پرماتما نے آپنا آپ آپنے بھگتاں دے اندر رکھیا ہندا ہے۔ (تاہیئیں، پرماتما دا) سیوک (گرو) نانک اتے ہری-پربھو اکّ-روپ ہے ۔۔4۔۔5۔۔
پربھاتی مہلا 4 ۔۔
اسیں جیو آتمک موتے مرے رہندے ہاں۔ ستگورو نے جدوں ساڈے ہردے وچ پرماتما دا نام پکا کر دتا تاں ہرِ-نام جپ کے اسیں آتمک جیون ہاسل کر لیندے ہاں۔
پورا گرو دھنّ ہے، گرو سلاہن-جوگہ ہے۔ (آتمک موت لیاؤن والی مایا دے موہ دے) وہلے سمندر وچ ڈبدیاں نوں گرو (آپنی) بانہ پھڑا کے کڈھّ لیندا ہے ۔۔1۔۔
ہے (میرے) من! پرماتما دا نام جپیا کر؛ (اہ نام) جپن-جوگ ہے۔
کناں وچ جوئی گپت منتر دین آدک دے ڈھنگ نال کدے بھی پرماتما نہیں ملدا۔ پورے گرو دی راہیں (نام جپ کے ہی) پرماتما لبھدا ہے ۔۔1۔۔ رہاؤ ۔۔
پرماتما دا نام-رس (دنیا دے ہور سارے) رساں دا گھر ہے (سبھ رساں توں سریشٹ ہے، پر) اہ نام-رس گرمتّ دے رس دی راہیں پیتا جا سکدا ہے۔
سڑیا ہویا لوہا (پارس نوں مل کے) سونا (ہو جاندا ہے، تویں) سنگت وچ مل کے (منکھّ) پرماتما دا نام-رس (آپنے) ہردے وچ وسا لیندا ہے، گرو دی راہیں ربی جوتِ اس دے اندر پرگٹ ہو جاندی ہے ۔۔2۔۔
جہڑے منکھّ ہؤمے وچ گرسے رہندے ہن، مایا دے لوبھ وچ سدا پھسے رہندے ہن، پتر استری دے موہ وچ گھرے رہندے ہن،
اہناں نے کدے سنت-جناں دے چرن نہیں چھہے ہندے، آپنے من دے پچھے ترن والے اہناں منکھاں دے اندر (ترشنا دی) بھبل دھکھدی رہندی ہے ۔۔3۔۔
ہے پربھو! آپنے گن توں آپ ہی جاندا ہیں۔ اسیں جیو (ہور سبھ پاسیاں ولوں) ہار کے تیری ہی سرن آ پیندے ہاں۔
ہے سوامی! جویں ہو سکے، میری رکھیا کر (میں) نانک تیرا ہی داس ہاں ۔۔4۔۔6۔۔ چھکا 1 ۔۔
راگ پربھاتی/ببھاگ وچّ گرو رامداس جی دی بانی 'پڑتال'۔
اکال پرکھ اکّ ہے اتے ستگورو دی کرپا نال ملدا ہے۔
ہے (میرے) من! ہر ویلے پرماتما دا نام جپیا کر (اہی ہے اسل) خزانا۔
(نام دی برکتِ نال) توں پرماتما دی ہزوری وچ آدر ہاسل کرینگا۔
جس جس نے نام جپیا ہے اہ سبھ (سنسار-سمندر توں) پار لنگھ جاندے ہن ۔۔1۔۔ رہاؤ ۔۔
ہے (میرے) من! دھیان جوڑ کے سدا پرماتما دا نام سنیا کر۔
ہے من! پرماتما دی سفت-سالاہ سنیا کر (اہی ہے) اٹھاہٹھ تیرتھاں دا اشنان۔
ہے من! گرو دی سرن پے کے (پرماتما دا نام) سنیا کر (لوک پرلوک وچ) ازت کھٹینگا ۔۔1۔۔
ہے من! پرمیسر (دا نام) جپیا کر (اہی سبھ توں) وڈا (ہے)۔
(نام جپن دی برکتِ نال) کروڑاں پاپاں دا ناس (اک) کھن وچ ہو جاندا ہے۔
ہے نانک! سدا ہری بھگوان (دے چرناں وچ) جڑیا رہُ ۔۔2۔۔1۔۔7۔۔
راگ پربھاتی/ببھاگ وچّ گرو ارجندیو جی دی بانی۔
اکال پرکھ اکّ ہے اتے ستگورو دی کرپا نال ملدا ہے۔
جس پرماتما نے (تیرا) من بنایا، (تیرا) سریر بنایا،
