شری گرو گرنتھ صاحب جی

انگ - 1377

ਮੁਕਤਿ ਪਦਾਰਥੁ ਪਾਈਐ ਠਾਕ ਨ ਅਵਘਟ ਘਾਟ ॥੨੩੧॥

mukat padaarath paaeeai tthaak na avaghatt ghaatt |231|

اس دی سنگت توں پھل اہ ملدا ہے کِ دنیا دے "بائد بباد" توں خلاسی ہو جاندی ہے، کوئی بھی وکار اس اؤکھے سفر دے راہ وچ روک نہیں پاندا ۔۔231۔۔

ਕਬੀਰ ਏਕ ਘੜੀ ਆਧੀ ਘਰੀ ਆਧੀ ਹੂੰ ਤੇ ਆਧ ॥

kabeer ek gharree aadhee gharee aadhee hoon te aadh |

ہے کبیر! (چونکِ دنیا دے "بائد بباد" توں خلاسی سادھو دی سنگت کیتیاں ہی ملدی ہے، اس واستے) اکّ گھڑی، ادھی گھڑی، گھڑی دا چوتھا ہسا-

ਭਗਤਨ ਸੇਤੀ ਗੋਸਟੇ ਜੋ ਕੀਨੇ ਸੋ ਲਾਭ ॥੨੩੨॥

bhagatan setee gosatte jo keene so laabh |232|

جتنا چر بھی گرمکھاں دی سنگت کیتی جائے، اس توں (آتمک جیون وچ) نفا ہی نفا ہے ۔۔232۔۔

ਕਬੀਰ ਭਾਂਗ ਮਾਛੁਲੀ ਸੁਰਾ ਪਾਨਿ ਜੋ ਜੋ ਪ੍ਰਾਨੀ ਖਾਂਹਿ ॥

kabeer bhaang maachhulee suraa paan jo jo praanee khaanhi |

ہے کبیر! جے لوک 'بھگتن سیتی گوسٹے' کر کے تیرتھ-جاترا ورت-نیم آدک بھی کردے ہن تے اہ شرابی لوک بھنگ مچھی بھی کھاندے ہن (بھاو، ستسنگ وچ بھی جاندے ہن تے شراب-کباب بھی کھاندے پیندے ہن، وکار بھی کردے ہن)

ਤੀਰਥ ਬਰਤ ਨੇਮ ਕੀਏ ਤੇ ਸਭੈ ਰਸਾਤਲਿ ਜਾਂਹਿ ॥੨੩੩॥

teerath barat nem kee te sabhai rasaatal jaanhi |233|

اہناں دے اہ تیرتھ ورت آدک والے سارے کرم بلکل وئرتھ جاندے ہن ۔۔233۔۔

ਨੀਚੇ ਲੋਇਨ ਕਰਿ ਰਹਉ ਲੇ ਸਾਜਨ ਘਟ ਮਾਹਿ ॥

neeche loein kar rhau le saajan ghatt maeh |

(ہے میری ست-سنگن سہیلیئے! جدوں دی مینوں 'سادھو سنگُ پراپتی' ہوئی ہے، میں 'بھگتن سیتی گوسٹے' ہی کردی ہاں، اس 'سادھو سنگ' دی برکتِ نال) پیارے پربھو-پتیو نوں آپنے ہردے وچ سامبھ کے (اہناں 'بھانگ ماچھلی سرا' آدک وکاراں ولوں) میں آپنیاں اکھاں نیویاں کری رکھدی ہاں،

ਸਭ ਰਸ ਖੇਲਉ ਪੀਅ ਸਉ ਕਿਸੀ ਲਖਾਵਉ ਨਾਹਿ ॥੨੩੪॥

sabh ras khelau peea sau kisee lakhaavau naeh |234|

(دنیا دے اہناں رساں نال کھیڈاں کھیڈن دے تھاں) میں پربھو-پتیو نال سارے رنگ ماندی ہاں؛ پر میں (اہ بھیت) کسے نوں نہیں دسدی ۔۔234۔۔

ਆਠ ਜਾਮ ਚਉਸਠਿ ਘਰੀ ਤੁਅ ਨਿਰਖਤ ਰਹੈ ਜੀਉ ॥

aatth jaam chausatth gharee tua nirakhat rahai jeeo |

(ہے سخی! میں سرف پربھو-پتیو نوں ہی آکھدی ہاں کِ ہے پتی!) اٹھے پہر ہر گھڑی میری جند تینوں ہی تکدی رہندی ہے۔

