گرو دی چرن-دھوڑ ہو کے جہڑا منکھّ پرماتما دا آرادھن کردے رہندے ہن، اہ منکھّ آپنے پربھو نوں پیارے لگن لگّ پیندے ہن۔
نانک بینتی کردا ہے-ہے پربھو! (میرے اتے) مہر کر، میں (بھی) سدا تیرے گن گاندا رہاں ۔۔2۔۔
ہے بھائی! گرو نوں مل کے سنسار-سمندر توں پار لنگھیا جا سکدا ہے،
پرماتما دا نام جپدیاں سنسار-سمندر توں پار لنگھیا جا سکدا ہے۔
جہڑا منکھّ پرماتما دے چرناں وچ سرت جوڑی رکھدا ہے اہ ساریاں مونہ-منگیاں مراداں پراپت کر لیندا ہے، اس دے جنم مرن دے گیڑ (بھی) مٹ جاندے ہن۔
پیار دی راہیں بھگتی والے سبھاؤ دی راہیں پرماتما دا نام جپ کے اہ منکھّ آپنے پربھو نوں پیارا لگن لگّ پیندا ہے۔
ہے بھائی! ادرشٹ بیئنت اتے سرب-ویاپک پرماتما دا نام جپیا کر، اس توں بنا ہور کوئی نہیں ہے۔
نانک بینتی کردا ہے-گرو نے (میری) بھٹکنا دور کر دتی ہے، (ہن) میں جدھر ویکھدا ہاں، ادھر اہ (پرماتما) ہی (دسدا ہے) ॥3۔۔
ہے بھائی! پرماتما دا نام وکاریاں نوں پوتر کرن والا ہے،
اتے سنت جناں دے سارے کمّ سرے چڑھان والا ہے۔
جنھاں نوں سنت-گرو مل پیا، اہناں نے پربھو دا نام سمرنا شرو کر دتا، اہناں دیاں ساریاں مراداں پوریاں ہون لگّ پئیاں۔
(اہناں دے اندروں) ہؤمے دے کلیش ناس ہو گئے، اہ سدا کھڑے-متھے رہن لگّ پئے، چراں دے وچھڑے ہوئے اہ پربھو نوں مل پئے۔
اہناں دے من وچ (سمرن دی برکتِ نال) ٹھنڈھ پے گئی، اہناں دے اندر چڑھدی کلا پربل ہو گئی، پرماتما دا نام اہناں نوں کدے نہیں بھلدا۔
نانک بینتی کردا ہے-(ہے بھائی! گرو نے (اہ گلّ ہردے وچ) پکی کر دتی ہے کِ سدا جگت دے مالک دا نام جپدے رہا کرو ۔۔4۔۔1۔۔3۔۔
راگ سوہی، گھر 3 وچّ گرو ارجندیو جی دی بانی 'چھنت' (چھند)۔
اکال پرکھ اکّ ہے اتے ستگورو دی کرپا نال ملدا ہے۔
ہے (میرے) رام! توں (سبھ جیواں دا) مالک ہیں، تیرے اتے مایا آپنا پربھاو نہیں پا سکدی۔ میرے ورگیاں (تیرے در تے) انیکاں داسیاں ہن۔
ہے رام! توں سمندر ہیں۔ توں رتناں دی کھان ہیں۔ ہے پربھو! میں تیری کدر نہیں سمجھ سکی۔
ہے میرے مالک! میں (تیرے گناں دی) کدر نہیں جاندی، توں وڈا سیانا ہیں (سبھ کجھ جانن والا ہیں)، (میرے اتے) مہر کر!
کرپا کر! مینوں اجہی سمجھ بخش کِ اٹھے پہر میں تیرا سمرن کردی رہاں۔
ہے جندے! اہنکار نہیں کرنا چاہیدا، (سبھ دے) چرناں دی دھوڑ بنے رہنا چاہیدا ہے، تاں ہی تیری اچی آتمک اوستھا بن سکیگی۔
ہے نانک! (آکھ-) میرا مالک پربھو سبھ دے سر اتے ہے۔ میرے جہیاں (اس دے در تے) انیکاں داسیاں ہن ۔۔1۔۔
ہے پربھو! توں اک (انملا) موتی ہیں، توں اتھاہ (سمندر) ہیں، توں بڑے وڈے جگرے والا ہیں، توں (ساڈا) خسم ہیں، اسیں جیو تیریاں وہٹیاں ہاں۔
توں بیئنت وڈا ہیں، توں بیئنت اچا ہیں۔ میں بہت ہی چھوٹی جہی ہستی والی ہاں۔
ہے بھائی! میری کجھ بھی پانیاں نہیں ہے، اک توں ہی توں ہیں، توں آپ ہی آپ سبھ کجھ جانن والا ہیں۔
ہے پربھو! اکھّ جھمکن جتنے سمے واستے ملی تیری امرت درشٹی نال مینوں آتمک جیون مل جاندا ہے (اؤں ہندا ہے جویں) میں سارے رنگ رس مان لئے ہن۔
میں تیرے چرناں دی سرن لئی ہے، میں تیرے داساں دی داسی ہاں (آتمک جیون دین والی تیری نگاہ دی برکتِ نال) جدوں میرا من کھڑ آؤندا ہے، میرا سریر (بھی) ہرا-بھرا ہو جاندا ہے۔
ہے نانک! (آکھ-ہے بھائی!) مالک-پربھو سبھ جیواں وچ سما رہا ہے، اہ (ہر ویلے ہر تھاں) آپنی مرزی کردا ہے ۔۔2۔۔
ہے رام! میرا مان تیرے اتے ہی ہے، توں ہی میرا آسرا ہیں۔
(جہڑی بھی کوئی) سوجھ، اکل، سیانپ (میرے اندر ہے، اہ) تیری (بخشی ہوئی ہے) جو کجھ توں مینوں سمجھاندا ہیں، اہی میں سمجھدا ہاں۔
ہے بھائی! اہی منکھّ (سہیہ جیون نوں) سمجھدا پچھاندا ہے، جس اتے سرجن ہار دی مہر دی نگاہ ہندی ہے۔
آپنے من دے پچھے ترن والی جیو-استری انیکاں ہور ہور رستیاں وچ پے کے (سہیہ جیون ولوں) کھنجھی رہندی ہے، مایا دیاں پھاہیاں وچ پھسی رہندی ہے۔
جہڑی جیو-استری مالک-پربھو نوں چنگی لگدی ہے، اہ گناں والی ہو جاندی ہے، اس نے ہی سارے آتمک آنند مانے ہن۔
ہے ٹھاکر! نانک دا سہارا توں ہی ہیں، نانک دا مان توں ہی ہیں ۔۔3۔۔
ہے پربھو! میرے واستے توں پہاڑ (جیڈا) اولھا ہیں، میں تیتھوں سدکے کربان جاندی ہاں۔
میں تیتھوں لکھاں واری سدکے جاندی ہاں، جس نے (میرے اندروں) بھٹکنا والی وتھّ مٹا دتی ہے۔