(جیہڑے منکھّ) پرماتما دے سیوک بندے ہن،
ہے نانک! (آکھ-) اہ بھاگاں والے ہو جاندے ہن (پرماتما دے دربار وچ) اہناں دے مونہ روشن ہندے ہن ۔۔4۔۔3۔۔141۔۔
گؤڑی مہلا 5 ۔۔
ہے میری جندے! پرماتما دے نام دا (ہی) آسرا (لوک پرلوک وچ سہائتا کردا ہے)۔
(نام توں بنا مایا دی خاتر) ہور جتنا بھی ادم-جتن ہے اہناں سارے کماں وچ آتمک موت دا خترا (بندا جاندا ہے) ॥1۔۔ رہاؤ ۔۔
(سمرن توں بنا کسے بھی) ہور جتن نال پرماتما نہیں ملدا۔
(پر) وڈی کسمتِ نال ہی پرماتما دا سمرن کیتا جا سکدا ہے ۔۔1۔۔
(جے جگت وچ) لکھاں چترائیاں دے کارن ازت کھٹّ لئیے،
پرلوک وچ (اہناں ہکمتاں دے کارن) رتا جتنا بھی آدر نہیں ملدا ۔۔2۔۔
(ہے جندے! جے آپنے ولوں دھارمک) کمّ (بھی) کیتے جان (پر اہ) ہؤمے والی اکل ودھان والے ہی ہون،
تاں اہ اجیہے کرم ریت دے گھراں وانگ ہی ہن جنھاں نوں (ہڑھ دے) پانی نے روڑھ دتا ۔۔3۔۔
دیا دا سوما پرماتما جس منکھّ اتے کرپا کردا ہے،
ہے نانک! (آکھ-) اس نوں گرو دی سنگتِ وچ پرماتما دا نام ملدا ہے ۔۔4۔۔4۔۔142۔۔
گؤڑی مہلا 5 ۔۔
ہے بھائی! میں (پرماتما دے نام توں) لکھاں واری سدکے جاندا ہاں، کربان جاندا ہاں۔
مالک-پربھو دا نام ہی نام جیواں دیاں جنداں دا آسرا ہے ۔۔1۔۔ رہاؤ ۔۔
ہے پربھو! سرف توں ہی سبھ کجھ کرن دی تاکت رکھدا ہیں، جیواں پاسوں کران دی سمرتھا رکھدا ہیں۔
توں ہی سارے جیواں-جنتاں دا سہارا ہیں ۔۔1۔۔
ہے پربھو! توں ہی ہکومت دا مالک ہیں، توں ہی جوانی دا مالک ہیں (تیتھوں ہی جیو دنیا وچ ہکومت کرن دی دات لیندے ہن، تیتھوں ہی جوانی پراپت کردے ہن)۔
(جدوں جگت نہیں سی بنیا) مایا دے تناں گناں توں رہت بھی توں ہیں، (ہن توں جگت رچ دتا ہے) اہ دسدا آکار مایا دے تناں گناں والا-اہ بھی توں آپ ہی ہیں ۔۔2۔۔
(ہے پربھو! اس لوک وچ تے پرلوک وچ توں ہی سبھ دی رکھیا کردا ہیں،
(پر) کوئی ورلا منکھّ گرو دی کرپا نال (اہ بھیت) سمجھدا ہے ۔۔3۔۔
ہے پربھو! توں سبھ دے دل دی جانن والا ہیں، توں ہی سیانا ہیں۔
نانک دا سہارا توں ہی ہیں، نانک دا تان توں ہی ہیں ۔۔4۔۔5۔۔143۔۔
گؤڑی مہلا 5 ۔۔
(ہے بھائی!) سدا پرماتما دا نام سمرنا چاہیدا ہے۔
سنتاں دی سنگتِ وچ (ہی) پرماتما (منکھّ دے) من وچ وسّ سکدا ہے، بھٹکنا نوں، موہ نوں تے ڈر-سہم نوں کابو کیتا جا سکدا ہے ۔۔1۔۔ رہاؤ ۔۔
(ہے بھائی! پنڈت لوک بھاویں) وید پران سمرتیاں (آدک دھرم-پستکاں) پڑھدے ہن،
