سنت جناں دے چرناں دی سرن، سنت جناں دے چرناں تے نمسکار، اس وچ میں سکھ ہی سکھ انبھو کردا ہاں۔ ہے نانک! اہ من وچوں ترشنا دی سڑن دور کر دیندا ہے، جے پیارے پربھو دا پریم مل جائے ۔۔3۔۔3۔۔143۔۔
راگ آسا وچّ گرو ارجندیو جی دی بانی۔
(ہے موہن-پربھو!) گرو نے مینوں اہناں اکھاں نال تیرا درسن کرا دتا ہے ۔۔1۔۔ رہاؤ ۔۔
(ہن) ہے موہن! اس لوک وچ، پرلوک وچ، ہریک سریر وچ، ہریک ہردے وچ (مینوں) توں ہی دسّ رہا ہیں ۔۔1۔۔
(ہن) ہے سوہنے پربھو! (مینوں نشچا آ گیا ہے کِ) اک توں ہی سارے جگت دا مول رچن والا ہیں، اک توں ہی ساری سرشٹی نوں سہارا دین والا ہیں ۔۔2۔۔
ہے نانک! (آکھ-ہے موہن پربھو!) میں تیرے سنتاں دے چرن چھنہدا ہاں اہناں دے درسن توں سدکے جاندا ہاں (سنتاں دی کرپا نال ہی تیرا ملاپ ہندا ہے، تے) سدا لئی آتمک آنند وچ لینتا پراپت ہندی ہے ۔۔3۔۔4۔۔144۔۔
راگ آسا وچّ گرو ارجندیو جی دی بانی۔
جس منکھّ نوں پرماتما دا امولک نام پراپت ہو جاندا ہے،
اہ منکھّ آتمک اڈولتا وچ ٹکیا رہندا ہے اہ منکھّ سوکھا جیون بتیت کردا ہے ۔۔1۔۔ رہاؤ ۔۔
پرماتما ہی سدا نال رہن والا ساتھی ہے، اہ کدے چھڈّ نہیں جاندا، پر اہ (کسے چترائی سیانپ نال) وسّ وچ نہیں آؤندا اس دے برابر دا ہور کوئی نہیں ہے ۔۔1۔۔
اہ پرماتما ہی میرا پریتم ہے میرا بھرا ہے میرا پیو ہے تے میری ماں ہے، اہ پرماتما ہی آپنے بھگتاں (دی زندگی) دا سہارا ہے ۔۔2۔۔
ہے نانک! (آکھ-ہے بھائی!) اس پرماتما دا سہیہ سروپ بیان نہیں کیتا جا سکدا، گرو نے مینوں اس دی سمجھ بخش دتی ہے، گرو پاسوں میں اس دا ملاپ ہاسل کیتا ہے۔ اہ اس پرماتما دا اک اجب تماشا ہے (کِ گرو دی راہیں مل پیندا ہے) ॥3۔۔5۔۔145۔۔
راگ آسا وچّ گرو ارجندیو جی دی بانی۔
مینوں آپنی بھگتی سدا دیئی رکھّ!
