شری گرو گرنتھ صاحب جی

انگ - 769

ਕੋਟਿ ਮਧੇ ਕਿਨੈ ਪਛਾਣਿਆ ਹਰਿ ਨਾਮਾ ਸਚੁ ਸੋਈ ॥

kott madhe kinai pachhaaniaa har naamaa sach soee |

کروڑاں وچوں کسے ورلے منکھّ نے اہ گلّ سمجھی ہے کِ پرماتما دا نام ہی سدا کائم رہن والا ہے۔

ਨਾਨਕ ਨਾਮਿ ਮਿਲੈ ਵਡਿਆਈ ਦੂਜੈ ਭਾਇ ਪਤਿ ਖੋਈ ॥੩॥

naanak naam milai vaddiaaee doojai bhaae pat khoee |3|

ہے نانک! نام وچ جڑیاں ہی (لوک پرلوک وچ) ازت ملدی ہے، اتے، مایا دے موہ وچ منکھّ ازت گوا لیندا ہے ۔۔3۔۔

ਭਗਤਾ ਕੈ ਘਰਿ ਕਾਰਜੁ ਸਾਚਾ ਹਰਿ ਗੁਣ ਸਦਾ ਵਖਾਣੇ ਰਾਮ ॥

bhagataa kai ghar kaaraj saachaa har gun sadaa vakhaane raam |

پرماتما دے گن سدا گاندے رہن کر کے بھگتاں دے ہردے-گھر وچ اہ آہر سدا لئی بنیا رہندا ہے۔

ਭਗਤਿ ਖਜਾਨਾ ਆਪੇ ਦੀਆ ਕਾਲੁ ਕੰਟਕੁ ਮਾਰਿ ਸਮਾਣੇ ਰਾਮ ॥

bhagat khajaanaa aape deea kaal kanttak maar samaane raam |

بھگتی دا خزانا پرماتما نے آپ ہی آپنے بھگتاں نوں دتا ہویا ہے، (اس دی برکتِ نال اہ) دکھدائی موت دے ڈر نوں مار-مکا کے (پرماتما وچ) لین رہندے ہن۔

ਕਾਲੁ ਕੰਟਕੁ ਮਾਰਿ ਸਮਾਣੇ ਹਰਿ ਮਨਿ ਭਾਣੇ ਨਾਮੁ ਨਿਧਾਨੁ ਸਚੁ ਪਾਇਆ ॥

kaal kanttak maar samaane har man bhaane naam nidhaan sach paaeaa |

دکھدائی موت دے ڈر نوں مکا کے بھگت پرماتما وچ لین رہندے ہن، پرماتما دے من وچ پیارے لگدے ہن، (پرماتما پاسوں بھگت) سدا کائم رہن والا نام-خزانا پراپت کر لیندے ہن۔

ਸਦਾ ਅਖੁਟੁ ਕਦੇ ਨ ਨਿਖੁਟੈ ਹਰਿ ਦੀਆ ਸਹਜਿ ਸੁਭਾਇਆ ॥

sadaa akhutt kade na nikhuttai har deea sahaj subhaaeaa |

اہ خزانا امکّ ہے، کدے نہیں مکدا۔ پرماتما نے اہناں نوں آتمک اڈولتا وچ پریم وچ ٹکے ہویاں نوں اہ خزانا دے دتا۔

ਹਰਿ ਜਨ ਊਚੇ ਸਦ ਹੀ ਊਚੇ ਗੁਰ ਕੈ ਸਬਦਿ ਸੁਹਾਇਆ ॥

har jan aooche sad hee aooche gur kai sabad suhaaeaa |

(اس خزانے دا سدکا) بھگت سدا ہی اچے آتمک منڈل وچ ٹکے رہندے ہن، گرو دے شبد دی برکتِ نال اہناں دا جیون سوہنا بن جاندا ہے۔

ਨਾਨਕ ਆਪੇ ਬਖਸਿ ਮਿਲਾਏ ਜੁਗਿ ਜੁਗਿ ਸੋਭਾ ਪਾਇਆ ॥੪॥੧॥੨॥

naanak aape bakhas milaae jug jug sobhaa paaeaa |4|1|2|

ہے نانک! پرماتما آپ ہی میہر کر کے اہناں نوں چرناں وچ جوڑی رکھدا ہے، ہریک جگ وچ اہ سوبھا کھٹدے ہن ۔۔4۔۔1۔۔2۔۔

