شری گرو گرنتھ صاحب جی

انگ - 482

ਬਾਜੀਗਰੀ ਸੰਸਾਰੁ ਕਬੀਰਾ ਚੇਤਿ ਢਾਲਿ ਪਾਸਾ ॥੩॥੧॥੨੩॥

baajeegaree sansaar kabeeraa chet dtaal paasaa |3|1|23|

ہے کبیر! جگت نٹ دی کھیڈ ہی ہے، (اس کھیڈ وچ جتن لئی) پربھو دی یاد دا پاسا سٹّ (پربھو دی یاد دی کھیڈ کھیڈو) ॥3۔۔1۔۔23۔۔

ਆਸਾ ॥

aasaa |

آسا ۔۔

ਤਨੁ ਰੈਨੀ ਮਨੁ ਪੁਨ ਰਪਿ ਕਰਿ ਹਉ ਪਾਚਉ ਤਤ ਬਰਾਤੀ ॥

tan rainee man pun rap kar hau paachau tat baraatee |

میں آپنے سریر نوں (آپنا من رنگن لئی) رنگن والا بھانڈا بنایا ہے، (بھاو، میں آپنے من نوں باہر بھٹکن توں ورج کے سریر دے اندر ہی رکھّ رہی ہاں)۔ من نوں میں بھلے گناں (دے رنگ) نال رنگیا ہے، (اس کمّ وچ سہائتا کرن لئی) دیا دھرم آدک دیوی گناں نوں میں میلی (جاننجی) بنایا ہے۔

ਰਾਮ ਰਾਇ ਸਿਉ ਭਾਵਰਿ ਲੈਹਉ ਆਤਮ ਤਿਹ ਰੰਗਿ ਰਾਤੀ ॥੧॥

raam raae siau bhaavar laihau aatam tih rang raatee |1|

ہن میں جگت-پتی پرماتما نال لاواں لے رہی ہاں، تے میرا آتما اس پتی دے پیار وچ رنگیا گیا ہے ۔۔1۔۔

ਗਾਉ ਗਾਉ ਰੀ ਦੁਲਹਨੀ ਮੰਗਲਚਾਰਾ ॥

gaau gaau ree dulahanee mangalachaaraa |

ہے نویؤں وہٹیؤ! (پربھو-پریت وچ رنگے ہوئے گیان-اندریو!) تسی مڑ مڑ سہاگ دے گیت گاؤ،

ਮੇਰੇ ਗ੍ਰਿਹ ਆਏ ਰਾਜਾ ਰਾਮ ਭਤਾਰਾ ॥੧॥ ਰਹਾਉ ॥

mere grih aae raajaa raam bhataaraa |1| rahaau |

(کیونکِ) میرے (ہردے-) گھر وچ میرا پتی (جگت دا) مالک-پرماتما آیا ہے ۔۔1۔۔ رہاؤ ۔۔

ਨਾਭਿ ਕਮਲ ਮਹਿ ਬੇਦੀ ਰਚਿ ਲੇ ਬ੍ਰਹਮ ਗਿਆਨ ਉਚਾਰਾ ॥

naabh kamal meh bedee rach le braham giaan uchaaraa |

سواس سواس اس دی یاد وچ گزارن نوں میں (ویاہ لئی) ویدی بنا لیا ہے، ستگورو دا شبد جو پربھو-پتیو نال جان-پچھان کراؤندا ہے (ویاہ دا منتر) اچاریا جا رہا ہے۔

