श्री दशम ग्रंथ
पृष्ठ - 566
ਤੇਜ ਪ੍ਰਚੰਡ ਅਖੰਡ ਮਹਾ ਛਬਿ ਦੁਜਨ ਦੇਖਿ ਪਰਾਵਹਿਗੇ ॥
तेज प्रचंड अखंड महा छबि दुजन देखि परावहिगे ॥
ਜਿਮ ਪਉਨ ਪ੍ਰਚੰਡ ਬਹੈ ਪਤੂਆ ਸਬ ਆਪਨ ਹੀ ਉਡਿ ਜਾਵਹਿਗੇ ॥
जिम पउन प्रचंड बहै पतूआ सब आपन ही उडि जावहिगे ॥
ਬਢਿ ਹੈ ਜਿਤ ਹੀ ਤਿਤ ਧਰਮ ਦਸਾ ਕਹੂੰ ਪਾਪ ਨ ਢੂੰਢਤ ਪਾਵਹਿਗੇ ॥
बढि है जित ही तित धरम दसा कहूं पाप न ढूंढत पावहिगे ॥
ਭਲੁ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿ ਮੰਦਰਿ ਆਵਹਿਗੇ ॥੧੪੯॥
भलु भाग भया इह संभल के हरि जू हरि मंदरि आवहिगे ॥१४९॥
ਛੂਟਤ ਬਾਨ ਕਮਾਨਿਨ ਕੇ ਰਣ ਛਾਡਿ ਭਟਵਾ ਭਹਰਾਵਹਿਗੇ ॥
छूटत बान कमानिन के रण छाडि भटवा भहरावहिगे ॥
ਗਣ ਬੀਰ ਬਿਤਾਲ ਕਰਾਲ ਪ੍ਰਭਾ ਰਣ ਮੂਰਧਨ ਮਧਿ ਸੁਹਾਵਹਿਗੇ ॥
गण बीर बिताल कराल प्रभा रण मूरधन मधि सुहावहिगे ॥
ਗਣ ਸਿਧ ਪ੍ਰਸਿਧ ਸਮ੍ਰਿਧ ਸਨੈ ਕਰ ਉਚਾਇ ਕੈ ਕ੍ਰਿਤ ਸੁਨਾਵਹਿਗੇ ॥
गण सिध प्रसिध सम्रिध सनै कर उचाइ कै क्रित सुनावहिगे ॥
ਭਲੁ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿ ਮੰਦਰਿ ਆਵਹਿਗੇ ॥੧੫੦॥
भलु भाग भया इह संभल के हरि जू हरि मंदरि आवहिगे ॥१५०॥
ਰੂਪ ਅਨੂਪ ਸਰੂਪ ਮਹਾ ਅੰਗ ਦੇਖਿ ਅਨੰਗ ਲਜਾਵਹਿਗੇ ॥
रूप अनूप सरूप महा अंग देखि अनंग लजावहिगे ॥
ਭਵ ਭੂਤ ਭਵਿਖ ਭਵਾਨ ਸਦਾ ਸਬ ਠਉਰ ਸਭੈ ਠਹਰਾਵਹਿਗੇ ॥
भव भूत भविख भवान सदा सब ठउर सभै ठहरावहिगे ॥
ਭਵ ਭਾਰ ਅਪਾਰ ਨਿਵਾਰਨ ਕੌ ਕਲਿਕੀ ਅਵਤਾਰ ਕਹਾਵਹਿਗੇ ॥
भव भार अपार निवारन कौ कलिकी अवतार कहावहिगे ॥
ਭਲੁ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿ ਮੰਦਰਿ ਆਵਹਿਗੇ ॥੧੫੧॥
भलु भाग भया इह संभल के हरि जू हरि मंदरि आवहिगे ॥१५१॥
ਭੂਮ ਕੋ ਭਾਰ ਉਤਾਰ ਬਡੇ ਬਡਆਛ ਬਡੀ ਛਬਿ ਪਾਵਹਿਗੇ ॥
भूम को भार उतार बडे बडआछ बडी छबि पावहिगे ॥
ਖਲ ਟਾਰਿ ਜੁਝਾਰ ਬਰਿਆਰ ਹਠੀ ਘਨ ਘੋਖਨ ਜਿਉ ਘਹਰਾਵਹਿਗੇ ॥
खल टारि जुझार बरिआर हठी घन घोखन जिउ घहरावहिगे ॥