(مٹی ہوا آدک) پنج تتاں دا پتلا بنا کے (اس نوں آپنی) جوتِ نال سوہنا بنا دتا،
(جس نے تینوں) لیٹن واستے دھرتی دتی، (جس نے تینوں) ورتن لئی پانی دتا،
اس پرماتما نوں کدے ناہ بھلاؤ، اس نوں (ہر ویلے) سمردے رہو ۔۔1۔۔
ہے (میرے) من! گرو دی سرن پیا رہُ (اس تراں) سبھ توں اچی آتمک اوستھا پراپت ہو جاندی ہے۔
جے توں (گرو دے در تے رہِ کے) خشی غمی توں نرلیپ ٹکیا رہیں، تاں توں جند دے مالک پربھو نوں مل پئینگا ۔۔1۔۔ رہاؤ ۔۔
جس پرماتما نے تینوں انیکاں (کسماں دے) کپڑے ورتن نوں دتے، جس نے تینوں انیکاں چنگے چنگے پدارتھ کھان-پین نوں دتے،
جس نے تیرے واستے ماں پیو پروار (آدک) سارے سمبندھی بنا دتے،
ہے متر! جہڑا پرماتما پانی وچ دھرتی وچ (ہر تھاں جیواں نوں) رزک اپڑاندا ہے،
اس پرماتما نوں سدا ہی سدا ہی یاد کردے رہو ۔۔2۔۔
جتھے کوئی بھی مدد نہیں کر سکدا، پرماتما اتھے (بھی) ساتھی بندا ہے،
(جیواں دے) کروڑاں پاپ اک کھن وچ دھو دیندا ہے۔
اہ پربھو (سبھ جیواں نوں) داتاں دیندا رہندا ہے، کدے (اس گلوں) پچھتاندا نہیں۔
(جس پرانی اتے) اک واری بخشش کر دیندا ہے، اس نوں (اس دے لیکھا منگن لئی) پھر نہیں سددا ۔۔3۔۔
پچھلے کیتے کرماں دے سنجوگاں نال (پرماتما نوں سادھ سنگت وچ) ڈھونڈھ کے لبھّ لئیدا ہے۔
سرشٹی دا رکھئک پربھو سادھ سنگت وچ وسدا ہے۔
ہے پربھو گرو دی سرن پے کے میں تیرے در تے آیا ہاں۔
ہے مراری! (آپنے) داس نانک نوں (آپنا) دیدار بخش ۔۔4۔۔1۔۔
پربھاتی مہلا 5 ۔۔
پرماتما دی بھگتی نال پرماتما دے بھگت دی وڈیائی (لوک پرلوک وچ) ہندی ہے،
اس دے اندروں کام کرودھ لوبھ (آدک وکار) مٹ جاندے ہن۔
ہے پربھو! تیرا نام-دھن تیرے بھگتاں دے خزانے وچ (بھرپور رہندا ہے)۔
ہے پربھو! تیرے بھگت تیرے دیدار دی تانگھ وچ تیرے گن گاندے رہندے ہن ۔۔1۔۔
ہے پربھو! آپنی بھگتی (آپنے سیوکاں نوں) توں آپ ہی سمجھائی ہے،
(اہناں دی موہ دی) پھاہی کٹّ کے آپنے سیوکاں نوں توں آپ ہی (مایا دے موہ توں) بچایا ہے ۔۔1۔۔ رہاؤ ۔۔
جہڑا جہڑا منکھّ پرماتما دے پریم-رنگم وچ رنگیا گیا،
اہناں نے پرماتما دے (چرناں) نال (لگّ کے) آتمک آنند پراپت کیتا۔
(پر اس آنند نوں بیان نہیں کیتا جا سکدا) جس منکھّ نوں اہ آنند آؤندا ہے، اہی اس نوں جاندا ہے۔
اہ منکھّ (پرماتما دا) درسن کر کر کے (آپنے) من وچ واہ واہ کر اٹھدا ہے ۔۔2۔۔
اہ منکھّ سکھی ہو جاندا ہے، اہ ہور سبھناں نالوں سریشٹ جیون والا ہو جاندا ہے،
جس (منکھّ) دے ہردے وچ اہ پرماتما آ وسدا ہے۔
اہ منکھّ سدا اڈول چتّ رہندا ہے، اہ کدے بھٹکدا نہیں پھردا،
اہ منکھّ ہر ویلے پرماتما دے گن گاندا رہندا ہے ۔۔3۔۔