श्री दशम ग्रंथ
पृष्ठ - 685
ਬਿਸਨਪਦ ॥ ਕਿਦਾਰਾ ॥
बिसनपद ॥ किदारा ॥
ਇਹ ਬਿਧਿ ਭਯੋ ਆਹਵ ਘੋਰ ॥
इह बिधि भयो आहव घोर ॥
ਭਾਤਿ ਭਾਤਿ ਗਿਰੇ ਧਰਾ ਪਰ ਸੂਰ ਸੁੰਦਰ ਕਿਸੋਰ ॥
भाति भाति गिरे धरा पर सूर सुंदर किसोर ॥
ਕੋਪ ਕੋਪ ਹਠੀ ਘਟੀ ਰਣਿ ਸਸਤ੍ਰ ਅਸਤ੍ਰ ਚਲਾਇ ॥
कोप कोप हठी घटी रणि ससत्र असत्र चलाइ ॥
ਜੂਝਿ ਜੂਝਿ ਗਏ ਦਿਵਾਲਯ ਢੋਲ ਬੋਲ ਬਜਾਇ ॥
जूझि जूझि गए दिवालय ढोल बोल बजाइ ॥
ਹਾਇ ਹਾਇ ਭਈ ਜਹਾ ਤਹ ਭਾਜਿ ਭਾਜਿ ਸੁ ਬੀਰ ॥
हाइ हाइ भई जहा तह भाजि भाजि सु बीर ॥
ਪੈਠਿ ਪੈਠਿ ਗਏ ਤ੍ਰੀਆਲੈ ਹਾਰਿ ਹਾਰਿ ਅਧੀਰ ॥
पैठि पैठि गए त्रीआलै हारि हारि अधीर ॥
ਅਪ੍ਰਮਾਨ ਛੁਟੇ ਸਰਾਨ ਦਿਸਾਨ ਭਯੋ ਅੰਧਿਆਰ ॥
अप्रमान छुटे सरान दिसान भयो अंधिआर ॥
ਟੂਕ ਟੂਕ ਪਰੇ ਜਹਾ ਤਹ ਮਾਰਿ ਮਾਰਿ ਜੁਝਾਰ ॥੧੦੧॥
टूक टूक परे जहा तह मारि मारि जुझार ॥१०१॥
ਬਿਸਨਪਦ ॥ ਦੇਵਗੰਧਾਰੀ ॥
बिसनपद ॥ देवगंधारी ॥
ਮਾਰੂ ਸਬਦੁ ਸੁਹਾਵਨ ਬਾਜੈ ॥
मारू सबदु सुहावन बाजै ॥
ਜੇ ਜੇ ਹੁਤੇ ਸੁਭਟ ਰਣਿ ਸੁੰਦਰ ਗਹਿ ਗਹਿ ਆਯੁਧ ਗਾਜੇ ॥
जे जे हुते सुभट रणि सुंदर गहि गहि आयुध गाजे ॥
ਕਵਚ ਪਹਰਿ ਪਾਖਰ ਸੋ ਡਾਰੀ ਅਉਰੈ ਆਯੁਧ ਸਾਜੇ ॥
कवच पहरि पाखर सो डारी अउरै आयुध साजे ॥
ਭਰੇ ਗੁਮਾਨ ਸੁਭਟ ਸਿੰਘਨ ਜ੍ਯੋਂ ਆਹਵ ਭੂਮਿ ਬਿਰਾਜੇ ॥
भरे गुमान सुभट सिंघन ज्यों आहव भूमि बिराजे ॥
ਗਹਿ ਗਹਿ ਚਲੇ ਗਦਾ ਗਾਜੀ ਸਬ ਸੁਭਟ ਅਯੋਧਨ ਕਾਜੇ ॥
गहि गहि चले गदा गाजी सब सुभट अयोधन काजे ॥
ਆਹਵ ਭੂਮਿ ਸੂਰ ਅਸ ਸੋਭੇ ਨਿਰਖਿ ਇੰਦ੍ਰ ਦੁਤਿ ਲਾਜੇ ॥
आहव भूमि सूर अस सोभे निरखि इंद्र दुति लाजे ॥
ਟੂਕ ਟੂਕ ਹੂਐ ਗਿਰੇ ਧਰਣਿ ਪਰ ਆਹਵ ਛੋਰਿ ਨ ਭਾਜੇ ॥