ਸੂਹੀ ਮਹਲਾ ੩ ॥

soohee mahalaa 3 |

سوہی مہلا 3 ۔۔

ਸਬਦਿ ਸਚੈ ਸਚੁ ਸੋਹਿਲਾ ਜਿਥੈ ਸਚੇ ਕਾ ਹੋਇ ਵੀਚਾਰੋ ਰਾਮ ॥

sabad sachai sach sohilaa jithai sache kaa hoe veechaaro raam |

ہے بھائی! جس منکھّ دے ہردے-گھر وچ سچے شبد دی راہیں سدا-تھر پربھو دی سفتِ-سالاہ دا گیت ہندا رہندا ہے، سدا-تھر پربھو دے گناں دی وچار ہندی رہندی ہے،

ਹਉਮੈ ਸਭਿ ਕਿਲਵਿਖ ਕਾਟੇ ਸਾਚੁ ਰਖਿਆ ਉਰਿ ਧਾਰੇ ਰਾਮ ॥

haumai sabh kilavikh kaatte saach rakhiaa ur dhaare raam |

اس دے اندروں ہؤمے آدک سارے پاپ کٹے جاندے ہن، اہ منکھّ سدا کائم رہن والے پرماتما نوں آپنے ہردے وچ وسائی رکھدا ہے۔

ਸਚੁ ਰਖਿਆ ਉਰ ਧਾਰੇ ਦੁਤਰੁ ਤਾਰੇ ਫਿਰਿ ਭਵਜਲੁ ਤਰਣੁ ਨ ਹੋਈ ॥

sach rakhiaa ur dhaare dutar taare fir bhavajal taran na hoee |

اہ منکھّ سدا-تھر پربھو نوں ہردے وچ وسائی رکھدا ہے، اؤکھے ترے جان والے سنسار-سمندر توں پار لنگھ جاندا ہے۔ سنسار-سمندر توں پار لنگھن دی مڑ مڑ اس نوں لوڑ نہیں رہندی۔

ਸਚਾ ਸਤਿਗੁਰੁ ਸਚੀ ਬਾਣੀ ਜਿਨਿ ਸਚੁ ਵਿਖਾਲਿਆ ਸੋਈ ॥

sachaa satigur sachee baanee jin sach vikhaaliaa soee |

ہے بھائی! جس گرو نے اس نوں سدا-تھر پربھو دا درسن کرا دتا ہے، اہ آپ بھی سدا-تھر پربھو دا روپ ہے، اس دی بانی پربھو دی سفتِ-سالاہ نال بھرپور ہے۔

ਸਾਚੇ ਗੁਣ ਗਾਵੈ ਸਚਿ ਸਮਾਵੈ ਸਚੁ ਵੇਖੈ ਸਭੁ ਸੋਈ ॥

saache gun gaavai sach samaavai sach vekhai sabh soee |

(گرو دی کرپا نال) اہ منکھّ سدا-تھر پربھو دے گن گاندا رہندا ہے، اس وچ ہی لین رہندا ہے، اتے اس نوں ہر تھاں وسیا ویکھدا ہے۔

ਨਾਨਕ ਸਾਚਾ ਸਾਹਿਬੁ ਸਾਚੀ ਨਾਈ ਸਚੁ ਨਿਸਤਾਰਾ ਹੋਈ ॥੧॥

naanak saachaa saahib saachee naaee sach nisataaraa hoee |1|

ہے نانک! جیہڑا پرماتما آپ سدا-تھر ہے، جس دی وڈیائی سدا-تھر ہے اہ اس منکھّ دا سدا لئی پار-اتارا کر دیندا ہے ۔۔1۔۔

ਸਾਚੈ ਸਤਿਗੁਰਿ ਸਾਚੁ ਬੁਝਾਇਆ ਪਤਿ ਰਾਖੈ ਸਚੁ ਸੋਈ ਰਾਮ ॥

saachai satigur saach bujhaaeaa pat raakhai sach soee raam |

ہے بھائی! سدا-تھر پربھو دے روپ گرو نے جس منکھّ نوں سدا-تھر پربھو دا گیان دے دتا اس دی لاج سدا-تھر پربھو آپ رکھدا ہے۔

