ہے نانک! جیہڑے منکھّ پرماتما دے نام (-رنگ) وچ رنگے جاندے ہن، اہ چنگی مندی کرتوتِ نوں پرکھن جوگے ہو جاندا ہن، تے اہ سدا کائم رہن والے پرماتما دے نام سمرن دی کمائی کردے ہن ۔۔8۔۔18۔۔19۔۔
ماجھ مہلا 3 ۔۔
اس دی سفت-سالاہ دا شبد (سبھ نوں) پوتر کرن والا ہے۔
پرماتما دی پوتر جوتِ سبھ جیواں وچ سمائی ہوئی ہے۔
(ہے بھائی!) میں اس ہری دی پوتر بانی دی راہیں اس دی سفت-سالاہ کردا ہاں۔ پرماتما دا نام جپ کے پوتر ہو جائیدا ہے، (وکاراں دی) میل (من وچوں) دور کر لئیدی ہے ۔۔1۔۔
میں اہناں توں سدکے ہاں کربان ہاں، جیہڑے سکھّ دین والے پرماتما نوں آپنے من وچ وساندے ہن۔
میں گرو دے شبد وچ جڑ کے پوتر پرماتما دی سفت-سالاہ کردا ہاں۔ گرو دا شبد ہی سن کے میں (آپنے اندروں مایا دی) ترشنا مٹاندا ہاں ۔۔1۔۔ رہاؤ ۔۔
(جس منکھّ دے) من وچ پوتر پرماتما دا نام آ وسدا ہے،
اس دا من پوتر ہو جاندا ہے، اس دا تن پوتر ہو جاندا ہے۔ (آپنے اندروں) مایا دا موہ دور کر لیندا ہے۔
اہ منکھّ سدا-تھر رہن والے پرماتما دے پوتر گن سدا گاندا ہے (جویں جوگی ناد وجاندا ہے) اہ منکھّ سفت-سالاہ دا (مانو) ناد وجاندا ہے ۔۔2۔۔
جس منکھّ نے گرو پاسوں پوتر پرماتما دا آتمک جیون دین والا نام-جل پراپت کر لیا،
اس دے اندروں آپا-بھاو مکّ جاندا ہے، اس دے ہردے وچ، مایا دا موہ نہیں رہِ جاندا۔
(جیوں جیوں اہ منکھّ) پرماتما دی سفت-سالاہ والی پوتر بانی آپنے من وچ وساندا ہے، پرماتما نال اس دی پوتر ڈونگھی سانجھ بندی ہے، اس دی سرت پربھو-چرناں نال جڑدی ہے جو اس نوں (ہور) پوتر کردی ہے ۔۔3۔۔
جیہڑا منکھّ پوتر پرماتما دا سمرن کردا ہے، اہ (آپ بھی) پوتر ہو جاندا ہے۔
گرو دے شبد دی برکتِ نال اہ (آپنے من وچوں) ہؤمے دی میل دھو لیندا ہے۔
اس منکھّ دے اندر اک-رس لگن پیدا کرن والی سفت-سالاہ دی پوتر بانی آپنا پربھاو پائی رکھدی ہے، تے اہ سدا-تھر پربھو دے در تے سوبھا پاندا ہے ۔۔4۔۔
پوتر پرماتما دی (نام-) چھہ نال ساری لکائی پوتر ہو جاندی ہے۔
(جیوں جیوں منکھّ آپنے من نوں) پرماتما دی سفت-سالاہ دے شبد وچ پروندا ہے (تیوں تیوں اس دا) من پوتر ہندا جاندا ہے۔
وڈے بھاگاں والے منکھّ ہی پوتر پربھو دے نام وچ لین ہندے ہن۔ جیہڑا منکھّ نام وچ جڑدا ہے، اہ پوتر جیون والا بن جاندا ہے، اہ سوہنے جیون والا بن جاندا ہے ۔۔5۔۔
اہی منکھّ پوتر جیون والا بندا ہے، جیہڑا گرو دے شبد وچ جڑ کے سوہنے جیون والا بندا ہے۔
پوتر پربھو دے نام وچ اس دا من مست رہندا ہے، اس دا تن (بھاو، ہریک گیان-اندرا) مست رہندا ہے۔
سدا-تھر پرماتما دے نام وچ جڑن کر کے اس نوں (وکاراں دی) میل کدے نہیں لگدی۔ سدا-تھر رہن والا پربھو اس دا مونہ (لوک پرلوک وچ) اجلا کر دیندا ہے ۔۔6۔۔