ਨੀਚੇ ਲੋਇਨ ਕਿਉ ਕਰਉ ਸਭ ਘਟ ਦੇਖਉ ਪੀਉ ॥੨੩੫॥

neeche loein kiau krau sabh ghatt dekhau peeo |235|

(ہے سخی!) میں سبھ سریراں وچ پربھو-پتیو نوں ہی ویکھدی ہاں، اس واستے مینوں کسے پرانی-ماتر توں نفرت نہیں ہے ۔۔235۔۔

ਸੁਨੁ ਸਖੀ ਪੀਅ ਮਹਿ ਜੀਉ ਬਸੈ ਜੀਅ ਮਹਿ ਬਸੈ ਕਿ ਪੀਉ ॥

sun sakhee peea meh jeeo basai jeea meh basai ki peeo |

ہے سہیلیئے! ('سادھو سنگ' دی برکتِ نال میرے اندر اک اچرج کھیڈ بن گئی ہے، مینوں ہن اہ پتا نہیں لگدا کِ) میری جند پربھو-پتیو وچ وسّ رہی ہے جاں جند وچ پیارا آ وسیا ہے۔

ਜੀਉ ਪੀਉ ਬੂਝਉ ਨਹੀ ਘਟ ਮਹਿ ਜੀਉ ਕਿ ਪੀਉ ॥੨੩੬॥

jeeo peeo boojhau nahee ghatt meh jeeo ki peeo |236|

ہے سہیلیئے! توں ہن اہ سمجھ ہی نہیں سکدی کِ میرے اندر میری جند ہے جاں میرا پیارا پربھو-پتیو ۔۔236۔۔

ਕਬੀਰ ਬਾਮਨੁ ਗੁਰੂ ਹੈ ਜਗਤ ਕਾ ਭਗਤਨ ਕਾ ਗੁਰੁ ਨਾਹਿ ॥

kabeer baaman guroo hai jagat kaa bhagatan kaa gur naeh |

پر، ہے کبیر! (آکھ-مینوں جو اہ جیون- دات ملی ہے، جیون-داتے ستگورو توں ملی ہے جو آپ بھی نام دا رسیا ہے؛ جنیؤ آدک دے کے تے کرم-کانڈ دا راہ دسّ کے) براہمن سرف دنیاداراں دا ہی گرو اکھوا سکدا ہے، بھگتی کرن والیاں دا اپدیش-داتا براہمن نہیں بن سکدا،

ਅਰਝਿ ਉਰਝਿ ਕੈ ਪਚਿ ਮੂਆ ਚਾਰਉ ਬੇਦਹੁ ਮਾਹਿ ॥੨੩੭॥

arajh urajh kai pach mooaa chaarau bedahu maeh |237|

کیونکِ اہ تاں آپ ہی چہناں ویداں دے جگّ آدک کرم-کانڈ دیاں الجھناں نوں سوچ سوچ کے اہناں وچ ہی کھپ کھپ کے آتمک موت مر چکا ہے (اس دی آپنی ہی جند پربھو-ملاپ دا آنند نہیں مان سکی، اہ بھگتاں نوں اہ سواد کویں دے دوا سکدا ہے؟) ॥237۔۔

ਹਰਿ ਹੈ ਖਾਂਡੁ ਰੇਤੁ ਮਹਿ ਬਿਖਰੀ ਹਾਥੀ ਚੁਨੀ ਨ ਜਾਇ ॥

har hai khaandd ret meh bikharee haathee chunee na jaae |

پرماتما دا نام، مانو، کھنڈ ہے جو ریت وچ کھلری ہوئی ہے، ہاتھی پاسوں اہ کھنڈ ریت وچوں چنی نہیں جا سکدی۔

ਕਹਿ ਕਬੀਰ ਗੁਰਿ ਭਲੀ ਬੁਝਾਈ ਕੀਟੀ ਹੋਇ ਕੈ ਖਾਇ ॥੨੩੮॥

keh kabeer gur bhalee bujhaaee keettee hoe kai khaae |238|

کبیر آکھدا ہے کِ پورے ستگورو نے ہی اہ بھلی متّ دتی ہے کِ منکھّ کیڑی بن کے اہ کھنڈ کھا سکدا ہے ۔۔238۔۔

ਕਬੀਰ ਜਉ ਤੁਹਿ ਸਾਧ ਪਿਰੰਮ ਕੀ ਸੀਸੁ ਕਾਟਿ ਕਰਿ ਗੋਇ ॥

kabeer jau tuhi saadh piram kee sees kaatt kar goe |

ہے کبیر! جے تینوں پربھو-پیار دی کھیڈ کھیڈن دی تانگھ ہے، تاں آپنا سر کٹّ کے گیند بنا لے (اس تراں اہنکار دور کر کِ لوک بے-شکّ ٹھیڈے پئے مارن 'کبیر روڑا ہوئ رہُ باٹ کا، تجِ من کا، ابھمانُ')

