گرو دے ملن نال منکھّ دا ہردا سدا پرماتما دے ڈر-ادب وچ بھجا رہندا ہے (تے اس تراں) پرماتما آپ منکھّ دے من وچ آ وسدا ہے ۔۔1۔۔
ہے بھائی جیہڑا کوئی منکھّ (سہیہ جیون-جگتِ) سمجھدا ہے اہ گرو دی راہیں ہی سمجھدا ہے۔
(سہیہ جیون-جگتِ) سمجھن توں بنا (متھے ہوئے دھارمک) کمّ کرن نال منکھّ کیمتی منکھا جنم گوا لیندا ہے ۔۔1۔۔ رہاؤ ۔۔
جنھاں نے پرماتما دے نام دا امرت رس چکھیا ہے اہناں نے اس دا سواد مانیا ہے۔ (نام-امرت دا سواد) چکھن توں بنا منکھّ (مایا دی) بھٹکنا وچ (پے کے) کراہے پے جاندا ہے۔
پرماتما دا سدا-تھر نام آتمک جیون دین والا رس ہے، اس دا سواد دسیا نہیں جا سکدا۔
پورے گرو دے شبد وچ لین ہو کے نام-امرت پیندیاں ہی منکھّ (پربھو دی ہزوری وچ) کبول ہو جاندا ہے ۔۔2۔۔
(نام-امرت دی داتِ) جے پرماتما آپ ہی دیوے تاں ملدی ہے (جے اسدی مہر ناہ ہووے تاں) ہور کوئی چارا نہیں کیتا جا سکدا۔
(نام دی داتِ) دین والے پرماتما دے آپنے ہتھ وچ اہ دات ہے (اس دی رزا انوسار) گرو دے در توں ہی ملدی ہے۔
(پرماتما نے جیو نوں) جہو جہا بنایا، جیو اہو جہا بن گیا، (پھر) اہو جہے کرم جیو کردا ہے (اس دی رزا انوسار ہی جیو گرو دے در تے آؤندا ہے) ॥3۔۔
(منکھّ آپنے جیون نوں پوتر کرن لئی جت ست سنجم سادھدا ہے، پر نام سمرن توں بنا اہ کسے کمّ نہیں) پرماتما دا نام-امرت ہی جت ہے نام ہی ست ہے نام ہی سنجم ہے، نام توں بنا منکھّ پوتر جیون والا نہیں ہو سکدا۔
وڈی کسمت نال جس منکھّ دے من وچ پرماتما دا نام آ وسدا ہے، گرو دے شبد دی راہیں اس دا پربھو نال ملاپ ہو جاندا ہے۔
ہے نانک! (گرو دے شبد دی برکتِ نال) جیہڑا منکھّ آتمک اڈولتا وچ ٹک کے پرماتما دے پریم-رنگم وچ جیون بتیت کردا ہے اہ منکھّ پرماتما دے گن آپنے اندر وسا لیندا ہے ۔۔4۔۔17۔۔50۔۔
سریراگُ مہلا 3 ۔۔
منکھّ سریر نوں (بھاو، گیان-اندریاں نوں) آپنے وسّ وچ رکھن دے جتن کردا ہے، پٹھا لٹک کے تپ کردا ہے، (پر اس تراں) اندروں ہؤمے دور نہیں ہندی۔
جے منکھّ آتمک انتی سمبندھی (اجیہے متھے ہوئے دھارمک) کمّ کردا رہے، تاں کدے بھی اہ پرماتما دا نام پراپت نہیں کر سکدا۔
جیہڑا منکھّ گرو دے شبد دی سہیتا نال دنیا دی کرت-کار کردا ہویا ہی وکاراں ولوں بچدا ہے، اس دے من وچ پربھو دا نام آ وسدا ہے ۔۔1۔۔
ہے میرے من! (میری گلّ) سن، ستگورو دی سرن پؤ۔
(مایا دے پربھاو توں) گرو دی کرپا نال ہی بچیدا ہے، اہ زہر-(بھریا) سنسار-سمندر گرو دے شبد دی راہیں (ہی) تر سکیدا ہے ۔۔1۔۔ رہاؤ ۔۔
تنّ گناں دے ادھین رہِ کے کمّ کرنے-اہ سارا مایا دا ہی پربھاو ہے، تے مایا دا پیار (من وچ) وکار (ہی) پیدا کردا ہے۔
