(کیونکِ) جدوں سراف ستگورو گہُ نال پرکھدا ہے تاں سارے خدغرز پرگٹ ہو جاندے ہن (بھاو، لکے نہیں رہِ سکدے)۔
جہو جہی اہناں دے ہردے دی بھاونا ہندی ہے، تہو جہا اہناں نوں پھل ملدا ہے، تے خسم پربھو دی راہیں اہ اسے تراں نشر کر دتے جاندے ہن،
(پر) ہے نانک! (جیو دے کیہ وسّ؟) اہ سارے کوتک پربھو آپ سدا کر کے ویکھ رہا ہے تے دوہیں پاسیں (گرسکھاں وچ تے سواوگیراں وچ) آپ ہی پرماتما موجود ہے ۔۔1۔۔
م 4 ۔۔
من اکّ ہے تے اکّ پاسے ہی لگّ سکدا ہے، جتھے جڑدا ہے، اوتھے سپھلتا ہاسل کر لیندا ہے۔
بہتیاں گلاں باہروں باہروں کوئی پیا کرے (بھاو، گلاں کرن دا کوئی لابھ نہیں)، کھا تے اہو چیز سکدا ہے جیہڑی گھر وچ ہووے (بھاو، من جتھے لگا ہویا ہے، پراپت تاں اہو شے ہونی ہے)۔
من نوں ستگورو دے ادھین کیتے بنا (اہ) سمجھ نہیں پیندی تے ہردے وچوں اہنکار دور نہیں ہندا۔
اہنکاری جیواں نوں (سدا) ترشنا تے دکھّ (ستاؤندے ہن)، (ترشنا دے کارن) ہتھ اڈّ کے گھر گھر منگدے پھردے ہن (بھاو، اہناں دی ترپتی نہیں ہندی تے اسے کرکے دکھی رہندے ہن)۔
انھاں دا ملما پاج (دکھاوا) لہِ جاندا ہے اتے کوڑ تے ٹھگی لکی نہیں رہِ سکدی،
(پر اہناں وچاریاں دے بھی کیہ وسّ)؟ پچھلے (کیتے چنگے کماں دے انوسار جنھاں دے ہردے تے بھلے سنسکار) لکھے ہوئے ہن، اہناں نوں پورا ستگورو مل پیندا ہے،
تے جویں پارس نال لگّ کے لوہا سونا بن جاندا ہے تویں سنگتِ وچ رل کے (اہ بھی چنگے بن جاندے ہن)۔
ہے داس نانک دے پربھو! (جیواں دے ہتھ کجھ نہیں) توں آپ سبھ دا مالک ہیں جویں تینوں چنگا لگدا ہے تویں جیواں نوں توردا ہیں ۔۔2۔۔
پؤڑی ۔۔
جنھاں جیواں نے ہردے وچ پربھو دا سمرن کیتا، اہناں نوں پربھو (آپنے وچ) ملا لیندا ہے،
اہناں نال (اہناں دے) گناں دی جنھاں نے بھیالی کیتی ہے، اہناں دے سارے پاپ شبد دوارا ساڑے جاندے ہن۔
(پر) ہے سچے پربھو! اؤگناں نوں پرالی دے بھا ویچن لئی (بھاو، سہلے ہی ناس کرن لئی) گناں دی اہ سانجھ اسے نوں ملدی ہے جس نوں توں آپ دیندا ہے۔
میں سدکے ہاں آپنے ستگورو توں جس نے (جیو دے) پاپ دور کر کے گن پرگٹ کیتے ہن۔
جو جیو ستگورو دے سنمکھ ہندا ہے، اہی وڈے پربھو دی وڈی سفتِ-سالاہ کرن لگّ پیندا ہے ۔۔7۔۔
سلوک م 4 ۔۔
ستگورو وچ اہ بھارا گن ہے کِ اہ ہر روز پربھو-نامو دا سمرن کردا ہے۔
ستگورو دی سچّ تے سنجم ہرِ-نام دا جاپ ہے تے اہ ہرِ-نام وچ ہی ترپت رہندا ہے۔
ہرِ دا نام ہی آسرا تے نام ہی ستگورو لئی رکھیا کرن والا ہے۔
جو منکھّ اس گر-مورتی دا پوجن چتّ لا کے کردا ہے (بھاو، جو جیو گہُ نال ستگورو دے اپر-لکھے گناں نوں دھارن کردا ہے) اس نوں اہی پھل مل جاندا ہے جس دی من وچ اچھا کرے۔
جو منکھّ پورے ستگورو دی نندا کردا ہے، اس نوں پربھو مار پواؤندا ہے۔
آپنی ہتھیں نندا دا بیج بیجے دا پھل اس نوں بھوگنا پیندا ہے (تدوں پچھتاؤندا ہے، پر) پھیر جو ویلا (نندا کرن وچ بیت گیا ہے) اس نوں ملدا نہیں۔
تے جویں چور نوں گل وچ رسی پا کے لے جائیدا ہے تویں کالا مونہ کر کے (مانو) ڈراؤنے نرک وچ (اس نوں بھی) پایا جاندا ہے۔
پھیر اس (نندا-روپا گھور نرک وچوں) تاں ہی بچدا ہے، جے ستگورو دی سرنی پے کے پربھو دا نام جپے۔
نانک پرماتما (دے در) دیاں گلاں آکھ کے سنا رہا ہے؛ پرماتما نوں اؤں ہی بھاؤندا ہے (کِ نندک ایرکھا دے نرک وچ آپے ہی پیا سڑے) ॥1۔۔
م 4 ۔۔
جو منکھّ پورے ستگورو دا ہکم نہیں مندا، اوہ آپنے من دے پچھے ترن والا بے-سمجھ بندا مایا (روپ زہر) دا ٹھگیا (ہویا ہے)
اس دے من وچ جھوٹھ ہے (سچّ نوں بھی اہ) جھوٹھ ہی سمجھدا ہے، اس واستے خسم نے (جھوٹھ بولن توں پیدا ہوئے) وئرتھ جھگڑے اس دے گل پا دتے ہن۔
اول-جلول بول کے روٹی کماؤن دے اہ بتھیرے جتن کردا ہے، پر اس دے بچن کسے نوں چنگے نہیں لگدے۔
چھٹڑ رنّ وانن اہ گھر گھر پھردا ہے، جو منکھّ اس نال میل-ملاکات رکھدا ہے اس نوں بھی کلنک لگّ جاندا ہے۔
جو منکھّ ستگورو دے سنمکھ ہندا ہے اہ منمکھ توں وکھرا رہندا ہے، منمکھ دا ساتھ چھڈّ کے ستگورو دی سنگت کردا ہے۔