ਖੇਲਤ ਖੇਲਤ ਹਾਲ ਕਰਿ ਜੋ ਕਿਛੁ ਹੋਇ ਤ ਹੋਇ ॥੨੩੯॥

khelat khelat haal kar jo kichh hoe ta hoe |239|

اہ کھیڈ کھیڈدا کھیڈدا اتنا مست ہو جا کِ (دنیا ولوں) جو (سلوک تیرے نال) ہووے اہ پیا ہووے ۔۔239۔۔

ਕਬੀਰ ਜਉ ਤੁਹਿ ਸਾਧ ਪਿਰੰਮ ਕੀ ਪਾਕੇ ਸੇਤੀ ਖੇਲੁ ॥

kabeer jau tuhi saadh piram kee paake setee khel |

پر، ہے کبیر! جے تینوں پربھو-پیار دی اہ کھیڈ کھیڈن دی سکّ ہے تاں پورے ستگورو دی سرن پے کے کھیڈ؛ (کرم-کانڈی براہمن پاس اہ چیز نہیں ہے)۔

ਕਾਚੀ ਸਰਸਉਂ ਪੇਲਿ ਕੈ ਨਾ ਖਲਿ ਭਈ ਨ ਤੇਲੁ ॥੨੪੦॥

kaachee sarsaun pel kai naa khal bhee na tel |240|

کچی سرہوں پیڑیاں ناہ تیل نکلدا ہے تے ناہ ہی کھل بندی ہے (اہی ہال جنیؤ آدک دے کے بنے کچے گوروآں دا ہے) ॥240۔۔

ਢੂੰਢਤ ਡੋਲਹਿ ਅੰਧ ਗਤਿ ਅਰੁ ਚੀਨਤ ਨਾਹੀ ਸੰਤ ॥

dtoondtat ddoleh andh gat ar cheenat naahee sant |

جو منکھّ (پربھو دی) بھال تاں کردے ہن، پر بھگت جناں نوں پچھان نہیں سکدے اہ انھیاں وانگ ہی ٹٹولے ماردے ہن۔

ਕਹਿ ਨਾਮਾ ਕਿਉ ਪਾਈਐ ਬਿਨੁ ਭਗਤਹੁ ਭਗਵੰਤੁ ॥੨੪੧॥

keh naamaa kiau paaeeai bin bhagatahu bhagavant |241|

نامدیو آکھدا ہے کِ بھگتی کرن والے بندیاں (دی سنگت) توں بنا بھگوان نہیں مل سکدا ۔۔241۔۔

ਹਰਿ ਸੋ ਹੀਰਾ ਛਾਡਿ ਕੈ ਕਰਹਿ ਆਨ ਕੀ ਆਸ ॥

har so heeraa chhaadd kai kareh aan kee aas |

(سارے سکھ پربھو دے سمرن وچ ہن، پر) جو منکھّ پرماتما دا نام-ہیرا چھڈّ کے ہور ہور تھاں توں سکھاں دی آس رکھدے ہن،

ਤੇ ਨਰ ਦੋਜਕ ਜਾਹਿਗੇ ਸਤਿ ਭਾਖੈ ਰਵਿਦਾਸ ॥੨੪੨॥

te nar dojak jaahige sat bhaakhai ravidaas |242|

اہ لوک سدا دکھّ ہی سہاردے ہن-اہ سچی گلّ روداس دسدا ہے ۔۔242۔۔

ਕਬੀਰ ਜਉ ਗ੍ਰਿਹੁ ਕਰਹਿ ਤ ਧਰਮੁ ਕਰੁ ਨਾਹੀ ਤ ਕਰੁ ਬੈਰਾਗੁ ॥

kabeer jau grihu kareh ta dharam kar naahee ta kar bairaag |

ہے کبیر! جے توں گھر-باری بندا ہیں تاں گھر-باری والا فرز بھی نباہ (بھاو، پربھو دا سمرن کر، وکاراں توں بچیا رہُ اتے کسے توں نفرت ناہ کر۔ پر گرہست وچ رہِ کے) جے توں مایا وچ ہی غرکے رہنا ہے تاں اس نوں تیاگنا ہی بھلا ہے۔

ਬੈਰਾਗੀ ਬੰਧਨੁ ਕਰੈ ਤਾ ਕੋ ਬਡੋ ਅਭਾਗੁ ॥੨੪੩॥

bairaagee bandhan karai taa ko baddo abhaag |243|

تیاگی بن کے جو منکھّ پھر بھی نال نال مایا دا جنجال سہیڑدا ہے اس دی بڑی بد-کسمتی سمجھو (اہ کسے تھاں جوگا ناہ رہا) ॥243۔۔