ਕਲ ਨਾਰਦ ਭੂਤ ਪਿਸਾਚ ਪਰੀ ਜੈਪਤ੍ਰ ਧਰਤ੍ਰ ਸੁਨਾਵਹਿਗੇ ॥
कल नारद भूत पिसाच परी जैपत्र धरत्र सुनावहिगे ॥
ਭਲੁ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿ ਮੰਦਰਿ ਆਵਹਿਗੇ ॥੧੫੨॥
भलु भाग भया इह संभल के हरि जू हरि मंदरि आवहिगे ॥१५२॥
ਝਾਰਿ ਕ੍ਰਿਪਾਨ ਜੁਝਾਰ ਬਡੇ ਰਣ ਮਧ ਮਹਾ ਛਬਿ ਪਾਵਹਿਗੇ ॥
झारि क्रिपान जुझार बडे रण मध महा छबि पावहिगे ॥
ਧਰਿ ਲੁਥ ਪਲੁਥ ਬਿਥਾਰ ਘਣੀ ਘਨ ਕੀ ਘਟ ਜਿਉ ਘਹਰਾਵਹਿਗੇ ॥
धरि लुथ पलुथ बिथार घणी घन की घट जिउ घहरावहिगे ॥
ਚਤੁਰਾਨਨ ਰੁਦ੍ਰ ਚਰਾਚਰ ਜੇ ਜਯ ਸਦ ਨਿਨਦ ਸੁਨਾਵਹਿਗੇ ॥
चतुरानन रुद्र चराचर जे जय सद निनद सुनावहिगे ॥
ਭਲੁ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿ ਮੰਦਰਿ ਆਵਹਿਗੇ ॥੧੫੩॥
भलु भाग भया इह संभल के हरि जू हरि मंदरि आवहिगे ॥१५३॥
ਤਾਰ ਪ੍ਰਮਾਨ ਉਚਾਨ ਧੁਜਾ ਲਖਿ ਦੇਵ ਅਦੇਵ ਤ੍ਰਸਾਵਹਿਗੇ ॥
तार प्रमान उचान धुजा लखि देव अदेव त्रसावहिगे ॥
ਕਲਗੀ ਗਜਗਾਹ ਗਦਾ ਬਰਛੀ ਗਹਿ ਪਾਣਿ ਕ੍ਰਿਪਾਨ ਭ੍ਰਮਾਵਹਿਗੇ ॥
कलगी गजगाह गदा बरछी गहि पाणि क्रिपान भ्रमावहिगे ॥
ਜਗ ਪਾਪ ਸੰਬੂਹ ਬਿਨਾਸਨ ਕਉ ਕਲਕੀ ਕਲਿ ਧਰਮ ਚਲਾਵਹਿਗੇ ॥
जग पाप संबूह बिनासन कउ कलकी कलि धरम चलावहिगे ॥
ਭਲੁ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿ ਮੰਦਰਿ ਆਵਹਿਗੇ ॥੧੫੪॥
भलु भाग भया इह संभल के हरि जू हरि मंदरि आवहिगे ॥१५४॥
ਪਾਨਿ ਕ੍ਰਿਪਾਨ ਅਜਾਨੁ ਭੁਜਾ ਰਣਿ ਰੂਪ ਮਹਾਨ ਦਿਖਾਵਹਿਗੇ ॥
पानि क्रिपान अजानु भुजा रणि रूप महान दिखावहिगे ॥
ਪ੍ਰਤਿਮਾਨ ਸੁਜਾਨ ਅਪ੍ਰਮਾਨ ਪ੍ਰਭਾ ਲਖਿ ਬਿਓਮ ਬਿਵਾਨ ਲਜਾਵਹਿਗੇ ॥
प्रतिमान सुजान अप्रमान प्रभा लखि बिओम बिवान लजावहिगे ॥
ਗਣਿ ਭੂਤ ਪਿਸਾਚ ਪਰੇਤ ਪਰੀ ਮਿਲਿ ਜੀਤ ਕੇ ਗੀਤ ਗਵਾਵਹਿਗੇ ॥
गणि भूत पिसाच परेत परी मिलि जीत के गीत गवावहिगे ॥
ਭਲੁ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿ ਮੰਦਰਿ ਆਵਹਿਗੇ ॥੧੫੫॥
