श्री दशम ग्रंथ
पृष्ठ - 1081
ਗਹਿ ਗਹਿ ਸਸਤ੍ਰ ਸੂਰਮਾ ਧਾਏ ॥
गहि गहि ससत्र सूरमा धाए ॥
ਦੇਵ ਅਦੇਵ ਬਿਲੋਕਨ ਆਏ ॥
देव अदेव बिलोकन आए ॥
ਜਾ ਪਰ ਦੋਇ ਕਰੰਧਰ ਧਰੈ ॥
जा पर दोइ करंधर धरै ॥
ਏਕ ਸੁਭਟ ਤੇ ਦੋ ਦੋ ਕਰੈ ॥੨੪॥
एक सुभट ते दो दो करै ॥२४॥
ਜਾ ਕੈ ਅੰਗ ਸਰੋਹੀ ਬਹੀ ॥
जा कै अंग सरोही बही ॥
ਤਾ ਕੀ ਗ੍ਰੀਵ ਸੰਗ ਨਹਿ ਰਹੀ ॥
ता की ग्रीव संग नहि रही ॥
ਜਾ ਕੈ ਲਗਿਯੋ ਕੁਹਕਤੋ ਬਾਨਾ ॥
जा कै लगियो कुहकतो बाना ॥
ਪਲਕ ਏਕ ਮੈ ਤਜੈ ਪਰਾਨਾ ॥੨੫॥
पलक एक मै तजै पराना ॥२५॥
ਜਾ ਕੈ ਘਾਇ ਗੁਰਜ ਕੋ ਲਾਗਿਯੋ ॥
जा कै घाइ गुरज को लागियो ॥
ਤਾ ਕੋ ਪ੍ਰਾਨ ਦੇਹ ਤਜਿ ਭਾਗਿਯੋ ॥
ता को प्रान देह तजि भागियो ॥
ਹਾਹਾਕਾਰ ਪਖਰਿਯਾ ਕਰਹੀ ॥
हाहाकार पखरिया करही ॥
ਰਾਠੌਰਨ ਕੇ ਪਾਲੇ ਪਰਹੀ ॥੨੬॥
राठौरन के पाले परही ॥२६॥
ਸਵੈਯਾ ॥
सवैया ॥
ਆਨਿ ਪਰੇ ਰਿਸਿ ਠਾਨਿ ਰਠੌਰ ਚਹੂੰ ਦਿਸ ਤੇ ਕਰ ਆਯੁਧ ਲੀਨੇ ॥
आनि परे रिसि ठानि रठौर चहूं दिस ते कर आयुध लीने ॥
ਬੀਰ ਕਰੋਰਿਨ ਕੇ ਸਿਰ ਤੋਰਿ ਸੁ ਹਾਥਨ ਕੋ ਹਲਕਾਹਿਨ ਦੀਨੇ ॥
बीर करोरिन के सिर तोरि सु हाथन को हलकाहिन दीने ॥
ਰੁੰਡ ਪਰੇ ਕਹੂੰ ਤੁੰਡ ਨ੍ਰਿਪਾਨ ਕੇ ਝੁੰਡ ਹਯਾਨ ਕੇ ਜਾਤ ਨ ਚੀਨੇ ॥
रुंड परे कहूं तुंड न्रिपान के झुंड हयान के जात न चीने ॥
ਕੰਬਰ ਕੇ ਬਹੁ ਟੰਬਰ ਅੰਬਰ ਅੰਬਰ ਛੀਨਿ ਦਿਗੰਬਰ ਕੀਨੈ ॥੨੭॥
कंबर के बहु टंबर अंबर अंबर छीनि दिगंबर कीनै ॥२७॥
ਚੌਪਈ ॥
चौपई ॥
ਐਸੀ ਭਾਤਿ ਸੁ ਭਟ ਬਹੁ ਮਾਰੇ ॥
ऐसी भाति सु भट बहु मारे ॥
ਰਘੁਨਾਥੋ ਸੁਰ ਲੋਕ ਸਿਧਾਰੇ ॥
रघुनाथो सुर लोक सिधारे ॥
ਸ੍ਵਾਮਿ ਕਾਜ ਕੇ ਪ੍ਰਨਹਿ ਨਿਬਾਹਿਯੋ ॥
स्वामि काज के प्रनहि निबाहियो ॥
ਹਡਿਯਹਿ ਪੁਰੇ ਜੋਧ ਪਹੁਚਾਯੋ ॥੨੮॥
हडियहि पुरे जोध पहुचायो ॥२८॥
ਦੋਹਰਾ ॥
दोहरा ॥
ਅਤਿ ਬਰਿ ਕੈ ਭਾਰੀ ਜੁਝ੍ਰਯੋ ਤਨਕ ਨ ਮੋਰਿਯੋ ਅੰਗ ॥
अति बरि कै भारी जुझ्रयो तनक न मोरियो अंग ॥
ਸੁ ਕਬਿ ਕਾਲ ਪੂਰਨ ਭਯੋ ਤਬ ਹੀ ਕਥਾ ਪ੍ਰਸੰਗ ॥੨੯॥
सु कबि काल पूरन भयो तब ही कथा प्रसंग ॥२९॥
ਇਤਿ ਸ੍ਰੀ ਚਰਿਤ੍ਰ ਪਖ੍ਯਾਨੇ ਤ੍ਰਿਯਾ ਚਰਿਤ੍ਰੇ ਮੰਤ੍ਰੀ ਭੂਪ ਸੰਬਾਦੇ ਇਕ ਸੌ ਪਚਾਨਵੋ ਚਰਿਤ੍ਰ ਸਮਾਪਤਮ ਸਤੁ ਸੁਭਮ ਸਤ ॥੧੯੫॥੩੬੬੯॥ਅਫਜੂੰ॥
इति स्री चरित्र पख्याने त्रिया चरित्रे मंत्री भूप संबादे इक सौ पचानवो चरित्र समापतम सतु सुभम सत ॥१९५॥३६६९॥अफजूं॥
