راگ دھناسری وچّ گرو ارجندیو جی دی بانی 'چھنت' (چھند)۔
اکال پرکھ اکّ ہے اتے ستگورو دی کرپا نال ملدا ہے۔
ہے بھائی! اہ گرو دیناں اتے دیا کرن والا ہے جس دی سنگتِ وچ (رہِ کے) پرماتما دی سفت-سالاہ کیتی جا سکدی ہے۔
گرو دی سنگتِ وچ آتمک جیون دین والا ہرِ-نام سمریا جا سکدا ہے۔
ہے بھائی! گرو دی سنگتِ وچ جاہ، (اتھے) اک پربھو دا سمرن کر، (سمرن دی برکتِ نال) جنم مرن دا دکھّ دور ہو جاندا ہے۔
(جس منکھّ دے متھے اتے) دھر درگاہ توں (سمرن کرن واستے) بخشش (دا لیکھ) لکھیا ہندا ہے، اہی سدا-تھر ہرِ-نام سمرن دی سکھیا گرہن کردا ہے، اس دی آتمک موت دی پھاہی کٹی جاندی ہے۔
ہے بھائی! سمرن دی برکتِ نال سارے ڈر سارے بھرم ناس ہو جاندے ہن، (من وچ بجھی ہوئی) گنڈھ کھلھ جاندی ہے، آتمک موت سہیڑن والے رستے اتے بلکل نہیں تریدا۔
نانک بینتی کردا ہے-ہے پربھو! میہر کر کِ اسیں جیو سدا تیری سفت-سالاہ کردے رہیئے ۔۔1۔۔
ہے پربھو! توں مایا دی کالکھ توں رہت ہیں، تیرا نام ہی نیاسریاں دا آسرا ہے۔
توں سبھ جیواں نوں داتاں دین والا ہیں، توں سبھناں دے دکھّ ناس کرن والا ہیں۔
ہے (سبھ جیواں دے) دکھّ ناس کرن والے، سبھ دے پیدا کرن والے، سارے سکھاں دے مالک-پربھو! جیہڑا منکھّ گرو دی سرن آؤندا ہے،
اس نوں توں اس بڑے اؤکھے سنسار-سمندر توں اک چھن وچ پار لنگھا دیندا ہیں۔
ہے پربھو! گرو دا دتا گیان-سرما جس منکھّ دیاں اکھاں وچ پیندا ہے، اس نوں توں سبھ تھاواں وچ ویاپک دسدا ہیں۔
نانک بینتی کردا ہے-ہے سارے دکھاں دے ناس کرن والے! (میہر کر) میں سدا تیرا نام سمردا رہاں ۔۔2۔۔
جنھاں اتے توں میہر (دی نگاہ) کردا ہیں، توں اہناں نوں آپنے لڑ لا لیندا ہیں۔
ہے اپہنچ تے بیئنت پربھو! میں گن-ہین نیچ اتے اناتھ (بھی تیری سرن آیا ہاں، میرے اتے بھی میہر کر)۔
ہے دیا دے گھر! ہے کرپا دے گھر مالک! ہے نیویاں نوں اچے بنان والے پربھو!
سارے جیو تیرے وسّ وچ ہن، سارے تیری سمبھال وچ ہن۔
توں آپ (سبھ جیواں نوں) پیدا کرن والا ہیں، (سبھ وچ ویاپک ہو کے) توں آپ (سارے پدارتھ) بھوگن والا ہیں، توں آپ سارے جیواں واستے وچاراں کرن والا ہیں۔
نانک (تیرے در تے) بینتی کردا ہے-ہے پربھو! (میہر کر) میں تیرے گن گا کے آتمک جیون پراپت کردا رہاں، میں سدا تیرے نام دا جاپ جپدا رہاں ۔۔3۔۔
ہے پربھو! توں بیئنت ہیں۔ تیرا نام کسے (دنیاوی) کیمت توں نہیں مل سکدا۔
ہے ناہ تولے جا سکن والے سرب-ویاپک پربھو! تیرے داس سدا تیرا نام جپدے رہندے ہن۔
ہے پربھو! سنتاں اتے توں آپ پرسنّ ہندا ہیں، تے اہناں دی جیبھ اتے آ وسدا ہیں، اہ تیرے نام دے رس وچ مست رہندے ہن۔
جیہڑے منکھّ گرو دی چرنیں آ لگدے ہن، اہ وڈے بھاگاں والے ہو جاندے ہن، اہ سدا ہر ویلے (سمرن دی برکتِ نال مایا دے ہلیاں ولوں) سچیت رہندے ہن۔
ہے سمرن-جوگن مالک! ہے پربھو! جیہڑا (گرو) سدا ہی ہریک ساہ دے نال تیرے گن اچاردا رہندا ہے،
نانک بینتی کردا ہے-مینوں اس گرو دی چرن-دھوڑ دیہ، جیہڑا تیرا امولک نام (سدا جپدا ہے) ॥4۔۔1۔۔
راگ دھناسری وچّ بھگت کبیر جی دی بانی۔
اکال پرکھ اکّ ہے اتے ستگورو دی کرپا نال ملدا ہے۔
ہے پربھو! (برہما دے پتراں) سنک، سنند اتے شو جی ورگیاں نے تیرا بھید نہیں پایا؛
(وشنو دے بھگت) شیشناگ نے تیرے (دل دا) راز نہیں سمجھیا ۔۔1۔۔
میں سنتاں دی سنگتِ وچ رہِ کے پرماتما نوں آپنے ہردے وچ وساؤندا ہاں ۔۔1۔۔ رہاؤ ۔۔
(سری رام چندر جی دے سیوک) ہنومان ورگے نے، (وشنو دے سیوک تے پنچھیاں دے راجے) گرڑ ورگیاں نے،
دیوتیاں دے راجے اندر نے، وڈے وڈے راجیاں نے بھی تیرے گناں دا انت نہیں پایا ۔۔2۔۔
چار وید، (اٹھاراں) سمرتیاں، (اٹھاراں) پران-(اہناں دے کرتا برہما، منو تے ہور رشیاں) نے تینوں نہیں سمجھیا؛
وشنو تے لچھمی نے بھی تیرا انت نہیں پایا ۔۔3۔۔
کبیر آکھدا ہے-(باکی ساری سرشٹی دے لوک پربھو نوں چھڈّ کے ہور ہور پاسے بھٹکدے رہے) اکّ اہ منکھّ بھٹکدا نہیں،
جو (سنتاں دی) چرنیں لگّ کے پرماتما دی شرن وچ ٹکیا رہندا ہے ۔۔4۔۔1۔۔