ہے میرے مالک! میں تانگھ کر کے (تیری سرن) آیا ہاں1 ۔۔1۔۔ رہاؤ ۔۔
ہے میرے مالک! آپنے چرن میرے ہردے وچ وسائی رکھّ، مینوں آپنا کیمتی نام دیئی رکھّ، تاکِ میرا جیون سپھل ہو جائے ۔۔1۔۔
ہے میرے مالک! مینوں آپنے سنتاں دی سنگتِ وچ رکھی رکھّ، اہی میرے واستے مکتی ہے، تے اہی میرے واستے جیون-چجن ہے ۔۔2۔۔
ہے نانک! (آکھ-) ہے ہری! (میہر کر) تیرے گناں وچ چبھی لا کے میں تیرا نام سمردا رہاں تے آتمک اڈولتا وچ ٹکیا رہاں ۔۔3۔۔6۔۔146۔۔
راگ آسا وچّ گرو ارجندیو جی دی بانی۔
مالک-پربھو دے چرن سوہنے ہن،
تے پربھو دے سنتاں نوں اہناں دا ملاپ پراپت ہندا ہے ۔۔1۔۔ رہاؤ ۔۔
(پرماتما دے سنت) آپا-بھاو دور کر کے پرماتما دی سیوا-بھگتی کردے ہن تے اس دے گن بڑے آنند نال گاندے رہندے ہن ۔۔1۔۔
(پرماتما دے سنتاں نوں) اک پرماتما دی (سہائتا دی) ہی آسا ٹکی رہندی ہے، اہناں نوں پرماتما دے درسن دی تانگھ لگی رہندی ہے (اس توں بنا) کوئی ہور (دنیا والی آس) چنگی نہیں لگدی ۔۔2۔۔
ہے نانک! (آکھ-ہے پربھو! تیرے سنتاں دے ہردے وچ تیرے چرناں دا پریم ہونا-اہ) تیری ہی میہر ہے (نہیں تاں) وچارے جیواں دا کیہ زور ہے۔ ہے پربھو! میں تیتھوں کربان جاندا ہاں ۔۔3۔۔7۔۔147۔۔
راگ آسا وچّ گرو ارجندیو جی دی بانی۔
(آپنے) من وچ اک پرماتما نوں سمردا رہُ ۔۔1۔۔ رہاؤ ۔۔
پرماتما دا نام سمریا کرو، ہرِ-نام آپنے ہردے وچ وسائی رکھو۔ پرماتما توں بنا ہور کوئی (سہائی) نہیں ہے ۔۔1۔۔
آؤ پرماتما دی سرن پئے رہیئے (تے پرماتما پاسوں) سارے پھل ہاسل کریئے۔ (پرماتما دی سرن پیاں) سارے دکھّ دور ہو جاندے ہن ۔۔2۔۔
ہے نانک! (آکھ-) سرجنہار اکال پرکھ سبھ جیواں نوں داتاں دین والا ہے، اہ ہریک سریر وچ موجود ہے ۔۔3۔۔8۔۔148۔۔
راگ آسا وچّ گرو ارجندیو جی دی بانی۔
جس منکھّ نوں پرماتما دی یاد بھلّ گئی اہ آتمک موتے مر گیا ۔۔1۔۔ رہاؤ ۔۔
جیہڑا منکھّ پرماتما دا نام سمردا رہندا ہے، اہ سارے (من-اچھت) پھل ہاسل کر لیندا ہے تے سوکھا جیون گزاردا ہے ۔۔1۔۔
(پر، پرماتما دا نام وسار کے جیہڑا منکھّ آپنے آپ نوں) راجا (بھی) اکھواندا ہے اہ اہنکار پیدا کرن والے کمّ (ہی) کردا ہے اہ (راج دے مان وچ اؤں) بجھا رہندا ہے جویں (ڈبن توں بچے رہن دے) وہم وچ توتا نلکی نال چمبڑیا رہندا ہے ۔۔2۔۔
نانک آکھدا ہے- جس منکھّ نوں ستگورو مل پیندا ہے اہ منکھّ اٹلّ آتمک جیون والا بن جاندا ہے ۔۔3۔۔9۔۔149۔۔
راگ آسا، گھر 14 وچّ گرو ارجندیو جی دی بانی۔
اکال پرکھ اکّ ہے اتے ستگورو دی کرپا نال ملدا ہے۔
اہ پیار سدا نواں رہندا ہے (دنیا والے پیار چھیتی ہی فکے پے جاندے ہن)، جیہڑا پیار پیارے پریتم پربھو نال بنیا رہندا ہے ۔۔1۔۔ رہاؤ ۔۔
جیہڑا منکھّ پربھو نوں پیارا لگن لگّ پیندا ہے (اہ اس پیار دی برکتِ نال مڑ مڑ) جنم وچ نہیں آؤندا۔ جس منکھّ نوں ہری دا پریم پراپت ہو جاندا ہے ہری دی بھگتی پراپت ہو جاندی ہے اہ (سدا) ہری دی پریت وچ مست رہندا ہے ۔۔1۔۔