ਚੌਪਈ ॥
चौपई ॥
ਚੰਦ੍ਰਪੁਰੀ ਨਗਰੀ ਇਕ ਸੁਨੀ ॥
चंद्रपुरी नगरी इक सुनी ॥
ਅਪ੍ਰਤਿਮ ਕਲਾ ਰਾਨੀ ਬਹੁ ਗੁਨੀ ॥
अप्रतिम कला रानी बहु गुनी ॥
ਅੰਜਨ ਰਾਇ ਬਿਲੋਕ੍ਯੋ ਜਬ ਹੀ ॥
अंजन राइ बिलोक्यो जब ही ॥
ਹਰਅਰਿ ਸਰ ਮਾਰਿਯੋ ਤਿਹ ਤਬ ਹੀ ॥੧॥
हरअरि सर मारियो तिह तब ही ॥१॥
ਤਾ ਕੌ ਧਾਮ ਬੋਲਿ ਕਰਿ ਲਿਯੋ ॥
ता कौ धाम बोलि करि लियो ॥
ਕਾਮ ਕੇਲ ਤਾ ਸੌ ਦ੍ਰਿੜ ਕਿਯੋ ॥
काम केल ता सौ द्रिड़ कियो ॥
ਬਹੁਰਿ ਜਾਰ ਇਹ ਭਾਤਿ ਉਚਾਰੋ ॥
बहुरि जार इह भाति उचारो ॥
ਜਿਨਿ ਮਤਿ ਲਖਿ ਪਤਿ ਹਨੈ ਤੁਮਾਰੇ ॥੨॥
जिनि मति लखि पति हनै तुमारे ॥२॥
ਤ੍ਰਿਯੋ ਵਾਚ ॥
त्रियो वाच ॥
ਤੁਮ ਚਿਤ ਮੈ ਨਹਿ ਤ੍ਰਾਸ ਬਢਾਵੋ ॥
तुम चित मै नहि त्रास बढावो ॥
ਹਮ ਸੌ ਦ੍ਰਿੜ ਕਰਿ ਕੇਲ ਕਮਾਵੋ ॥
हम सौ द्रिड़ करि केल कमावो ॥
ਮੈ ਤੁਹਿ ਏਕ ਚਰਿਤ੍ਰ ਦਿਖੈਹੌ ॥
मै तुहि एक चरित्र दिखैहौ ॥
ਤਾ ਤੇ ਤੁਮਰੋ ਸੋਕ ਮਿਟੈਹੌ ॥੩॥
ता ते तुमरो सोक मिटैहौ ॥३॥
ਦੋਹਰਾ ॥
दोहरा ॥
ਪਤਿ ਦੇਖਤ ਤੋ ਸੌ ਰਮੌ ਗ੍ਰਿਹ ਕੋ ਦਰਬੁ ਲੁਟਾਇ ॥
पति देखत तो सौ रमौ ग्रिह को दरबु लुटाइ ॥
ਨ੍ਰਿਪ ਕੋ ਸੀਸ ਝੁਕਾਇ ਹੌ ਪਗਨ ਤਿਹਾਰੇ ਲਾਇ ॥੪॥
न्रिप को सीस झुकाइ हौ पगन तिहारे लाइ ॥४॥
ਚੌਪਈ ॥
चौपई ॥
ਤੁਮ ਸਭ ਜੋਗ ਭੇਸ ਕੌ ਕਰੋ ॥
तुम सभ जोग भेस कौ करो ॥
ਮੋਰੀ ਕਹੀ ਕਾਨ ਮੈ ਧਰੋ ॥
मोरी कही कान मै धरो ॥
ਮੂਕ ਮੰਤ੍ਰ ਕਛੁ ਯਾਹਿ ਸਿਖਾਵਹੁ ॥
मूक मंत्र कछु याहि सिखावहु ॥
ਜਾ ਤੇ ਯਾ ਕੋ ਗੁਰੂ ਕਹਾਵਹੁ ॥੫॥
जा ते या को गुरू कहावहु ॥५॥
सूचकांक (1 - 1428)
जापु पृष्ठ: 1 - 10
अकाल उसतत पृष्ठ: 11 - 38
बचित्र नाटक पृष्ठ: 39 - 73
चंडी चरित्र उक्ति बिलास पृष्ठ: 74 - 99
चंडी चरित्र पृष्ठ: 100 - 118
वार श्री भगउती जी की पृष्ठ: 119 - 126
ज्ञान प्रबोध पृष्ठ: 127 - 154
चौबीस अवतार पृष्ठ: 155 - 610
ब्रह्मा अवतार पृष्ठ: 611 - 634
रूद्र अवतार पृष्ठ: 635 - 708
शब्द हज़ारे पा:10 पृष्ठ: 709 - 712
३३ सवइये पृष्ठ: 712 - 716
खालसा महिमा पृष्ठ: 716 - 716
शस्त्र नाम माला पृष्ठ: 717 - 808
चरित्रोपख्यान पृष्ठ: 809 - 1388
ज़फरनामा पृष्ठ: 1389 - 1394
हिकायत पृष्ठ: 1394 - 1428