ਸਲੋਕ ਸੇਖ ਫਰੀਦ ਕੇ ॥

salok sekh fareed ke |

شیخ فرید جی دے سلوک۔

ੴ ਸਤਿਗੁਰ ਪ੍ਰਸਾਦਿ ॥

ik oankaar satigur prasaad |

اکال پرکھ اکّ ہے اتے ستگورو دی کرپا نال ملدا ہے۔

ਜਿਤੁ ਦਿਹਾੜੈ ਧਨ ਵਰੀ ਸਾਹੇ ਲਏ ਲਿਖਾਇ ॥

jit dihaarrai dhan varee saahe le likhaae |

جس دن (جیو-) استری ویاہی جائگی، اہ سما (پہلاں ہی) لکھیا گیا ہے (بھاو، جیو دے جگت وچ آؤن توں پہلاں ہی اس دی موت دا سما متھیا جاندا ہے)،

ਮਲਕੁ ਜਿ ਕੰਨੀ ਸੁਣੀਦਾ ਮੁਹੁ ਦੇਖਾਲੇ ਆਇ ॥

malak ji kanee suneedaa muhu dekhaale aae |

موت دا فرستا جو کناں نال سنیا ہی ہویا سی، آ کے مونہ وکھاندا ہے (بھاو، جس بارے پہلاں ہورناں دی موت سمے سنیا سی، ہن اس جیو-استری نوں آ مونہ وکھاندا ہے جس دی واری آ جاندی ہے)۔

ਜਿੰਦੁ ਨਿਮਾਣੀ ਕਢੀਐ ਹਡਾ ਕੂ ਕੜਕਾਇ ॥

jind nimaanee kadteeai haddaa koo karrakaae |

ہڈاں نوں بھنّ بھنّ کے (بھاو، سریر نوں روگ آدک نال نتانا کر کے) وچاری جند (اس وچوں) کڈھّ لئی جاندی ہے۔

ਸਾਹੇ ਲਿਖੇ ਨ ਚਲਨੀ ਜਿੰਦੂ ਕੂੰ ਸਮਝਾਇ ॥

saahe likhe na chalanee jindoo koon samajhaae |

جند نوں (اہ گلّ) سمجھا کِ (موت دا) اہ متھیا ہویا سما ٹل نہیں سکدا۔

ਜਿੰਦੁ ਵਹੁਟੀ ਮਰਣੁ ਵਰੁ ਲੈ ਜਾਸੀ ਪਰਣਾਇ ॥

jind vahuttee maran var lai jaasee paranaae |

جند، مانو، وہٹی ہے، موت (دا فرستا اس دا) لاڑا ہے (جند نوں) ویاہ کے زرور لے جائگا،

ਆਪਣ ਹਥੀ ਜੋਲਿ ਕੈ ਕੈ ਗਲਿ ਲਗੈ ਧਾਇ ॥

aapan hathee jol kai kai gal lagai dhaae |

اہ (کانیاں جند نوں) آپنی ہتھیں تور تے کس دے گل لگیگی؟ (بھاو نیاسری ہو جائگی)۔

ਵਾਲਹੁ ਨਿਕੀ ਪੁਰਸਲਾਤ ਕੰਨੀ ਨ ਸੁਣੀ ਆਇ ॥

vaalahu nikee purasalaat kanee na sunee aae |

ہے فرید! توں کدے 'پل سرات' دا نام نہیں سنیا جو وال توں بھی بریک ہے؟

ਫਰੀਦਾ ਕਿੜੀ ਪਵੰਦੀਈ ਖੜਾ ਨ ਆਪੁ ਮੁਹਾਇ ॥੧॥

fareedaa kirree pavandeeee kharraa na aap muhaae |1|

کنیں واجاں پیندیاں بھی آپنے آپ نوں لٹائی نا جاہ (بھاو، جگت وچ سمندر ہے جس وچ وکاراں دیاں لہراں اٹھّ رہیاں ہن، اس وچوں سہیہ سلامتّ پار لنگھن لئی 'درویشی'، مانو، اک پل ہے، جو ہے بہت سوڑا تے باریک، بھاو، درویشی کمانی بڑی ہی اؤکھی ہے، پر دنیا دے وکاراں توں بچن لئی رستا سرف اہی ہے۔ دھرم-پستکاں دی راہیں گرو-پیغمبر تینوں وکاراں دیاں لہراں دے خترے توں بچن لئی واجاں مار رہے ہن؛ دھیان نال سن تے جیون ازائیں ناہ گوا) ॥1۔۔