پوری سردھا نال من دی شنکا اتار کے گرو دی سرن پے جانا چاہیدا ہے، (اس تراں) اندر-وسدے پرماتما دی سمجھ پے جاندی ہے۔
مرن توں پہلاں ہی اس موت دا ڈر مار لئیدا ہے جس موت دے وسّ آخر پینا ہندا ہے۔
(پر اہ اوستھا تدوں) پراپت ہندی ہے جدوں گرو دی دسی سکھیا اتے تریئے، تے (پربھو دی سفت-سالاہ والے) سوہنے شبد وچ اک-رس (جڑے رہیئے) ॥2۔۔
جدوں اک-رس سفت-سالاہ کر سکن والی اوستھا پراپت ہو جائے، تاں اس اوستھا وچ (منکھّ دے اندروں) ہؤمے دا ناس ہو جاندا ہے (میں وڈا ہو جاواں، میں وڈا ہاں-اہ ہالت مکّ جاندی ہے)۔
میں سدا سدکے ہاں اس منکھّ توں جو آپنے گرو نوں سینودا ہے (گرو دے دسے راہ تے تردا ہے)۔
اس دے مونہ وچ سدا پربھو دا نام وسدا ہے، اس نوں پربھو دی ہزوری وچ لے جا کے آدر ملدا ہے ۔۔3۔۔
(پر سنسار دی ہالت ہور تراں دی بن رہی ہے) میں جدھر ویکھدا ہاں ادھر ہی (منمکھ) جیو مایا وچ مست ہو رہے ہن، (ہر پاسے) مایا تے جیواں دا گٹھ-جوڑ بنیا پیا ہے۔
منمکھاں دا سریر مایا دے تنّ گناں وچ ہی بجھا ہویا ہے۔ آپنے من دے پچھے ترن والا جیہڑا بھی جیو جگت وچ آیا اہ اہی کھیڈ کھیڈدا رہا۔
آپنے من دے پچھے ترن والے بندے پرماتما نال ملاپ ہاسل ہی نہیں کر سکدے، کیونکِ اہ وچھڑے ہوئے (سدا) وچھڑے ہی رہندے ہن تے دکھّ وچ رہندے ہن ۔۔4۔۔
(مایا ولوں) ویراگوان من (بھٹکنا توں بچیا رہِ کے) آپنے سروپ وچ ہی ٹکیا رہندا ہے، (کیونکِ) اہ پرماتما دے ادب وچ رنگیا رہندا ہے۔
اہ من پرماتما نال ڈونگھی سانجھ دا مہا آنند ماندا ہے، اس نوں مڑ مایا دی ترشنا نہیں ویاپدی۔
ہے نانک! توں بھی اس من نوں (مایا دے موہ ولوں) مار کے (پربھو-چرناں وچ) جڑیا رہُ، پھر کدے (پربھو توں وچھوڑے دا) دکھّ نہیں ویاپیگا ۔۔5۔۔18۔۔
سریراگُ مہلا 1 ۔۔
پر مایا-ویڑھے منکھّ دا اہ من مورکھ ہے لالچی ہے، ہر ویلے لوبھ وچ پھسیا رہندا ہے۔
گرو دے شبد وچ اس دی رچی ہی نہیں بندی، اس بھیڑی متِ دے کارن جنم مرن دا گیڑ بنیا رہندا ہے۔
جے اس نوں گرو ستگورو مل پئے، تاں گناں دا خزانا پربھو اس نوں مل پیندا ہے ۔۔1۔۔
ہے (میرے) من! میں (سیانا) ہاں، میں (سیانا) ہاں-اہ اہنکار چھڈّ،
تے پرماتما دے روپ گرو دی سرن پؤ جو (آتما نوں پوتر کرن والا) سروور ہے۔ (اس تراں) پربھو دی ہزوری وچ آدر ہاسل کرینگا ۔۔1۔۔ رہاؤ ۔۔
ہے من! پرماتما دا نام دن رات جپیا کر۔ گرو دی سرن پے کے ہری-نام دھن دی کدر سمجھ۔
سادھ سنگتِ وچ مل کے ہری نام نال سانجھ پا، سارے آتمک آنند پراپت ہو جانگے۔
