مایا دا اہ موہ (جس وچ توں پھسیا پیا ہیں) تیرے نال نہیں جا سکدا، توں اس نال جھوٹھا پیار پایا ہویا ہے۔
(ہے بھائی!) زندگی دی ساری رات مایا دے موہ دے ہنیرے وچ بیتدی جا رہی ہے۔ گرو دی سرن پؤ (تاکِ تیرے اندر پرماتما دے نام دا) چانن ہو جائے۔
نانک آکھدا ہے- ہے پرانی! (زندگی دی) رات دے چوتھے پہر اہ دن نیڑے آ جاندا ہے (جدوں اتھوں کوچ کرنا ہندا ہے) ॥4۔۔{ 77-78}
ہرِ-نام دا ونج کرن آئے ہے جیو-متر! جدوں پرماتما ولوں (موت دا) لکھیا ہویا (پروانا) آؤندا ہے، تدوں (اتھے) کمائے ہوئے (چنگے مندے کرماں دے سنسکار جیواتما دے) نال تر پیندے ہن۔
اس ویلے اہناں جماں نے پکے ہتھ پائے ہندے ہن، ہے ونجارے متر! اہ رتا بھر سمے دی ڈھلّ-مٹھ دی اجازت نہیں دیندے۔
جدوں کرتار ولوں (موت دا) لکھیا ہویا ہکم آؤندا ہے (اہ جم جیو نوں) پھڑ کے اگے لا لیندے ہن۔ آپنے من دے پچھے ترن والے منکھّ (پھر) سدا دکھی رہندے ہن۔
جنھاں نے پورے گرو دا آسرا لئی رکھیا، اہ پرماتما دی درگاہ وچ سدا سوکھے رہندے ہن۔
(ہے ونجارے متر!) منکھا جیون وچ (منکھّ دا) سریر کرم کمان لئی دھرتی (سمان) ہے، (جس وچ) جہو جہا (کوئی) بیجدا ہے اہی کھاندا ہے۔
نانک آکھدا ہے- پرماتما دی بھگتی کرن والے بندے پرماتما دے در تے سوبھا پاندے ہن ، آپنے من دے پچھے ترن والے منکھّ سدا جنم مرن دے گیڑ وچ پائے جاندے ہن ۔۔5۔۔1۔۔4۔۔
سریراگُ مہلا 4 گھرُ 2 چھنت ۔۔
اکال پرکھ اکّ ہے اتے ستگورو دی کرپا نال ملدا ہے۔
جے جیو-استری پیکے گھر وچ (اس منکھا جنم وچ) اننجان ہی ٹکی رہے، تاں اہ پتی-پربھو دا درسن کویں کر سکدی ہے؟ (درسن نہیں کر سکدی)۔
جدوں پرماتما آپنی مہر کردا ہے، تاں (جیو-استری) گرو دے سنمکھ ہو کے پربھو-پتیو دے چرناں وچ پہنچن والے کمّ (کرنے) سکھدی ہے۔
گرو دی سرن پے کے (جیو-استری) اہ کمّ سکھدی ہے، جنھاں دی سہائتا نال پتی-پربھو دی ہزوری وچ اپڑ سکے (اہ کمّ اہ ہن کِ جیو-استری) سدا پرماتما دا نام سمردی ہے۔
سہیلیاں وچ (ست-سنگیاں وچ رہِ کے اس لوک وچ) سوکھی تری پھردی ہے (سوکھا جیون بتاندی ہے، تے) پرماتما دی ہزوری وچ بے-فکر ہو کے پہنچدی ہے۔
اہ جیو-استری پرماتما دا نام سدا جپ کے دھرمراج دا لیکھا، دھرمراج دے لیکھے دی باکی، مکا لیندی ہے۔
بھولی جیو-استری پیکے گھر وچ (اس منکھا جنم وچ) گرو دی سرن پے کے پرماتما-پتیا دا درسن کر لیندی ہے ۔۔1۔۔
ہے میرے پتا! (پربھو-پتیو نال) میرا ویاہ ہو گیا ہے، گرو دی سرن پے کے مینوں پربھو-پتیو مل پیا ہے۔
گرو دا بخشیا ہویا گیان (-روپ سورج اتنا) تیز جگ-مگ کر اٹھیا ہے کِ (میرے اندروں) بے-سمجھی دا ہنیرا دور ہو گیا ہے۔
گرو دا دتا گیان (میرے اندر) چمک پیا ہے (مایا-موہا دا) ہنیرا دور ہو گیا ہے (اس چاننی دی برکتِ نال مینوں) پرماتما دا نام (-روپ) کیمتی رتن لبھّ پیا ہے۔
گرو دی متِ تے تریاں میرا ہؤمے دا روگ دور ہو گیا ہے، ہؤمے دا دکھ مکّ گیا ہے، آپے دے گیان نال میرا آپا-بھاو ختم ہو گیا ہے۔
(گرو دی سرن پیاں) مینوں اہ خسم مل گیا ہے، جس دی ہستی نوں کدے کال پوہ نہیں سکدا، جو ناس-رہت ہے، جو ناہ کدے مردا ہے ناہ جمدا ہے۔
ہے میرے پتا! گرو دی سرن پے کے میرا (پرماتما-پتیا نال) ویاہ ہو گیا ہے، مینوں پرماتما مل گیا ہے ۔۔2۔۔
ہے میرے پتا! پربھو-پتیو سدا کائم رہن والا ہے، سدا کائم رہن والا ہے، (اس پتی نال ملاپ کران واستے) اس پربھو دے بھگت جن مل کے (مانو) سوہنی جننج بندے ہن۔
(جیو-استری اہناں ستسنگیاں وچ رہِ کے) پیکے گھر وچ (اس منکھا جنم وچ) پرماتما دا نام جپ کے سکھی جیون بتیت کردی ہے، تے پرلوک وچ بھی بہت سوبھا پاندی ہے۔
(اہ یکین جانو کِ) جس جیو-استری نے پیکے گھر وچ پرماتما دا نام آپنے ہردے وچ وسایا ہے، اہ پرلوک وچ (زرور) سوبھا کھٹدی ہے۔
گرو دی سرن پے کے اہناں جیو-استریاں دا جیون کامیاب ہو جاندا ہے، جنھاں نے آپنا من جتّ کے (وسّ وچ لیا کے) چوپڑ-روپڑ اہ جیون-کھیڈن کھیڈی ہے۔
پرماتما دا بھجن کرن والے گرمکھاں نال مل کے پرماتما-پتیا نال سوہنا ملاپ ہو جاندا ہے، اہ سرب-ویاپک تے آنند دا سوما کھسم-پربھو مل پیندا ہے۔
ہے میرے پتا! پربھو-پتیو سدا کائم رہن والا ہے، سدا کائم رہن والا ہے، (اس پتی نال ملاپ کران واستے) اس پربھو دے بھگت جن مل کے (مانو) سوہنی جننج بندے ہن ۔۔3۔۔
ہے میرے پتا! (میں تیتھوں داج منگدی ہاں) مینوں ہری-پربھو دے نام دا دان دیہ، مینوں اہی داج دیہ۔