ਸਚਾ ਭੋਜਨੁ ਭਾਉ ਸਚਾ ਹੈ ਸਚੈ ਨਾਮਿ ਸੁਖੁ ਹੋਈ ਰਾਮ ॥

sachaa bhojan bhaau sachaa hai sachai naam sukh hoee raam |

پربھو-چرناں نال اٹلّ پیار اس منکھّ دی آتمک خوراک بن جاندا ہے، سدا-تھر ہرِ-نام اس نوں آتمک آنند پراپت ہندا ہے۔

ਸਾਚੈ ਨਾਮਿ ਸੁਖੁ ਹੋਈ ਮਰੈ ਨ ਕੋਈ ਗਰਭਿ ਨ ਜੂਨੀ ਵਾਸਾ ॥

saachai naam sukh hoee marai na koee garabh na joonee vaasaa |

جس بھی منکھّ نوں سدا-تھر پربھو دے نام وچ آتمک آنند لبھدا ہے، اہ کدے آتمک موت نہیں سہیڑدا، اہ جنم مرن دے گیڑ وچ جوناں وچ نہیں پیندا۔

ਜੋਤੀ ਜੋਤਿ ਮਿਲਾਈ ਸਚਿ ਸਮਾਈ ਸਚਿ ਨਾਇ ਪਰਗਾਸਾ ॥

jotee jot milaaee sach samaaee sach naae paragaasaa |

(گرو نے جس منکھّ دی) سرت پرماتما دی جوتِ وچ ملا دتی، اہ منکھّ سدا-تھر پربھو وچ لین ہو جاندا ہے، سدا-تھر ہرِ-نام دی برکتِ نال (اس دے اندر آتمک جیون دا) چانن پیدا ہو جاندا ہے۔

ਜਿਨੀ ਸਚੁ ਜਾਤਾ ਸੇ ਸਚੇ ਹੋਏ ਅਨਦਿਨੁ ਸਚੁ ਧਿਆਇਨਿ ॥

jinee sach jaataa se sache hoe anadin sach dhiaaein |

ہے بھائی! جنھاں منکھاں نے سدا-تھر پربھو نال ڈونگھی سانجھ پا لئی اہ اسے دا روپ بن گئے، اہ ہر ویلے اس سدا-تھر پربھو دا نام سمردے رہندے ہن۔

ਨਾਨਕ ਸਚੁ ਨਾਮੁ ਜਿਨ ਹਿਰਦੈ ਵਸਿਆ ਨਾ ਵੀਛੁੜਿ ਦੁਖੁ ਪਾਇਨਿ ॥੨॥

naanak sach naam jin hiradai vasiaa naa veechhurr dukh paaein |2|

ہے نانک! جنھاں منکھاں دے ہردے وچ سدا-تھر پربھو دا نام وسّ پیندا ہے، اہ پھر پرماتما دے چرناں توں وچھڑ کے دکھّ نہیں پاندے ۔۔2۔۔

ਸਚੀ ਬਾਣੀ ਸਚੇ ਗੁਣ ਗਾਵਹਿ ਤਿਤੁ ਘਰਿ ਸੋਹਿਲਾ ਹੋਈ ਰਾਮ ॥

sachee baanee sache gun gaaveh tith ghar sohilaa hoee raam |

ہے بھائی! (جیہڑے منکھّ آپنے ہردے وچ) سدا-تھر پربھو دی سفتِ-سالاہ دی بانی دی راہیں سدا-تھر پربھو دے گن گاندے ہن (اہناں دی) اس ہردے-گھر وچ آنند دی رو بنی رہندی ہے۔

ਨਿਰਮਲ ਗੁਣ ਸਾਚੇ ਤਨੁ ਮਨੁ ਸਾਚਾ ਵਿਚਿ ਸਾਚਾ ਪੁਰਖੁ ਪ੍ਰਭੁ ਸੋਈ ਰਾਮ ॥

niramal gun saache tan man saachaa vich saachaa purakh prabh soee raam |

سدا-تھر پربھو دے پوتر گناں دی برکتِ نال اہناں دا من اہناں دا تن (وکاراں ولوں) اڈول ہو جاندا ہے۔ اہناں دے اندر سدا-تھر پربھو-پرکھ پرتکھّ پرگٹ ہو جاندا ہے۔

ਸਭੁ ਸਚੁ ਵਰਤੈ ਸਚੋ ਬੋਲੈ ਜੋ ਸਚੁ ਕਰੈ ਸੁ ਹੋਈ ॥

sabh sach varatai sacho bolai jo sach karai su hoee |

(اہناں نوں یکین بن جاندا ہے کِ) ہر تھاں سدا-تھر پربھو کمّ کر رہا ہے، اہ ہی بول رہا ہے، جو کجھ اہ کردا ہے اہی ہندا ہے۔