پر سنت جن ہور سبھ لوکاں توں اچے آتمک ٹکانے تے ٹکے ہوئے سنے جاندے ہن ۔۔1۔۔
(ہے بھائی!) ہور سارے ہردے-تھانے ڈراں نال سہمے ہوئے ویکھیدے ہن،
(پرماتما دے سمرن نے) پرماتما دے بھگتاں نوں ڈراں توں رہت کر دتا ہے ۔۔2۔۔
(ہے بھائی! جیو) چوراسی لکھّ جوناں وچ بھٹکدے پھردے ہن،
پر پرماتما دے بھگت جنم مرن دے گیڑ وچ نہیں پیندے ۔۔3۔۔
(جنھاں منکھاں نے) پرماتما دا گرو دا آسرا لے لیا، اہناں دے اندروں ہؤمے دور ہو جاندی ہے۔
ہے نانک! اہ آپنی تاکت دا آپنی اکل دا آپنی سیانپ دا آسرا نہیں لیندے ۔۔4۔۔6۔۔144۔۔
گؤڑی مہلا 5 ۔۔
ہے (میرے) من! (آ) پرماتما دا نام سمریئے، پرماتما دے گن گائن کریئے۔
(ہے من!) سدا ہی پرماتما دی بھگتی کرنی چاہیدی ہے ۔۔1۔۔ رہاؤ ۔۔
(ہے بھائی!) گرو-سنت دی سنگتِ وچ (رہاں) پرماتما (منکھّ دے) من وچ آ وسدا ہے۔
(جس دے من وچ وسّ پیندا ہے اس دے اندروں) ہریک کسم دا دکھّ درد دور ہو جاندا ہے، موہ دا ہنیرا دور ہو جاندا ہے، (مایا دی خاتر) بھٹکنا مکّ جاندی ہے ۔۔1۔۔
(ہے بھائی!) گرو دی کرپا نال (ہی) پرماتما دا نام جپیا جا سکدا ہے۔
(جیہڑا منکھّ جپدا ہے) اہ منکھّ کسے کسم دے دکھّ وچ نہیں گھردا ۔۔2۔۔
(ہے بھائی!) گرو جس منکھّ نوں پرماتما دا نام-منتر دیندا ہے،
اہ منکھّ مایا دی (ترشنا) اگّ (وچ سڑن) توں بچ جاندا ہے ۔۔3۔۔
(ہے پربھو! میں) نانک اتے کرپا کر،
(تاں کِ) میرے من وچ ہردے وچ، ہے ہری! تیرا نام وسّ پئے ۔۔4۔۔7۔۔145۔۔
گؤڑی مہلا 5 ۔۔
(ہے بھائی!) جیبھ نال ہرِ-نام جپدے رہنا چاہیدا ہے۔
(جے ہرِ-نام جپدے رہیئے تاں) اس لوک وچ (اس جیون وچ) بہت سکھ-آنند ملدا ہے تے پرلوک وچ (اہ ہرِ-نام) جند دے کمّ آؤندا ہے ۔۔1۔۔ رہاؤ ۔۔
(ہے بھائی! ہرِ-نام دی برکتِ نال) تیرا ہؤمے دا روگ کٹیا جا سکدا ہے۔
(نام جپ جپ کے) گرو دی کرپا نال توں گرہست دا سکھ بھی لے سکدا ہیں، تے پربھو نال ملاپ بھی پراپت کر سکدا ہیں ۔۔1۔۔
(ہے بھائی!) جس منکھّ نے پرماتما دا نام-رس چکھّ لیا،
اس دی (مایا دی) ترشنا لہِ جاندی ہے ۔۔2۔۔
(ہے بھائی! جس منکھّ نے ہرِ-نام-رس چکھّ لیا) اس نوں شانتی دا خزانا پرماتما مل پیا،
اہ منکھّ مڑ کسے بھی ہور پاسے بھٹکدا نہیں پھردا ۔۔3۔۔
جس منکھّ نوں گرو نے پرماتما دا نام بخش دتا،
(ہے نانک) اس دا ہریک کسم دا ڈر دور ہو گیا ۔۔4۔۔8۔۔146۔۔