टूक टूक हूऐ गिरे धरणि पर आहव छोरि न भाजे ॥
ਪ੍ਰਾਪਤਿ ਭਏ ਦੇਵ ਮੰਦਰ ਕਹੁ ਸਸਤ੍ਰਨ ਸੁਭਟ ਨਿਵਾਜੇ ॥੧੦੨॥
प्रापति भए देव मंदर कहु ससत्रन सुभट निवाजे ॥१०२॥
ਬਿਸਨਪਦ ॥ ਕਲਿਆਨ ॥
बिसनपद ॥ कलिआन ॥
ਦਹਦਿਸ ਧਾਵ ਭਏ ਜੁਝਾਰੇ ॥
दहदिस धाव भए जुझारे ॥
ਮੁਦਗਰ ਗੁਫਨ ਗੁਰਜ ਗੋਲਾਲੇ ਪਟਸਿ ਪਰਘ ਪ੍ਰਹਾਰੇ ॥
मुदगर गुफन गुरज गोलाले पटसि परघ प्रहारे ॥
ਗਿਰਿ ਗਿਰਿ ਪਰੇ ਸੁਭਟ ਰਨ ਮੰਡਲਿ ਜਾਨੁ ਬਸੰਤ ਖਿਲਾਰੇ ॥
गिरि गिरि परे सुभट रन मंडलि जानु बसंत खिलारे ॥
ਉਠਿ ਉਠਿ ਭਏ ਜੁਧ ਕਉ ਪ੍ਰਾਪਤਿ ਰੋਹ ਭਰੇ ਰਜਵਾਰੇ ॥
उठि उठि भए जुध कउ प्रापति रोह भरे रजवारे ॥
ਭਖਿ ਭਖਿ ਬੀਰ ਪੀਸ ਦਾਤਨ ਕਹ ਰਣ ਮੰਡਲੀ ਹਕਾਰੇ ॥
भखि भखि बीर पीस दातन कह रण मंडली हकारे ॥
ਬਰਛੀ ਬਾਨ ਕ੍ਰਿਪਾਨ ਗਜਾਇਧੁ ਅਸਤ੍ਰ ਸਸਤ੍ਰ ਸੰਭਾਰੇ ॥
बरछी बान क्रिपान गजाइधु असत्र ससत्र संभारे ॥
ਭਸਮੀ ਭੂਤ ਭਏ ਗੰਧ੍ਰਬ ਗਣ ਦਾਝਤ ਦੇਵ ਪੁਕਾਰੇ ॥
भसमी भूत भए गंध्रब गण दाझत देव पुकारे ॥
ਹਮ ਮਤ ਮੰਦ ਚਰਣ ਸਰਣਾਗਤਿ ਕਾਹਿ ਨ ਲੇਤ ਉਬਾਰੇ ॥੧੦੩॥
हम मत मंद चरण सरणागति काहि न लेत उबारे ॥१०३॥
ਮਾਰੂ ॥
मारू ॥
ਦੋਊ ਦਿਸ ਸੁਭਟ ਜਬੈ ਜੁਰਿ ਆਏ ॥
दोऊ दिस सुभट जबै जुरि आए ॥
ਦੁੰਦਭਿ ਢੋਲ ਮ੍ਰਿਦੰਗ ਬਜਤ ਸੁਨਿ ਸਾਵਨ ਮੇਘ ਲਜਾਏ ॥
दुंदभि ढोल म्रिदंग बजत सुनि सावन मेघ लजाए ॥
ਦੇਖਨ ਦੇਵ ਅਦੇਵ ਮਹਾ ਹਵ ਚੜੇ ਬਿਮਾਨ ਸੁਹਾਏ ॥
देखन देव अदेव महा हव चड़े बिमान सुहाए ॥
ਕੰਚਨ ਜਟਤ ਖਚੇ ਰਤਨਨ ਲਖਿ ਗੰਧ੍ਰਬ ਨਗਰ ਰਿਸਾਏ ॥
कंचन जटत खचे रतनन लखि गंध्रब नगर रिसाए ॥
ਕਾਛਿ ਕਛਿ ਕਾਛ ਕਛੇ ਕਛਨੀ ਚੜਿ ਕੋਪ ਭਰੇ ਨਿਜਕਾਏ ॥
