ہن جدوں آپنے اس من نوں چنگی تراں ویکھدا ہاں،
تاں آپنے اندر ہی اشنان کردا ہاں ۔۔1۔۔
جیواتما دا پورن کھڑاؤ وچ ٹکے رہنا ہی آتما دی سبھ توں سریشٹ اوستھا ہے۔
اس اوستھا نوں جنم مرن تے بڈھیپا پوہ نہیں سکدے ۔۔1۔۔ رہاؤ ۔۔
مایا والا سہارا ہن الٹ گیا ہے،
(مایا دے تھاں میرا من ہن) پربھو-چرناں وچ چبھی لا رہا ہے۔
ٹیڈھیاں چالاں چلن والا اہ من ہن وجھّ گیا ہے،
کیونکِ نسنگ ہو کے ہن اہ پربھو نوں مل پیا ہے ۔۔2۔۔
میریاں موہ-بھریاں آساں ہن مکّ گئیاں ہن؛
(میرے اندر دی) شانتی نے میری تپش بجھا دتی ہے۔
ہن جدوں کِ من دی برتی سرب-ویاپک پربھو وچ جڑ گئی ہے،
اس اوستھا وچ (میرے اندر، مانو) اکّ-رس وینا وجّ رہی ہے ۔۔3۔۔
اپدیش کرن والے ستگورو نے جس نوں آپنا شبد سنایا،
جے اس نے گہُ نال سن کے آپنے من وچ وسا لیا،
تدوں پربھو دا سمرن کر کے اہ پار لنگھ گیا۔
کبیر آکھدا ہے (کِ اس ساری تبدیلی وچ اہ ہے) اسل راز دی گلّ ۔۔4۔۔1۔۔10۔۔
اہ چند تے سورج دوویں اس پرماتما دی جوت دا (باہرلا دسدا) سروپ ہن،
ہریک پرکاش وچ سندر پربھو آپ وسّ رہا ہے ۔۔1۔۔
ہے وچاروان منکھّ! (توں تاں چند سورج آدک نوری چیزاں ویکھ کے نرا اہناں نوں ہی سلاہ رہا ہیں، اہناں نوں نور دین والے) پرماتما (دی وڈیائی) دی وچار کر،
اس نے اہ سارا سنسار آپنے نور وچوں پیدا کیتا ہے ۔۔1۔۔ رہاؤ ۔۔
کبیر آکھدا ہے کِ میں ہیرے (آدک سوہنے کیمتی چمکدے پدارتھ) نوں ویکھ کے (اس) ہیرے نوں سر نواؤندا ہاں (جس نے اہناں نوں اہ گن بخشیا ہے، تے جو اہناں وچ وسدا ہویا بھی)
مایا دے پربھاو توں رہت ہے، تے جس دے گن بیان نہیں کیتے جا سکدے ۔۔2۔۔2۔۔11۔۔
ہے جگت دے لوکو! سچیت رہو، جاگدے رہو۔ ہے بھائی! تسی تاں (آپنے ولوں) جاگدے ہی لٹے جا رہے ہو؛
وید شاستر-روپت سچیت پہریداراں دے ویکھدیاں ہی تہانوں جم-راج لئی جا رہا ہے (بھاو، شاستراں دی راکھی پہریداری وچ بھی تسی اجہے کمّ کری جا رہے ہو، جنھاں کرکے جنم مرن دا گیڑ بنیا پیا ہے) ॥1۔۔ رہاؤ ۔۔
(شاستراں دے دسے کرم-کانڈ وچ پھسے) ہویاں نوں نمّ دا رکھّ امب دسدا ہے، امب دا بوٹا نمّ جاپدا ہے؛ پکا ہویا کیلا اہناں نوں جھاڑیاں ملوم ہندا ہے،
تے سمبل اہناں مورکھ مت-ہین اننجان لوکاں نوں نلیئیر دا پکا پھل دسدا ہے ۔۔1۔۔
کبیر آکھدا ہے کِ پرماتما نوں اؤں سمجھو جویں کھنڈ ریت وچ رلی ہوئی ہووے۔ اہ کھنڈ ہاتھیاں پاسوں نہیں چنی جا سکدی۔
(ہاں، جے) کیڑی ہووے تاں اہ (اس کھنڈ نوں) چن کے کھا سکدی ہے، اسے تراں منکھّ کل جات خاندان (دا مان) چھڈّ کے پربھو نوں مل سکدا ہے ۔۔2۔۔3۔۔12۔۔
راگ رامکلی، گھر 1 وچّ بھگت نامدیو جی دی بانی۔
اکال پرکھ اکّ ہے اتے ستگورو دی کرپا نال ملدا ہے۔
(ہے ترلوچن! ویکھ، منڈا) کاغز لیاؤندا ہے، اس دی گڈی کٹدا ہے تے گڈی نوں اسمان وچ اڈاؤندا ہے،
ساتھیاں نال گپاں بھی ماری جاندا ہے، پر اس دا من (گڈی دی) ڈور وچ ٹکیا رہندا ہے ۔۔1۔۔
(ہے ترلوچن!) میرا من پرماتما دے نام وچ وجھا ہویا ہے،
جویں سنیارے دا من (ہورناں نال گلاں-باتاں کردیاں بھی، کٹھالی وچ پائے ہوئے سونے وچ) جڑیا رہندا ہے ۔۔1۔۔ رہاؤ ۔۔
(ہے ترلوچن!) جوان کڑیاں شہر وچوں (باہر جاندیاں ہن) آپو آپنا گھڑا چکّ لیندیاں ہن، پانی نال بھردیاں ہن،
(آپو وچ) ہسدیاں ہن، ہاسے دیاں گلاں تے ہور کئی وچاراں کردیاں ہن، پر آپنا چتّ آپو آپنے گھڑے وچ رکھدیاں ہن ۔۔2۔۔
(ہے ترلوچن!) اکّ گھر ہے جس دے دس بوہے ہن، اس گھروں منکھّ گؤاں چارن لئی چھڈدا ہے؛
اہ گائیاں پنجاں کوہاں تے جا چگدیاں ہن، پر آپنا چتّ آپنے وچھے وچ رکھدیاں ہن (تویں ہی دس-اندریاں-والے اس سریر وچوں میرے گیان-اندرے سریر دے نرباہ لئی کمّ-کار کردے ہن، پر میری سرت آپنے پربھو-چرناں وچ ہی ہے) ॥3۔۔
ہے ترلوچن! سن، نامدیو (اک ہور درشٹانت) آکھدا ہے کِ ماں آپنے بال نوں پنگھوڑے وچ پاندی ہے،
اندر باہر گھر دے کماں وچ رجھی رہندی ہے، پر آپنی سرت آپنے بچے وچ رکھدی ہے۔ بھاو: پریت دا سروپ-کمّ-کار کردیاں سرت ہر ویلے پربھو دی یاد وچ رہے ۔۔4۔۔1۔۔
مینوں وید شاستر، پران آدک دے گیت کبتّ گاون دی لوڑ نہیں،