ਜਹ ਦੇਖਾ ਤਹ ਸਚੁ ਪਸਰਿਆ ਅਵਰੁ ਨ ਦੂਜਾ ਕੋਈ ॥

jah dekhaa tah sach pasariaa avar na doojaa koee |

جدھر وی اہناں نگاہ کیتی، ادھر ہی اہناں نوں سدا-تھر پربھو دا پسارا دسیا۔ پربھو توں بنا اہناں نوں (کتے بھی) کوئی ہور نہیں دسدا۔

ਸਚੇ ਉਪਜੈ ਸਚਿ ਸਮਾਵੈ ਮਰਿ ਜਨਮੈ ਦੂਜਾ ਹੋਈ ॥

sache upajai sach samaavai mar janamai doojaa hoee |

ہے بھائی! جیہڑا منکھّ سدا-تھر پربھو توں نواں آتمک جیون پراپت کردا ہے، اہ سدا-تھر پربھو وچ ہی لین رہندا ہے۔ پر مایا نال پیار کرن والا جنم مرن وچ پیا رہندا ہے۔

ਨਾਨਕ ਸਭੁ ਕਿਛੁ ਆਪੇ ਕਰਤਾ ਆਪਿ ਕਰਾਵੈ ਸੋਈ ॥੩॥

naanak sabh kichh aape karataa aap karaavai soee |3|

ہے نانک! کرتار آپ ہی سبھ کجھ کر رہا ہے، آپ ہی جیواں پاسوں کرا رہا ہے ۔۔3۔۔

ਸਚੇ ਭਗਤ ਸੋਹਹਿ ਦਰਵਾਰੇ ਸਚੋ ਸਚੁ ਵਖਾਣੇ ਰਾਮ ॥

sache bhagat soheh daravaare sacho sach vakhaane raam |

ہے بھائی! سدا-تھر رہن والے پرماتما دے بھگت اس سدا-تھر پربھو دا نام ہی ہر ویلے اچار اچار کے اس دی ہزوری وچ سوبھا پاندے ہن۔

ਘਟ ਅੰਤਰੇ ਸਾਚੀ ਬਾਣੀ ਸਾਚੋ ਆਪਿ ਪਛਾਣੇ ਰਾਮ ॥

ghatt antare saachee baanee saacho aap pachhaane raam |

اہناں دے ہردے وچ سدا-تھر پربھو دی سفتِ-سالاہ دی بانی سدا وسدی ہے۔ اہ سدا-تھر پربھو نوں آپنے اندر وسدا ویکھدے ہن۔

ਆਪੁ ਪਛਾਣਹਿ ਤਾ ਸਚੁ ਜਾਣਹਿ ਸਾਚੇ ਸੋਝੀ ਹੋਈ ॥

aap pachhaaneh taa sach jaaneh saache sojhee hoee |

جدوں بھگت-جن آپنے آتمک جیون دی پڑتال کردے ہن، تدوں اہ سدا-تھر پربھو نال ڈونگھی سانجھ پاندے ہن، اہناں نوں اس سدا-تھر پربھو دی جان-پچھان ہو جاندی ہے۔

ਸਚਾ ਸਬਦੁ ਸਚੀ ਹੈ ਸੋਭਾ ਸਾਚੇ ਹੀ ਸੁਖੁ ਹੋਈ ॥

sachaa sabad sachee hai sobhaa saache hee sukh hoee |

اہناں دے اندر پربھو دی سفتِ-سالاہ والا گر-شبد وسدا رہندا ہے، (اس کر کے لوک پرلوک وچ) اہناں نوں سدا لئی سوبھا مل جاندی ہے۔ پربھو وچ جڑن کر کے اہناں نوں آتمک آنند ملیا رہندا ہے۔

ਸਾਚਿ ਰਤੇ ਭਗਤ ਇਕ ਰੰਗੀ ਦੂਜਾ ਰੰਗੁ ਨ ਕੋਈ ॥

saach rate bhagat ik rangee doojaa rang na koee |

سدا کائم رہن والے پرماتما (دے پریم-رنگم) وچ رنگے ہوئے بھگت جن اکو پربھو-پریم دے رنگ وچ ہی رہندے ہن۔ کوئی ہور (مایا دے موہ آدک دا) رنگ اہناں نوں نہیں چڑھدا۔