سارگ مہلا 5 ۔۔
میرے گرو نے (میرے اندروں ہر ویلے دا) سہم دور کر دتا ہے۔
اس گرو توں سدکے جانا چاہیدا ہے۔ میں (اس گرو توں) سدا ہی سدا ہی کربان جاندا ہاں ۔۔1۔۔ رہاؤ ۔۔
میں دن رات (آپنے) گرو دا نام چیتے رکھدا ہاں، میں آپنے من وچ گرو دے چرن ٹکائی رکھدا ہاں (بھاو، ادب-ستکار نال گرو دی یاد ہردے وچ وسائی رکھدا ہاں)۔
میں سدا گرو دے چرناں دی دھوڑ وچ اشنان کردا رہندا ہاں، (اس اشنان نے میرے من توں) پاپاں دی میل لاہ دتی ہے ۔۔1۔۔
میں سدا پورے گرو دی (دسی) سیوا کردا ہاں، گرو اگے سر نوائی رکھدا ہاں۔
ہے نانک! پورے گرو نے مینوں (دنیا دے) سارے (مونہ-منگے) پھل دتے ہن، گرو نے (مینوں جگت دے وکاراں توں) پار لنگھا لیا ہے ۔۔2۔۔47۔۔70۔۔
سارگ مہلا 5 ۔۔
پرماتما دا نام سمردیاں منکھّ جیون دی اچی آتمک اوستھا ہاسل کر لیندا ہے۔
جہڑا منکھّ سادھ سنگت وچ پیار پاندا ہے، اس دے سارے کلیش مٹ جاندے ہن، اس دا ہریک ڈر دور ہو جاندا ہے ۔۔1۔۔ رہاؤ ۔۔
(جہڑا منکھّ) سدا (آپنے) من وچ پرماتما دا آرادھن کردا رہندا ہے، جہڑا آپنی جیبھ نال پربھو دی سفت-سالاہ گاندا رہندا ہے،
اہ منکھّ (آپنے اندروں) کام کرودھ اہنکار نندا (آدک وکار) دور کر کے (آپنے اندر) پرماتما دا پریم پیدا کر لیندا ہے ۔۔1۔۔
دیا دے سومے پرماتما دا نام سمردے رہا کرو۔ گوبند (دا نام) سمردیاں ہی جیون سوہنا بندا ہے۔
نانک آکھدا ہے- سبھناں دی چرن-دھوڑ ہو کے منکھّ پرماتما دے درسن وچ لین ہویا رہندا ہے ۔۔2۔۔48۔۔71۔۔
سارگ مہلا 5 ۔۔
میں آپنے پورے گرو توں کربان جاندا ہے۔
(گرو پرماتما دے) نام دا پرتاپ (جگت وچ) پرسدھّ کردا ہے۔ رکھیا کرن دی سمرتھا والا پربھو (نام جپن والیاں نوں انیکاں دکھاں توں) بچاندا ہے ۔۔1۔۔ رہاؤ ۔۔
(گرو دی کرپا نال ہی) پربھو آپنے سیوکاں داساں نوں (دکھاں وکاراں دے ٹاکرے تے) دلیر کر دیندا ہے، (سیوکاں دے) سارے دکھّ ناس کردا ہے۔
(پربھو دا) سیوک (بھی) ہور سارے ہیلے چھڈّ کے پرماتما دے سوہنے چرن (آپنے) ہردے وچ وسائی رکھدا ہے ۔۔1۔۔
(جہڑے منکھّ گرو دی مہر نال نام جپدے ہن، اہناں نوں اہ نشچا ہو جاندا ہے کِ) سرف پرماتما ہی سرف پربھو ہی پراناں دا آسرا ہے تے سجن متر ہے۔
(داس) نانک دا (تاں پرماتما ہی) سبھ توں اچا مالک ہے۔ (نانک) سدا مڑ مڑ (پرماتما نوں ہی) سر نواندا ہے ۔۔2۔۔49۔۔72۔۔
سارگ مہلا 5 ۔۔
دسو، پرماتما توں بنا ہور کون (سہائی) ہے تے کتھے ہے؟
اہ سرجن ہار سارے سکھاں دا سوما ہے، اہ پربھو ترس-سروپ ہے۔ سدا اس دا سمرن کردے رہو ۔۔1۔۔ رہاؤ ۔۔
جس پرماتما دے (ہکم-روپ) دھاگے وچ سارے جیو پروتے ہوئے ہن، اس دی سفت-سالاہ دا گیت گاندے رہا کرو۔
جس (مالک-پربھو) نے ہریک چیز دتی ہوئی ہے اس دا سمرن کریا کرو۔ (اس دا آسرا چھڈّ کے) ہور کتھے کسے پاس جاندے ہو؟ ॥1۔۔
میرے مالک-پربھو دی ہی بھگتی سارے پھل دین والی ہے (اسے دے در توں ہی) من-منگے پھل پراپت کر سکدے ہو۔
نانک آکھدا ہے- (جگت توں پرماتما دی بھگتی دا) لابھ کھٹّ کے ترو، بڑے آنند نال پربھو دے چرناں وچ پہنچوگے ۔۔2۔۔50۔۔73۔۔
سارگ مہلا 5 ۔۔
ہے (میرے) مالک-پربھو! (میں) تیری سرن آیا ہاں۔
جدوں توں میں تیرا درسن کیتا ہے (تدوں توں ہی) میرے من توں (ہریک) سہم لہِ گیا ہے ۔۔1۔۔ رہاؤ ۔۔
ہے (میرے) مالک-پربھو! توں (سدا ہی میرے) بنا بولن دے میرا دکھّ سمجھ لیا ہے، توں آپ ہی میتھوں آپنا نام جپایا ہے۔
جدوں توں بڑے آنند نال میں تیرے گن گاندا ہاں، میرے (سارے) دکھّ دور ہو گئے ہن، سکھاں وچ آتمک اڈولتا وچ میں مگن رہندا ہاں ۔۔1۔۔
(پرماتما) آپنے (سیوکاں) دی بانہ پھڑ کے اہناں نوں مایا دے (موہ دے) انھے کھوہ وچوں انھے گھر وچوں کڈھّ لیندا ہے۔
نانک آکھدا ہے- گرو نے (جس منکھّ دیاں مایا دے موہ دیاں) پھاہیاں کٹّ دتیاں، (پربھو-چرناں توں) وچھڑدے اس نوں لیا کے (پربھو دے چرناں وچ) میل دتا ۔۔2۔۔51۔۔74۔۔