काछि कछि काछ कछे कछनी चड़ि कोप भरे निजकाए ॥
ਕੋਊ ਕੋਊ ਰਹੇ ਸੁਭਟ ਰਣ ਮੰਡਲਿ ਕੇਈ ਕੇਈ ਛਾਡਿ ਪਰਾਏ ॥
कोऊ कोऊ रहे सुभट रण मंडलि केई केई छाडि पराए ॥
ਝਿਮਝਿਮ ਮਹਾ ਮੇਘ ਪਰਲੈ ਜ੍ਯੋਂ ਬ੍ਰਿੰਦ ਬਿਸਿਖ ਬਰਸਾਏ ॥
झिमझिम महा मेघ परलै ज्यों ब्रिंद बिसिख बरसाए ॥
ਐਸੋ ਨਿਰਖਿ ਬਡੇ ਕਵਤਕ ਕਹ ਪਾਰਸ ਆਪ ਸਿਧਾਏ ॥੧੦੪॥
ऐसो निरखि बडे कवतक कह पारस आप सिधाए ॥१०४॥
ਬਿਸਨਪਦ ॥ ਭੈਰੋ ॥ ਤ੍ਵਪ੍ਰਸਾਦਿ ॥
बिसनपद ॥ भैरो ॥ त्वप्रसादि ॥
ਦੈ ਰੇ ਦੈ ਰੇ ਦੀਹ ਦਮਾਮਾ ॥
दै रे दै रे दीह दमामा ॥
ਕਰਹੌ ਰੁੰਡ ਮੁੰਡ ਬਸੁਧਾ ਪਰ ਲਖਤ ਸ੍ਵਰਗ ਕੀ ਬਾਮਾ ॥
करहौ रुंड मुंड बसुधा पर लखत स्वरग की बामा ॥
ਧੁਕਿ ਧੁਕਿ ਪਰਹਿ ਧਰਣਿ ਭਾਰੀ ਭਟ ਬੀਰ ਬੈਤਾਲ ਰਜਾਊ ॥
धुकि धुकि परहि धरणि भारी भट बीर बैताल रजाऊ ॥
ਭੂਤ ਪਿਸਾਚ ਡਾਕਣੀ ਜੋਗਣ ਕਾਕਣ ਰੁਹਰ ਪਿਵਾਊ ॥
भूत पिसाच डाकणी जोगण काकण रुहर पिवाऊ ॥
ਭਕਿ ਭਕਿ ਉਠੇ ਭੀਮ ਭੈਰੋ ਰਣਿ ਅਰਧ ਉਰਧ ਸੰਘਾਰੋ ॥
भकि भकि उठे भीम भैरो रणि अरध उरध संघारो ॥
ਇੰਦ੍ਰ ਚੰਦ ਸੂਰਜ ਬਰਣਾਦਿਕ ਆਜ ਸਭੈ ਚੁਨਿ ਮਾਰੋ ॥
इंद्र चंद सूरज बरणादिक आज सभै चुनि मारो ॥
ਮੋਹਿ ਬਰ ਦਾਨ ਦੇਵਤਾ ਦੀਨਾ ਜਿਹ ਸਰਿ ਅਉਰ ਨ ਕੋਈ ॥
मोहि बर दान देवता दीना जिह सरि अउर न कोई ॥
ਮੈ ਹੀ ਭਯੋ ਜਗਤ ਕੋ ਕਰਤਾ ਜੋ ਮੈ ਕਰੌ ਸੁ ਹੋਈ ॥੧੦੫॥
मै ही भयो जगत को करता जो मै करौ सु होई ॥१०५॥
ਬਿਸਨਪਦ ॥ ਗਉਰੀ ॥ ਤ੍ਵਪ੍ਰਸਾਦਿ ਕਥਤਾ ॥
बिसनपद ॥ गउरी ॥ त्वप्रसादि कथता ॥
ਮੋ ਤੇ ਅਉਰ ਬਲੀ ਕੋ ਹੈ ॥
मो ते अउर बली को है ॥
ਜਉਨ ਮੋ ਤੇ ਜੰਗ ਜੀਤੇ ਜੁਧ ਮੈ ਕਰ ਜੈ ॥
