا ہے، ہرِ-نام توں بنا (اہناں نوں) کوئی ہور آسرا نہیں سجھدا۔
گرو دی متّ دی برکتِ نال پرماتما دا نام (اہناں دے) من وچ وسیا رہندا ہے، ہر ویلے آتمک اڈولتا وچ (اہناں دی) لینتا رہندی ہے۔
وڈے بھاگاں نال (اہناں نے دن رات پرماتما دا) نام سمریا ہے، دن رات اہناں دا پیار (ہرِ-نام نال) بنیا رہندا ہے۔
داس نانک اہناں دے چرناں دی دھوڑ (سدا) منگدا ہے (تے آکھدا ہے کِ ہے بھائی!) میں اہناں توں سدا سدکے جاندا ہاں ۔۔27۔۔
چوراسی لکھّ جوناں دے جیواں والی اہ دھرتی ترشنا (دی اگّ) وچ سڑ رہی ہے اتے پکار کر رہی ہے۔
مایا دا اہ موہ ساری لکائی وچ پربھاو پا رہا ہے (پر اہ مایا) اخیرلے ویلے (کسے دے بھی) نال نہیں جاندی۔
پرماتما دے نام توں بنا (مایا ولوں کسے نوں) شانتی (بھی) نہیں آؤندی۔ (گرو توں بنا) کس اگے میں پکار کراں؟ (مایا دے موہ توں ہور کوئی چھڈا نہیں سکدا)۔
وڈے بھاگاں نال (جنھاں منکھاں نے) گرو لبھّ لیا، اہناں پرماتما نال سانجھ پا لئی، اہناں پرماتما دے گناں نوں آپنے من وچ وسا لیا۔
ہے داس نانک! پرماتما نوں ہردے وچ وسان دے کارن (اہناں دے اندروں) ترشنا دی ساری اگّ بجھّ گئی ۔۔28۔۔
ہے ہری! اسیں جیو بہت بھلاں کردے رہندے ہاں، (ساڈیاں بھلاں دا) انت نہیں پے سکدا، (ساڈیاں بھلاں دا) پارلا ارلا بنا نہیں لبھدا۔
ہے ہری! توں مہر کر کے آپ ہی بخش لے، میں پاپی ہاں، گناہگار ہاں۔
ہے پربھو جی! (میرے کیتے کرماں دے) لیکھے دی راہیں تاں (بخشش ہاسل کرن دی میری) واری ہی نہیں آ سکدی، توں (میریاں بھلاں) بخش کے (مینوں آپنے چرناں وچ) ملان دی سمرتھا والا ہیں۔
(جس اتے پربھو دی مہر ہوئی، اس دے اندروں) سارے پاپ وکار کٹّ کے دیاوان ہوئے گرو نے اس نوں ہرِ-پربھو ملا دتا۔
ہے داس نانک! جنھاں منکھاں نے پرماتما دا نام سمریا ہے، اہناں نوں (لوک پرلوک وچ) ازت ملدی آئی ہے ۔۔29۔۔
(انیکاں جنماں وچ پرماتما نالوں) مڑ مڑ وچھڑ کے جہڑے منکھّ (آخر) گرو دے ڈر-ادب وچ گرو دے پریم وچ ٹک گئے،
اہ گرو دی راہیں پرماتما دا نام سمر سمر کے جنم مرن دے گیڑ ولوں اڈول ہو گئے۔
جنھاں منکھاں نوں سادھو گرو دی سنگت ہاسل ہو جاندی ہے، اہ (اس سنگت وچوں) پرماتما دے کیمتی آتمک گن لبھّ لیندے ہن۔
ہے نانک! پرماتما دا اتّ کیمتی نام-ہیرا گرو دے سنمکھ رہن والے منکھّ (سنگت وچوں) کھوج کے ہاسل کر لیندے ہن ۔۔30۔۔
آپنے من دے پچھے ترن والے منکھاں نے پرماتما دا نام نہیں سمریا، اہناں دا جیؤنا پھٹکار-جوگا، اہناں دا جگت-وسیبا پھٹکار-جوگا ہی رہندا ہے۔
اہناں دے من وچ گناں دا خزانا اہ پربھو نہیں ٹکیا، جس دا دتا انّ اتے کپڑا اہ ورتدے رہندے ہن۔
اہناں دا اہ من (کدے) گرو دے شبد وچ نہیں جڑدا۔ پھر اہناں نوں پربھو-چرناں دا نواس کویں ہاسل ہووے؟
آپنے من دے پچھے ترن والیاں جیو-استریاں بد-نسیب ہی رہندیاں ہن، اہ جنم-مرن دے گیڑ وچ پئیاں رہندیاں ہن، اہ سدا آتمک موتے مریاں رہندیاں ہن۔
جہڑیاں جیو-استریاں گرو دے سنمکھ ہن (اہناں دے ہردے وچ وسدا ہرِ-) نام اہناں دے سر اتے سہاگ ہے، اہناں دے متھے اتے ٹکا لگا ہویا ہے۔
گرو دے سنمکھ رہن والیاں نے پرماتما دا نام سدا آپنے ہردے وچ وسایا ہندا ہے اہناں دے ہردے دا کول-پھلّ کھڑیا رہندا ہے۔
اہ جیو-استریاں سدا آپنے گرو دی سرن پئیاں رہندیاں ہن۔ میں اہناں توں سدا سدکے ہاں۔
ہے نانک! جنھاں دے ہردے وچ (پرماتما دا) نام (آتمک جیون دا) چانن (کری رکھدا) ہے اہناں دے مونہ (لوک پرلوک وچ) روشن رہندے ہن ۔۔31۔۔
(جہڑا منکھّ گرو دے) شبد دی راہیں (وکاراں ولوں) مردا ہے اہ منکھّ ہی (زندگی وچ) کامیاب ہندا ہے۔ (گرو دے) شبد توں بنا وکاراں توں خلاسی نہیں ہندی۔
جہڑے منکھّ نرے وکھاوے دے دھارمک پہراوے ہن اتے وکھاوے دے ہی دھارمک کرم کردے ہن، اہ خوار ہندے رہندے ہن۔ مایا دے موہ وچ پھسے رہِ کے دنیا خوار ہندی ہے۔
ہے نانک! (آکھ-ہے بھائی!) گرو دی سرن پین توں بنا پرماتما دا نام نہیں ملدا، بھاویں کوئی منکھّ سو واری تانگھ پیا کرے ۔۔32۔۔
پرماتما دا نامنا بہت وڈا ہے، بیئنت اچا ہے۔
بھاویں کوئی منکھّ سو واری تانگھ کرے، اس دے نامنے تک کوئی پہنچ نہیں سکدا۔
ہریک سادھو دھارمک پہراوا پہن کے تاں پیا پھردا ہے (تے سمجھدا ہوویگا کِ اس تراں اچے جیون وچ میں پرماتما دی اچتا تک پہنچ گیا ہاں، پر) اندریاں نوں وسّ کرن دیاں نریاں زبانی گلاں کیتیاں کوئی منکھّ سچے جیون والا نہیں بن جاندا۔
(گرو دا شبد ہی ہے) گرو دی (دسی ہوئی) پوڑی (جس دی سہائتا نال منکھّ پربھو دے چرناں تک) جا پہنچدا ہے، (پر اہ 'گر کی پؤڑی' پرماتما دی) مہر نال ہی ملدی ہے۔
جہڑا کوئی منکھّ گرو دے شبد نوں آپنے من وچ وساندا ہے اس دے اندر پرماتما آ وسدا ہے۔