مایا دے بندھناں وچ مایا دے موہ دا بجھا ہویا پنڈت (دھرم-پستک) پڑھدا ہے، پر مایا دے پیار وچ (پھسیا رہن کرکے اہ جیون دا سہیہ رستا) نہیں سمجھ سکدا۔
جے ستگورو مل پئے تاں (مایا-موہا دے کارن پیدا ہوئی اندرلی) کھجھّ دور ہو جاندی ہے، مایا دے تنّ گناں توں اتلے آتمک درجے وچ (پہنچیاں) (مایا دے موہ توں) خلاسی دا دروازا لبھّ پیندا ہے ۔۔2۔۔
گرو پاسوں جیون دا سہیہ رستا لبھّ پیندا ہے (من وچوں) موہ (دا) ہنیرا دور ہو جاندا ہے۔
جے منکھّ گرو دے شبد وچ جڑ کے مایا دے موہ ولوں مر جائے تاں (سنسار-سمندر وچ ڈبنوں) بچ جاندا ہے، تے وکاراں توں خلاسی دا دروازا لبھّ لیندا ہے۔
گرو دی کرپا نال ہی منکھّ (پربھو-چرناں وچ) جڑیا رہِ سکدا ہے، تے پربھو دا سدا-تھر نام پراپت کر سکدا ہے ۔۔3۔۔
(نہیں تاں) اہ من (تاں) بڑا بلوان ہے (گرو دی سرن توں بنا ہور) کسے بھی ہیلے نال اہ (کراہے پانوں) چھڈدا نہیں۔
مایا دے پیار وچ پھسا کے (منکھّ نوں) دکھّ چمبوڑ دیندا ہے، تے بڑی سزا دیندا ہے۔
ہے نانک! جیہڑے منکھّ گرو دے شبد دی راہیں ہؤمے دور کر کے پرماتما دے نام وچ جڑدے ہن اہ (اس دے پنجے توں) بچدے ہن ۔۔4۔۔18۔۔51۔۔
سریراگُ مہلا 3 ۔۔
(جدوں پرماتما) کرپا کردا ہے (تاں) گرو ملدا ہے (گرو منکھّ دے ہردے وچ) پرماتما دا نام پکا کر دیندا ہے۔
(کدے بھی) کسے منکھّ نے گرو توں بنا (پرماتما نوں) نہیں پراپت کیتا (جیہڑا منکھّ گرو دی سرن نہیں آؤندا اہ) آپنا منکھا جنم وئرتھ گوا جاندا ہے۔
آپنے من دے پچھے تر کے (متھے ہوئے دھارمک) کمّ (بھی) کیتیاں پربھو دی درگاہ وچ سزا ہی ملدی ہے ۔۔1۔۔
ہے میرے من! (گرو دی سرن پے کے آپنے اندروں) مایا دا پیار دور کر۔
پرماتما تیرے اندر وسدا ہے (پھر بھی توں سکھی نہیں ہیں) گرو دی دسی سیوا بھگتی کیتیاں ہی آتمک سکھّ لبھدا ہے ۔۔1۔۔
جدوں منکھّ سدا-تھر پرماتما وچ پیار جوڑدا ہے، تدوں اس نوں گرو دی بانی گرو دا شبد یتھارتھ پرتیت ہندا ہے۔
(گرو دے شبد دی راہیں اندروں) ہؤمے تے کرودھ دور کر کے پرماتما دا نام منکھّ دے من وچ آ وسدا ہے۔
پرماتما دا نام پوتر من دے راہیں ہی سمریا جا سکدا ہے (جدوں منکھّ سمردا ہے) تدوں وکاراں توں خلاسی دا راہ لبھّ لیندا ہے ۔۔2۔۔
جگت ہؤمے وچ پھس کے آتمک موت سہیڑدا ہے تے مڑ مڑ جمدا مردا رہندا ہے۔
آپنے من دے پچھے ترن والے بندے گرو دے شبد (دی کدر) نہیں جاندے، اہ آپنی ازت گوا کے ہی (جگت وچوں) جانگے۔
گرو دی دسی سیوا-بھگتی کیتیاں پرماتما دا نام پراپت ہندا ہے (جو منکھّ گرو دی دسی سیوا کردا ہے اہ) سدا-تھر پرماتما وچ لین رہندا ہے ۔۔3۔۔