اہ دھن-پدارتھ اہ مایا سدا ساتھ نباہن والے نہیں ہن، اتے سما آؤن تے پچھتاندا ہویا اہناں نوں چھڈّ کے جاندا ہے۔
جس منکھّ اتے پرماتما مہر کردا ہے اس نوں گرو ملاندا ہے، تے اہ سدا پرماتما دا نام ہردے وچ سمبھالدا ہے۔
نانک آکھدا ہے- جیہڑے پرانی ہرِ نام سمبھالدے ہن، اہ پرماتما وچ جا ملدے ہن ۔۔3۔۔{76-77}
ہرِ-نام دا ونج کرن آئے ہے جیو-متر! (زندگی دی رات دے) چوتھے پہر پرماتما (جیو دے اتھوں) ترن دا سما لے (ہی) آؤندا ہے۔
ہے ونجارے جیو-متر! گرو نوں ابھلّ جان کے گرو دی سرن پوو، (زندگی دی) ساری رات بیتدی جا رہی ہے۔
(ہے جیو-متر!) سواس سواس پرماتما دا نام سمرو، (اس کمّ وچ) بلکل آلس ناہ کرو، سمرن دی برکتِ نال ہی سدا واستے اٹلّ آتمک جیون والے بن سکوگے۔
(ہے جیو-متر! سمرن دی برکتِ نال ہی) پرماتما دے ملاپ دا آنند سدا مانوگے تے جنم مرن دے گیڑ وچّ پان والے دکھاں نوں مکا سکیگا۔
(ہے جیو-متر!) گرو تے پرماتما وچ (رتا بھی) فرک ناہ سمجھو گرو (دے چرناں) وچّ جڑ کے ہی پرماتما دی بھگتی پیاری لگدی ہے۔
نانک آکھدا ہے- جیہڑے پرانی (زندگی دی رات دے) چوتھے پہر وچ بھی (پرماتما دی بھگتی کردے رہندے ہن اہناں) بھگتاں دی (زندگی دی ساری) رات کامیاب رہندی ہے ۔۔4۔۔1۔۔3۔۔
سریراگُ مہلا 5 ۔۔
ہرِ-نام دا ونج کرن آئے ہے جیو-متر! (منکھا زندگی دی) رات دے پہلے پہر پرماتما ماں دے پیٹ وچ (جیو دا) پینتڑا رکھدا ہے۔
ہے ونجارے متر! (پھر) دساں مہینیاں وچ پربھو منکھّ (دا سابت بتّ) بنا دیندا ہے۔ (جیواں نوں زندگی دا) مکرر سما دیندا ہے (جس وچ جیو چنگے مندے) کرم کماندے ہن۔
پرماتما جیو لئی زندگی دا سما مکرر کر دیندا ہے۔ پچھے کیتے کرماں دے سنسکاراں انوسار پربھو جیو دے متھے تے دھروں جہو جہا لیکھ لکھ دیندا ہے، اہو جہے کرم جیو کماندے ہن۔
ماں پیو بھرا پتر استری (آدک) اہناں سمبندھیاں وچ پربھو جیو نوں رچا-مچا دیندا ہے۔
اس جیو دے اختیار وچ کجھ نہیں، پرماتما آپ ہی اس پاسوں چنگے مندے کرم کراندا ہے۔
نانک آکھدا ہے- (زندگی دی رات دے) پہلے پہر پرماتما پرانی دا پیتڑا ماں دے پیٹ وچ رکھّ دیندا ہے ۔۔1۔۔
ہرِ-نام دا ونج کرن آئے ہے جیو-متر! (زندگی دی) رات دے دوجے پہر سکھر تے پہنچی ہوئی جوانی (جیو دے اندر) اچھالے ماردی ہے۔
ہے ونجارے متر! تدوں جیو دا من ہؤمے اہنکار وچ مست رہندا ہے، تے اہ چنگے مندے کمّ وچ تمیز نہیں کردا۔
(جوانی دے مد وچ) پرانی اہ نہیں پچھاندا، کِ جو کجھ میں کر رہا ہاں چنگا ہے جاں مندا (وکاراں وچ پے جاندا ہے، تے) پرلوک وچ اؤکھا پینڈا جھاگدا ہے۔
(ہؤمے وچ مست منکھّ) پورے گرو دی سرن نہیں پیندا، (اس واستے اس دے) سر اتے زالم جم آ کھلوندے ہن۔
(جوانی دے نشے وچ منکھّ کدے نہیں سوچدا کِ ہؤمے وچ) جھلے ہو چکے نوں جدوں دھرمراج آ پھڑیگا، تدوں (آپنیاں مندیاں کرتوتاں بارے) اس نوں کیہ جواب دیویگا؟
نانک آکھدا ہے- (زندگی دی) رات دے دوجے پہر سکھر تے پنہچیا ہویا جوبن (منکھّ دے اندر) اچھالے ماردا ہے ۔۔2۔۔
ہرِ-نام دا ونج کرن آئے ہے جیو-متر! (زندگی دے) رات دے تیجے پہر مایا دے موہ وچ انھا ہویا ہویا تے گیان توں سکھنا منکھّ (آتمک جیون نوں مار مکان والا دھن-روپ) زہر اکٹھا کردا رہندا ہے۔
ہے ونجارے متر! تدوں منکھّ مایا دا لوبھی ہو جاندا ہے۔ اس دے اندر (لوبھ دیاں) لہر اٹھدیاں ہن، منکھّ پتر (دے موہ) وچ، استری (دے موہ) وچ، (مایا دے) موہ وچ پھسیا رہندا ہے۔
پرانی دے اندر (لوبھ دیاں) لہراں اٹھدیاں ہن، منکھّ لوبھی ہویا رہندا ہے، اہ پرماتما کدے اس دے چتّ وچ نہیں آؤندا۔
منکھّ تدوں سادھ سنگتِ نال میل-ملاپ نہیں رکھدا، (آخر) کئی جوناں وچ (بھٹکدا) دکھّ سہاردا ہے۔
منکھّ (آپنے) سرجنہار مالک نوں بھلا دیندا ہے، اکھّ جھمکن دے سمیں جتنا سما بھی پرماتما وچ سرت نہیں جوڑدا۔
نانک آکھدا ہے- (زندگی دی) رات دے تیجے پہر انھا گیان-ہینن منکھّ (آتمک موت لیاؤن والا دھن-روپ) زہر (ہی) اکٹھا کردا رہندا ہے ۔۔3۔۔
ہرِ-نام دا ونج کرن آئے ہے جیو-متر! (زندگی دی رات دے چوتھے پہر اہ دن نیڑے آ جاندا ہے، (جدوں اتھوں کوچ کرنا ہندا ہے)۔
ہے ونجہارے متر! پربھو دا نام ہردے وچ وسا، نام ہی پربھو دی درگاہ وچ تیرا مددگار بنیگا۔
ہے پرانی! گرو دی سرن پے کے پرماتما دا نام آپنے ہردے وچ وسائی رکھّ، نام ہی اخیر سمے ساتھی بندا ہے۔