भलु भाग भया इह संभल के हरि जू हरि मंदरि आवहिगे ॥१५५॥
ਬਾਜਤ ਡੰਕ ਅਤੰਕ ਸਮੈ ਰਣ ਰੰਗਿ ਤੁਰੰਗ ਨਚਾਵਹਿਗੇ ॥
बाजत डंक अतंक समै रण रंगि तुरंग नचावहिगे ॥
ਕਸਿ ਬਾਨ ਕਮਾਨ ਗਦਾ ਬਰਛੀ ਕਰਿ ਸੂਲ ਤ੍ਰਿਸੂਲ ਭ੍ਰਮਾਵਹਿਗੇ ॥
कसि बान कमान गदा बरछी करि सूल त्रिसूल भ्रमावहिगे ॥
ਗਣ ਦੇਵ ਅਦੇਵ ਪਿਸਾਚ ਪਰੀ ਰਣ ਦੇਖਿ ਸਬੈ ਰਹਸਾਵਹਿਗੇ ॥
गण देव अदेव पिसाच परी रण देखि सबै रहसावहिगे ॥
ਭਲੁ ਭਾਗ ਭਯਾ ਇਹ ਸੰਭਲ ਕੇ ਹਰਿ ਜੂ ਹਰਿ ਮੰਦਰਿ ਆਵਹਿਗੇ ॥੧੫੬॥
भलु भाग भया इह संभल के हरि जू हरि मंदरि आवहिगे ॥१५६॥
ਕੁਲਕ ਛੰਦ ॥
कुलक छंद ॥
ਸਰਸਿਜ ਰੂਪੰ ॥
सरसिज रूपं ॥
ਸਬ ਭਟ ਭੂਪੰ ॥
सब भट भूपं ॥
ਅਤਿ ਛਬਿ ਸੋਭੰ ॥
अति छबि सोभं ॥
ਮੁਨਿ ਗਨ ਲੋਭੰ ॥੧੫੭॥
मुनि गन लोभं ॥१५७॥
ਕਰ ਅਰਿ ਧਰਮੰ ॥
कर अरि धरमं ॥
ਪਰਹਰਿ ਕਰਮੰ ॥
परहरि करमं ॥
ਘਰਿ ਘਰਿ ਵੀਰੰ ॥
घरि घरि वीरं ॥
ਪਰਹਰਿ ਧੀਰੰ ॥੧੫੮॥
परहरि धीरं ॥१५८॥
ਜਲ ਥਲ ਪਾਪੰ ॥
जल थल पापं ॥
ਹਰ ਹਰਿ ਜਾਪੰ ॥
हर हरि जापं ॥
ਜਹ ਤਹ ਦੇਖਾ ॥
जह तह देखा ॥
ਤਹ ਤਹ ਪੇਖਾ ॥੧੫੯॥
तह तह पेखा ॥१५९॥
ਘਰਿ ਘਰਿ ਪੇਖੈ ॥
घरि घरि पेखै ॥
ਦਰ ਦਰ ਲੇਖੈ ॥
दर दर लेखै ॥
ਕਹੂੰ ਨ ਅਰਚਾ ॥
कहूं न अरचा ॥
सूचकांक (1 - 1428)
जापु पृष्ठ: 1 - 10
अकाल उसतत पृष्ठ: 11 - 38
बचित्र नाटक पृष्ठ: 39 - 73
चंडी चरित्र उक्ति बिलास पृष्ठ: 74 - 99
चंडी चरित्र पृष्ठ: 100 - 118
वार श्री भगउती जी की पृष्ठ: 119 - 126
ज्ञान प्रबोध पृष्ठ: 127 - 154
चौबीस अवतार पृष्ठ: 155 - 610
ब्रह्मा अवतार पृष्ठ: 611 - 634
रूद्र अवतार पृष्ठ: 635 - 708
शब्द हज़ारे पा:10 पृष्ठ: 709 - 712
३३ सवइये पृष्ठ: 712 - 716
खालसा महिमा पृष्ठ: 716 - 716
शस्त्र नाम माला पृष्ठ: 717 - 808
चरित्रोपख्यान पृष्ठ: 809 - 1388
ज़फरनामा पृष्ठ: 1389 - 1394
हिकायत पृष्ठ: 1394 - 1428