راگ رامکلی وچّ گرو ارجندیو جی دی بانی 'وار'۔
اکال پرکھ اکّ ہے اتے ستگورو دی کرپا نال ملدا ہے۔
سلوک م 5 ۔۔
ستگورو جہو جہا سنیدا سی، اہو جہا جہا ہی میں (اکھیں) ویکھ لیا ہے۔
گرو پربھو دی ہزوری دا وچولا ہے، پربھو توں وچھڑیاں نوں (مڑ) پربھو نال ملا دیندا ہے۔
پربھو دا نام سمرن دا اپدیش (جیو دے ہردے وچ) پکا کر دیندا ہے (تے اس تراں اس دا) ہؤمے دا روگ دور کر دیندا ہے۔
پر، ہے نانک! پربھو اہناں نوں ہی گرو ملاؤندا ہے جنھاں دے بھاگاں وچ دھروں اہ میل لکھیا ہندا ہے ۔۔1۔۔
م 5 ۔۔
جے اک پربھو متر بن جائے تاں سارے جیو متر بن جاندے ہن؛ پر جے اک اکال پرکھ ویری ہو جائے تاں سارے جیو ویری بن جاندے ہن (بھاو، اک پربھو نوں متر بنایاں سارے جیو پیارے لگدے ہن، تے پربھو توں وچھڑیاں جگت دے سارے جیواں نالوں وتھّ پے جاندی ہے)۔
اہ گلّ پورے گرو نے وکھا دتی ہے کِ نام سمرن توں بنا (پربھو نوں سجن بناؤن توں بنا) ہور ہریک کار وئرتھ ہے۔
(کیونکِ) ربّ توں ٹٹے ہوئے وکاری بندے جو مایا دے سواد وچ مست رہندے ہن اہ بھٹکدے پھردے ہن۔
داس نانک نے ستگورو دی میہر دا سدکا پرماتما نال ڈونگھی سانجھ پا لئی ہے ۔۔2۔۔
پؤڑی ۔۔
بنان والے (پربھو) نے آپ ہی اہ (جگت-) بنتر بنائی ہے۔
(اہ جگت-ہٹّ وچ) اہ آپ ہی پورا شاہ ہے، تے آپ ہی (آپنے نام دی) کھٹی کھٹّ رہا ہے۔
پربھو آپ ہی (جگت-) کھلارا کھلار کے آپ ہی (اس کھلارے دے) رنگاں وچ ملیا ہویا ہے۔
اس الکھّ پرماتما دی رچی کدرتِ دا ملّ نہیں پے سکدا۔
پربھو اپہنچ ہے، (اہ اک ایسا سمندر ہے جس دی) ڈونگھائی لبھّ نہیں سکدی، اس دا انت نہیں پایا جا سکدا، اہ پرے توں پرے ہے۔
پربھو آپ ہی وڈا پاتشاہ ہے، آپ ہی آپنا سلاہکار ہے۔
کوئی جیو پربھو دی بزرگی دا ملّ نہیں پا سکدا، کوئی نہیں جاندا کِ اس دا کیڈا وڈا (اچا) ٹکانا ہے۔
پربھو آپ ہی سدا-تھر رہن والا مالک ہے۔ گرو دی راہیں ہی اس دی سوجھی پیندی ہے ۔۔1۔۔
سلوکُ م 5 ۔۔
ہے میرے پیارے سجن پربھو! (میری بینتی) سن، مینوں گرو دا دیدار کرا دیہ۔
میں گرو نوں آپنا من دے دیوانگا تے اس نوں سدا آپنے ہردے وچ سامبھ کے رکھانگا،
(کیونکِ) اک گرو توں بنا جگت وچ جیونا پھٹکار-جوگا ہے (گرو دے دسے راہ اتے ترن توں بنا جگت وچ پھٹکاراں ہی پیندیاں ہن)۔
ہے داس نانک! اس (پربھو) نے اہناں (بھاگاں والیاں) نوں گرو ملایا ہے، جنھاں دے نال پربھو آپ سدا وسدا ہے ۔۔1۔۔
م 5 ۔۔
ہے پربھو! میرے ہردے وچ تینوں ملن دی تانگھ ہے، کویں تینوں ملاں؟
مینوں کوئی اجیہا متر لبھّ دیو جو مینوں پیارا پربھو ملا دیوے۔
(میری ارزوئی سن کے) پورے گرو نے مینوں پربھو ملا دتا ہے، (ہن) میں جدھر تکدا ہاں اودھر اہ پربھو ہی دسدا ہے۔
ہے داس نانک! میں ہن اس پربھو نوں سمردا ہاں، اس پربھو دے برابر دا ہور کوئی نہیں ہے ۔۔2۔۔
پؤڑی ۔۔
(سبھ جیواں نوں رزک) دین والے داتے پربھو نوں کسے مونہ نال بھی سلاہیا نہیں جا سکدا (کوئی بھی جیو اس دی سفت پوری تراں نہیں کر سکدا)۔
پربھو میہر کر کے جس جیو دی راکھی کردا ہے اس نوں رزک اپڑاندا ہے۔
(اسل وچ) کوئی جیو کسے (ہور جیو) دے آسرے نہیں ہے، سبھناں جیواں دا آسرا اک پرماتما ہی ہے۔
اہ آپ ہی (آپنے) ہتھ دے کے بالک وانگ پالدا ہے۔
پربھو آپ ہی چوج-تماشے کر رہا ہے، (اس دے اہناں چوج-تماشیاں دی) کوئی سمجھ نہیں پے سکدی۔
میں سدکے ہاں اس پربھو توں جو سبھ جیواں دا آسرا ہے تے سبھ کجھ کرن دی تاکت رکھدا ہے۔
رات دنے پربھو دیاں سفتاں کرنیاں چاہیدیاں ہن۔ پرماتما ہی اک ایسی ہستی ہے جس دے گن گانے چاہیدے ہن۔
(پر) اہناں بندیاں نے پربھو (دے گن گاون) دا آنند مانیا ہے جو ستگورو دے چرناں تے پیندے ہن ۔۔2۔۔
سلوک م 5 ۔۔
(ہے من! جہڑا پربھو) تینوں دکھاں توں خلاسی دیندا ہے تے تیرے سارے پروار سمیت تیری رکھیا کردا ہے،
اس پربھو نوں سدا یاد کر جو تیرے سارے کمّ آپ سنواردا ہے۔
ماپیاں وانگ اننجانے بالاں نوں پال کے پربھو (جیواں نوں) گل لاؤندا ہے۔
ہے نانک! جس منکھّ ول پربھو میہر دی نزر نال تکدا ہے، اس اتے سبھ جیو دیال ہو جاندے ہن ۔۔1۔۔