پر جیہڑا منکھّ مایا دے پیار وچ مست رہندا ہے، اس دا من (وکاراں دی میل نال) میلا (ہی) رہندا ہے۔
(اہ لکیراں کڈھّ کڈھّ کے بیشکّ سچے چونکے بنائے، پر اس دے ہردے دا) چونکا میلا ہی رہندا ہے (اہ دی سرت سدا) میلے تھاں وچ ہی ٹکی رہندی ہے۔
اہ منکھّ (وکاراں دی) میل نوں ہی آپنی آتمک خوراک بنائی رکھدا ہے، (جس کرکے اہ آپنے اندر) ہور ہور (وکاراں دی) میل ودھاندا جاندا ہے۔ (اس تراں) آپنے من دے پچھے ترن والا منکھّ (وکاراں دی) میل (ودھا ودھا کے) دکھّ سہاردا ہے ۔۔7۔۔
(پر جیواں دے کیہ وسّ؟) وکاری جیو تے پوتر-آتما جیو سارے پرماتما دے ہکم وچ (ہی تر رہے ہن)۔
جیہڑے بندے سدا-تھر ہری نوں پیارے لگّ پیندے ہن، اہ پوتر جیون والے ہو جاندے ہن۔
ہے نانک! جیہڑا منکھّ گرو دے دسے راہ اتے تردا ہے، اس دے من وچ پرماتما دا نام وسدا ہے، اہ (آپنے اندروں وکار آدکاں دی) میل دور کر لیندا ہے ۔۔8۔۔19۔۔20۔۔
ماجھ مہلا 3 ۔۔
(پرماتما دا پوتر نام جپن والے) منکھّ پوتر گوبند دا روپ ہو جاندے ہن، پرماتما-سروورم دے اہ، (مانو) سوہنے ہنس بن جاندے ہن۔
اہ دا من پوتر ہو جاندا ہے، وچ بولی پوتر ہو جاندی ہے اتے انھاں دے من وچّ (بھی) سدھّ (پھرنے) اٹھدے ہن۔
جیہڑے منکھّ پرماتما دا نام سمردے ہن، اہ بہت پوتر-آتما ہو جاندے ہن، اہناں دے مونہ (بھی) سوہنے دسدے ہن ۔۔1۔۔
میں اس منکھّ توں سدا سدکے وارنے جاندا ہاں، جیہڑا گوبند دے گن سدا گاندا ہے،
جیہڑا دن رات گوبند دا نام اچاردا ہے، جیہڑا گرو دے شبد دی راہیں (ہورناں نوں بھی) گوبند دے گن سناندا ہے ۔۔1۔۔ رہاؤ ۔۔
جیہڑے منکھّ گوبند (دے گن) آتمک اڈولتا وچ (پربھو چرناں دے) پریم وچ (ٹک کے) گاندے ہن،
گرو دے ڈر-ادب وچ رہِ کے اہ (لوک پرلوک وچ) سرخرو ہو جاندے ہن، (اہناں دے اندروں) ہؤمے دی میل دور ہو جاندی ہے۔
اہ دن رات پرماتما دی بھگتی کردے ہن، سدا آتمک آنند وچ مگن رہندے ہن، اہ (ہورناں پاسوں) سن کے (بھاو، اہ گوبند دے گن سندے بھی ہن، تے) گوبند دے گن گاندے (بھی) ہن ۔۔2۔۔
جیوں جیوں منکھّ بھگتی درڑھ کردا ہے اس دا من ہلارے وچ آؤندا ہے۔
گرو دے شبد دی راہیں اہ آپنے من نوں ادھر ہی ٹکائی رکھدا ہے (باہر بھٹکن توں بچائی رکھدا ہے)۔
(جویں کوئی راسدھاریا راس پان ویلے راگ دے شازاں دے نال نال مل کے ناچ کردا ہے، تویں) اہ منکھّ (مانو) سچا ناچ کردا ہے (جدوں اہ آپنے اندروں) مایا دا موہ دور کردا ہے۔ گرو دے شبد وچ جڑ کے اہ (آتمک) ناچ کردا ہے ۔۔3۔۔
پر جیہڑا منکھّ (راس آدک پان ویلے) اچی اچی سر وچ بولدا ہے تے آپنے سریر نوں (کسے شے نال) پٹکاندا ہے،
(اننج اہ) مایا دے موہ وچ (پھسیا ہویا) ہے، اس نوں آتمک موت نے آپنی تکّ وچ رکھیا ہویا ہے۔