ਰਾਮ ਰਾਇ ਸੋ ਦੂਲਹੁ ਪਾਇਓ ਅਸ ਬਡਭਾਗ ਹਮਾਰਾ ॥੨॥

raam raae so doolahu paaeio as baddabhaag hamaaraa |2|

میرے اجیہے بھاگ جاگے ہن کِ مینوں جگت دے مالک-پرماتما ورگا لاڑا مل گیا ہے ۔۔2۔۔

ਸੁਰਿ ਨਰ ਮੁਨਿ ਜਨ ਕਉਤਕ ਆਏ ਕੋਟਿ ਤੇਤੀਸ ਉਜਾਨਾਂ ॥

sur nar mun jan kautak aae kott tetees ujaanaan |

پربھو-چرناں وچ اڈاریاں لان والے میرے ستسنگی میرے ویاہ دی مریادا کرن آئے ہن۔

ਕਹਿ ਕਬੀਰ ਮੋਹਿ ਬਿਆਹਿ ਚਲੇ ਹੈ ਪੁਰਖ ਏਕ ਭਗਵਾਨਾ ॥੩॥੨॥੨੪॥

keh kabeer mohi biaaeh chale hai purakh ek bhagavaanaa |3|2|24|

کبیر آکھدا ہے-مینوں ہن اک پرماتما پتی ویاہ کے لے چلیا ہے ۔۔3۔۔2۔۔24۔۔

ਆਸਾ ॥

aasaa |

آسا ۔۔

ਸਾਸੁ ਕੀ ਦੁਖੀ ਸਸੁਰ ਕੀ ਪਿਆਰੀ ਜੇਠ ਕੇ ਨਾਮਿ ਡਰਉ ਰੇ ॥

saas kee dukhee sasur kee piaaree jetth ke naam ddrau re |

ہے ویر! میں مایا دے ہتھوں دکھی ہاں، پھر بھی سریر نال پیار (دیہ-ادھیاس) ہون کرکے، مینوں جیٹھ دے نام توں ہی ڈر لگدا ہے (بھاو، میرا مرن نوں چتّ نہیں کردا)۔

ਸਖੀ ਸਹੇਲੀ ਨਨਦ ਗਹੇਲੀ ਦੇਵਰ ਕੈ ਬਿਰਹਿ ਜਰਉ ਰੇ ॥੧॥

sakhee sahelee nanad gahelee devar kai bireh jrau re |1|

ہے سخی سہیلیؤ! مینوں اندریاں نے آپنے وسّ وچ کر رکھیا ہے، میں دیور دے وچھوڑے وچ (بھاو، وچار توں سکھنی ہون کرکے اندرے-اندر) سڑ رہی ہاں ۔۔1۔۔

ਮੇਰੀ ਮਤਿ ਬਉਰੀ ਮੈ ਰਾਮੁ ਬਿਸਾਰਿਓ ਕਿਨ ਬਿਧਿ ਰਹਨਿ ਰਹਉ ਰੇ ॥

meree mat bauree mai raam bisaario kin bidh rahan rhau re |

میری اکل ماری گئی ہے، میں پرماتما نوں بھلا دتا ہے۔ ہے ویر! ہن (اس ہالت وچ) کویں امر گزاراں؟

ਸੇਜੈ ਰਮਤੁ ਨੈਨ ਨਹੀ ਪੇਖਉ ਇਹੁ ਦੁਖੁ ਕਾ ਸਉ ਕਹਉ ਰੇ ॥੧॥ ਰਹਾਉ ॥

sejai ramat nain nahee pekhau ihu dukh kaa sau khau re |1| rahaau |

ہے ویر! اہ دکھّ میں کس نوں سناواں کِ اہ پربھو میری ہردے-سیجے اتے وسدا ہے، پر مینوں اکھیں نہیں دسدا ۔۔1۔۔ رہاؤ ۔۔

ਬਾਪੁ ਸਾਵਕਾ ਕਰੈ ਲਰਾਈ ਮਾਇਆ ਸਦ ਮਤਵਾਰੀ ॥

baap saavakaa karai laraaee maaeaa sad matavaaree |

میرے نال جمیا اہ سریر سدا میرے نال لڑائی کردا ہے (بھاو، سدا کھان نوں منگدا ہے)، مایا نے مینوں جھلی کر رکھیا ہے۔

ਬਡੇ ਭਾਈ ਕੈ ਜਬ ਸੰਗਿ ਹੋਤੀ ਤਬ ਹਉ ਨਾਹ ਪਿਆਰੀ ॥੨॥

badde bhaaee kai jab sang hotee tab hau naah piaaree |2|

جدوں (ماں دے پیٹ وچ) میں وڈے ویر (گیان) دے نال ساں تدوں (سمرن کردی ساں تے) پتی نوں پیاری ساں ۔۔2۔۔

ਕਹਤ ਕਬੀਰ ਪੰਚ ਕੋ ਝਗਰਾ ਝਗਰਤ ਜਨਮੁ ਗਵਾਇਆ ॥

kahat kabeer panch ko jhagaraa jhagarat janam gavaaeaa |

کبیر آکھدا ہے-(بسّ! اسے تراں) سبھ جیواں نوں پنج کامادکاں نال واستا پیا ہویا ہے۔

ਝੂਠੀ ਮਾਇਆ ਸਭੁ ਜਗੁ ਬਾਧਿਆ ਮੈ ਰਾਮ ਰਮਤ ਸੁਖੁ ਪਾਇਆ ॥੩॥੩॥੨੫॥

jhootthee maaeaa sabh jag baadhiaa mai raam ramat sukh paaeaa |3|3|25|

سارا جگت اہناں نال کھہندیاں ہی امر اجائیں گوا رہا ہے؛ ٹھگنی مایا نال بجھا پیا ہے۔ پر میں پربھو نوں سمر کے سکھ پا لیا ہے ۔۔3۔۔3۔۔25۔۔