जउन मो ते जंग जीते जुध मै कर जै ॥
ਇੰਦ੍ਰ ਚੰਦ ਉਪਿੰਦ੍ਰ ਕੌ ਪਲ ਮਧਿ ਜੀਤੌ ਜਾਇ ॥
इंद्र चंद उपिंद्र कौ पल मधि जीतौ जाइ ॥
ਅਉਰ ਐਸੋ ਕੋ ਭਯੋ ਰਣ ਮੋਹਿ ਜੀਤੇ ਆਇ ॥
अउर ऐसो को भयो रण मोहि जीते आइ ॥
ਸਾਤ ਸਿੰਧ ਸੁਕਾਇ ਡਾਰੋ ਨੈਕੁ ਰੋਸੁ ਕਰੋ ॥
सात सिंध सुकाइ डारो नैकु रोसु करो ॥
ਜਛ ਗੰਧ੍ਰਬ ਕਿੰਨ੍ਰ ਕੋਰ ਕਰੋਰ ਮੋਰਿ ਧਰੋ ॥
जछ गंध्रब किंन्र कोर करोर मोरि धरो ॥
ਦੇਵ ਔਰ ਅਦੇਵ ਜੀਤੇ ਕਰੇ ਸਬੈ ਗੁਲਾਮ ॥
देव और अदेव जीते करे सबै गुलाम ॥
ਦਿਬ ਦਾਨ ਦਯੋ ਮੁਝੈ ਛੁਐ ਸਕੈ ਕੋ ਮੁਹਿ ਛਾਮ ॥੧੦੬॥
दिब दान दयो मुझै छुऐ सकै को मुहि छाम ॥१०६॥
ਬਿਸਨਪਦ ॥ ਮਾਰੂ ॥
बिसनपद ॥ मारू ॥
ਯੌ ਕਹਿ ਪਾਰਸ ਰੋਸ ਬਢਾਯੋ ॥
यौ कहि पारस रोस बढायो ॥
ਦੁੰਦਭਿ ਢੋਲ ਬਜਾਇ ਮਹਾ ਧੁਨਿ ਸਾਮੁਹਿ ਸੰਨ੍ਯਾਸਨਿ ਧਾਯੋ ॥
दुंदभि ढोल बजाइ महा धुनि सामुहि संन्यासनि धायो ॥
ਅਸਤ੍ਰ ਸਸਤ੍ਰ ਨਾਨਾ ਬਿਧਿ ਛਡੈ ਬਾਣ ਪ੍ਰਯੋਘ ਚਲਾਏ ॥
असत्र ससत्र नाना बिधि छडै बाण प्रयोघ चलाए ॥
ਸੁਭਟ ਸਨਾਹਿ ਪਤ੍ਰ ਚਲਦਲ ਜ੍ਯੋਂ ਬਾਨਨ ਬੇਧਿ ਉਡਾਏ ॥
सुभट सनाहि पत्र चलदल ज्यों बानन बेधि उडाए ॥
ਦੁਹਦਿਸ ਬਾਨ ਪਾਨ ਤੇ ਛੂਟੇ ਦਿਨਪਤਿ ਦੇਹ ਦੁਰਾਨਾ ॥
दुहदिस बान पान ते छूटे दिनपति देह दुराना ॥
ਭੂਮਿ ਅਕਾਸ ਏਕ ਜਨੁ ਹੁਐ ਗਏ ਚਾਲ ਚਹੂੰ ਚਕ ਮਾਨਾ ॥
भूमि अकास एक जनु हुऐ गए चाल चहूं चक माना ॥
ਇੰਦਰ ਚੰਦ੍ਰ ਮੁਨਿਵਰ ਸਬ ਕਾਪੇ ਬਸੁ ਦਿਗਿਪਾਲ ਡਰਾਨੀਯ ॥
इंदर चंद्र मुनिवर सब कापे बसु दिगिपाल डरानीय ॥
ਬਰਨ ਕੁਬੇਰ ਛਾਡਿ ਪੁਰ ਭਾਜੇ ਦੁਤੀਯ ਪ੍ਰਲੈ ਕਰਿ ਮਾਨੀਯ ॥੧੦੭॥
बरन कुबेर छाडि पुर भाजे दुतीय प्रलै करि मानीय ॥१०७॥
ਬਿਸਨਪਦ ॥ ਮਾਰੂ ॥