(پر جس نوں) ستگورو نے نام دی دات بخشی، اس نے سدا دن رات ہری پربھو دا سمرن کیتا ہے ۔۔2۔۔
جیہڑا منکھّ آپنے (لوبھی) من دے پچھے تردا ہے، اہ کتیاں وانگ (برکی برکی واستے در در تے خوار ہندا) ہے، اہ سدا مایا والی دوڑ-بھجّ ہی کردا ہے (اتھوں تک نگھردا ہے کِ) گرو دی نندیا وچ ہر ویلے خوار ہندا ہے۔
مایا والی بھٹکنا وچ کراہے پیندا ہے، بہت دکھّ پاندا ہے، (آخر) جمراج اس نوں گجھی مار مار کے بھوہ کر دیندا ہے۔
آپنے من دے پچھے ترن والا منکھّ کدے سکھ نہیں پاندا، پر گرو دی سرن پیاں اسچرج آتمک آنند ملدا ہے ۔۔3۔۔
(لوبھی منکھّ) اس لوک وچ دنیا دے جنجالاں وچ کھچت رہندا ہے، (پر پربھو دی ہزوری وچ) سمرن دا لیکھا کبول ہندا ہے۔
گرو اسل متر پرماتما دا سمرن کردا ہے (تے ہورناں نوں بھی اہی پریرنا کردا ہے)، گرو والی اہ کار (درگاہ وچ) منی جاندی ہے۔
ہے نانک! سدا کائم رہن والے پربھو دی مہر نال (جس منکھّ دے متھے اتے) لیکھ اگھڑدا ہے اس نوں کدے پربھو دا نام بھلدا نہیں ۔۔4۔۔19۔۔
سریراگُ مہلا 1 ۔۔
(اجہے سبھاگ بندیاں نوں) جو رتا بھر سمیں واستے بھی پریتم پربھو وسر جائے، تاں اہ آپنے من وچ وڈا روگ (پیدا ہو گیا سمجھدے ہن)۔
(اننج بھی) جے پرماتما دا نام من وچ ناہ وسے، تاں پرماتما دی درگاہ وچ ازت نہیں مل سکدی۔
جے گرو مل پئے، (تاں اہ پربھو دی سفت-سالاہ دی دات دیندا ہے، اس دی برکتِ نال) آتمک آنند پراپت ہندا ہے (کیونکِ) سفت-سالاہ وچ جڑیاں ترشنا-اگن بجھّ جاندی ہے ۔۔1۔۔
ہے (میرے) من! دن رات (ہر ویلے) پرماتما دے گن چیتے کردا رہُ۔
جگت وچ اہ (بھاگاں والے) منکھّ ورلے ہندے ہن، جنھاں نوں پربھو دا نام کھن پل واستے بھی نہیں بھلدا ۔۔1۔۔ رہاؤ ۔۔
جے پربھو دی جوتِ وچ آپنی جند رلا دیئیے، اس وچ آپنی سرت دا میل کر دیئیے،
تاں کٹھورتا تے ہؤمے دور ہو جاندیاں ہن، کوئی سہم تے چنتا بھی نہیں رہِ جاندے۔
گرو دی سرن پے کے جس منکھّ دے من وچ پربھو دی یاد ٹکدی ہے، گرو اس نوں پرماتما نال ملن دا پورا اوسر بخشدا ہے ۔۔2۔۔
جویں استری آپنے آپ نوں آپنے پتی دے ہوالے کردی ہے، تویں جے میں کایاں نوں استری بناواں، کایاں-استری (بھاو، گیان-اندریاں) نوں پربھو والے پاسے پرتاواں، تاں پربھو-پتیو دا ملاپ ہو جائے۔
اس سریر نال (اتنا) موہ نہیں کرنا چاہیدا (کِ اس نوں وکاراں ول کھلھ ملی رہے)، اہ تاں پرتکھّ تور تے ناسونت ہے۔
گرو دے راہے ترن والیاں جیو-استریاں پربھو نوں سمردیاں ہن، اہ پربھو اہناں دے ہردے-سیجے اتے بیٹھدا ہے ۔۔3۔۔