ਆਸਾ ॥

aasaa |

آسا ۔۔

ਹਮ ਘਰਿ ਸੂਤੁ ਤਨਹਿ ਨਿਤ ਤਾਨਾ ਕੰਠਿ ਜਨੇਊ ਤੁਮਾਰੇ ॥

ham ghar soot taneh nit taanaa kantth janeaoo tumaare |

(ہے جھلے براہمن! جے تینوں اس کرکے آپنی اچی جات دا مان ہے کِ) تیرے گل وچ جنیؤ ہے (جو ساڈے گل نہیں ہے، تاں ویکھ، اہو جہا ہی) ساڈے گھر (بتھیرا) سوتر ہے (جس نال) اسیں نتّ تانا تندے ہاں۔

ਤੁਮੑ ਤਉ ਬੇਦ ਪੜਹੁ ਗਾਇਤ੍ਰੀ ਗੋਬਿੰਦੁ ਰਿਦੈ ਹਮਾਰੇ ॥੧॥

tuma tau bed parrahu gaaeitree gobind ridai hamaare |1|

(تیرا وید آدک پڑھن دا مان بھی کوڑا، کیونکِ) تسی تاں وید تے گائتری-منتری نرے جیبھ نال ہی اچاردے ہو، پر پرماتما میرے ہردے وچ وسدا ہے ۔۔1۔۔

ਮੇਰੀ ਜਿਹਬਾ ਬਿਸਨੁ ਨੈਨ ਨਾਰਾਇਨ ਹਿਰਦੈ ਬਸਹਿ ਗੋਬਿੰਦਾ ॥

meree jihabaa bisan nain naaraaein hiradai baseh gobindaa |

ہے کملے براہمن! پربھو جی میری تاں جیبھ اتے، میریاں اکھاں وچ تے میرے دل وچ وسدے ہن۔

ਜਮ ਦੁਆਰ ਜਬ ਪੂਛਸਿ ਬਵਰੇ ਤਬ ਕਿਆ ਕਹਸਿ ਮੁਕੰਦਾ ॥੧॥ ਰਹਾਉ ॥

jam duaar jab poochhas bavare tab kiaa kahas mukandaa |1| rahaau |

پر تینوں جدوں دھرمراج دی ہزوری وچ پربھو ولوں پچھّ ہوویگی تاں کیہ اتر دیوینگا (کِ کیہ کردا رہا اتھے ساری امر)؟ ॥1۔۔ رہاؤ ۔۔

ਹਮ ਗੋਰੂ ਤੁਮ ਗੁਆਰ ਗੁਸਾਈ ਜਨਮ ਜਨਮ ਰਖਵਾਰੇ ॥

ham goroo tum guaar gusaaee janam janam rakhavaare |

کئی جنماں توں تسی لوک ساڈے راکھے بنے آ رہے ہو، اسیں تہاڈیاں گائیاں بنے رہے، تسی ساڈے خسم گوالے بنے رہے۔

ਕਬਹੂੰ ਨ ਪਾਰਿ ਉਤਾਰਿ ਚਰਾਇਹੁ ਕੈਸੇ ਖਸਮ ਹਮਾਰੇ ॥੨॥

kabahoon na paar utaar charaaeihu kaise khasam hamaare |2|

پر تسیں ہن تک نکارے ہی سابت ہوئے، تساں کدے بھی سانوں (ندیؤں) پار لنگھا کے ناہ چاریا (بھاو، اس سنسار-سمندر توں پار لنگھن والی کوئی متّ ناہ دتی) ॥2۔۔

ਤੂੰ ਬਾਮੑਨੁ ਮੈ ਕਾਸੀਕ ਜੁਲਹਾ ਬੂਝਹੁ ਮੋਰ ਗਿਆਨਾ ॥

toon baaman mai kaaseek julahaa boojhahu mor giaanaa |

(اہ ٹھیک ہے کِ) توں کانشی دا براہمن ہیں (بھاو، تینوں مان ہے آپنی ودیا دا، جو توں کانشی وچ ہاسل کیتی)، تے میں (جات دا) جلاہ ہاں (جس نوں تہاڈی ودیا پڑھن دا ہکّ نہیں ہے)۔

ਤੁਮੑ ਤਉ ਜਾਚੇ ਭੂਪਤਿ ਰਾਜੇ ਹਰਿ ਸਉ ਮੋਰ ਧਿਆਨਾ ॥੩॥੪॥੨੬॥

tuma tau jaache bhoopat raaje har sau mor dhiaanaa |3|4|26|

پر، میری وچار دی اک گلّ سوچ (کِ ودیا پڑھ کے تسی آخر کردے کیہ ہو)، تسی تاں راجے رانیاں دے در تے منگدے پھردے ہو، تے میری سرتِ پربھو نال جڑی ہوئی ہے ۔۔3۔۔4۔۔26۔۔