बिसनपद ॥ मारू ॥
ਸੁਰਪੁਰ ਨਾਰਿ ਬਧਾਵਾ ਮਾਨਾ ॥
सुरपुर नारि बधावा माना ॥
ਬਰਿ ਹੈ ਆਜ ਮਹਾ ਸੁਭਟਨ ਕੌ ਸਮਰ ਸੁਯੰਬਰ ਜਾਨਾ ॥
बरि है आज महा सुभटन कौ समर सुयंबर जाना ॥
ਲਖਿ ਹੈ ਏਕ ਪਾਇ ਠਾਢੀ ਹਮ ਜਿਮ ਜਿਮ ਸੁਭਟ ਜੁਝੈ ਹੈ ॥
लखि है एक पाइ ठाढी हम जिम जिम सुभट जुझै है ॥
ਤਿਮ ਤਿਮ ਘਾਲਿ ਪਾਲਕੀ ਆਪਨ ਅਮਰਪੁਰੀ ਲੈ ਜੈ ਹੈ ॥
तिम तिम घालि पालकी आपन अमरपुरी लै जै है ॥
ਚੰਦਨ ਚਾਰੁ ਚਿਤ੍ਰ ਚੰਦਨ ਕੇ ਚੰਚਲ ਅੰਗ ਚੜਾਊ ॥
चंदन चारु चित्र चंदन के चंचल अंग चड़ाऊ ॥
ਜਾ ਦਿਨ ਸਮਰ ਸੁਅੰਬਰ ਕਰਿ ਕੈ ਪਰਮ ਪਿਅਰ ਵਹਿ ਪਾਊ ॥
जा दिन समर सुअंबर करि कै परम पिअर वहि पाऊ ॥
ਤਾ ਦਿਨ ਦੇਹ ਸਫਲ ਕਰਿ ਮਾਨੋ ਅੰਗ ਸੀਂਗਾਰ ਧਰੋ ॥
ता दिन देह सफल करि मानो अंग सींगार धरो ॥
ਜਾ ਦਿਨ ਸਮਰ ਸੁਯੰਬਰ ਸਖੀ ਰੀ ਪਾਰਸ ਨਾਥ ਬਰੋ ॥੧੦੮॥
जा दिन समर सुयंबर सखी री पारस नाथ बरो ॥१०८॥
सूचकांक (1 - 1428)
जापु पृष्ठ: 1 - 10
अकाल उसतत पृष्ठ: 11 - 38
बचित्र नाटक पृष्ठ: 39 - 73
चंडी चरित्र उक्ति बिलास पृष्ठ: 74 - 99
चंडी चरित्र पृष्ठ: 100 - 118
वार श्री भगउती जी की पृष्ठ: 119 - 126
ज्ञान प्रबोध पृष्ठ: 127 - 154
चौबीस अवतार पृष्ठ: 155 - 610
ब्रह्मा अवतार पृष्ठ: 611 - 634
रूद्र अवतार पृष्ठ: 635 - 708
शब्द हज़ारे पा:10 पृष्ठ: 709 - 712
३३ सवइये पृष्ठ: 712 - 716
खालसा महिमा पृष्ठ: 716 - 716
शस्त्र नाम माला पृष्ठ: 717 - 808
चरित्रोपख्यान पृष्ठ: 809 - 1388
ज़फरनामा पृष्ठ: 1389 - 1394
हिकायत पृष्ठ: 1394 - 1428