ودھاتا نے کئی تراں دے ویر اتے وواد رچ دتے
جس نوں کوئی سادھو پرش (نیک آدمی) سدھار نا سکیا۔
مہابلی کام، لوبھ، موہ آدِ وکاراں دے ہتھیاراں دی مار توں
بھلا کون شورویر بچ کے گیا ہے؟ ॥1۔۔
اتھے (رنبھومی وچ) بانکے سورمے آپس وچ کوڑے بچن بول رہے ہن۔
(اہ) شستر لے لے کے اٹھدے ہن اتے گھور یدھّ کردے ہن۔
کتے کھپرے (چوڑے پھل والا تیر) کھولھ اتے کھنڈے دھارن کرن والے (اک دوجے نوں مار رہے ہن)
کتے بیر بیتال ڈؤرو وجا وجا کے نچدے ہن ۔۔2۔۔
کتے شو سراں (رنڈاں) نوں مالا وچ پروندا ہے۔
کتے ڈاکنیاں (اول جلول) بولدیاں ہن اتے کتے بیتال کوکدے ہن۔
کتے چمنڈناں بولدیاں ہن اتے کتے الاں کلکاریاں ماردیاں ہن۔
کتے بانکے سوربیراں دیاں لاشاں گتھم گتھا ہو رہیاں ہن ۔۔3۔۔
بہت کٹ مار ہوئی ہے، (سورمیاں دے شریراں دے) ٹوٹے رلدے ہن۔
(کتے) دوویں ہتھ مچھاں اتے رکھے (ہویاں مردے یدھّ-بھومی وچ رل رہے ہن)۔
کتے کھوپڑی نوں بچاؤن والے کھولھ اتے دھنکھ-بان رل رہے ہن،
کتے سوربیراں دیاں تلواراں اتے تیراں دے بھتھے رل رہے ہن ۔۔4۔۔
کتے چمنڈناں بولدیاں ہن اتے ڈاکنیاں ڈکاردیاں ہن۔
کتے بھیروی، بھوت اتے بھیرو بھبھکاں مار رہے ہن۔
کتے بیر بیتال آکڑ کے ('بنکے') پھردے ہن
اتے کتے بھوت-پریت اتے ماسہاری جیو ہس رہے ہن ۔۔5۔۔
رساول چھند:
وڈے سورمے گز رہے ہن
(جنھاں دی غرز نوں) سن کے بدل وی لجا رہے ہن۔
(انھاں نے آپنے) جھنڈے پکی تراں گڈے ہوئے ہن
(جنھاں نوں ویکھ کے ورودھی ویری دلاں دے سورمے) روہ ودھا کے (یدھّ وچ) جٹے ہوئے ہن ۔۔6۔۔
کرپاناں اتے کٹاراں نال
(سورمے) روس ودھا کے لڑدے ہن۔
(انیک) بانکے مہان یودھے
دھرتی نوں کمباؤندے ہوئے (اک دوجے نال) بھڑ رہے ہن ۔۔7۔۔
سورمیاں دے شستر چلن لگے ہن
اتے استراں دے چلن نال چنگاں نکلن لگیاں ہن۔
کرپاناں، کٹاراں
اتے لوہے (دے بنے ہور شستراں دے) خوب پرہار ہوئے ہن ۔۔8۔۔
بھجنگ پریات چھند:
کتے ہلب دی، کتے جنب دی، کتے سروہی تلوار اتے کتے دودھاری تلوار،
کتے چھری، کرپان اتے کٹار (آپنے دھارکاں دوارا) کرودھ نال واہیاں جا رہیاں ہن۔
کتے سیہتھیاں نال اتے کتے نیزیاں نال (لڑائی ہو رہی ہے)
اتے کتے نیزیاں اتے برچھیاں نال دھکمدھکی ہو رہی ہے ۔۔9۔۔
نراز چھند:
روہ نال سورمے سجے ہوئے ہن
اتے شنکا نوں بھلا کے خوب بھڑ رہے ہن۔
نسنگ ہو کے شستر ماردے ہن
اتے (ورودھیاں دے) انگ اتاردے جا رہے ہن ۔۔10۔۔
کسے دی کوئی پرواہ نہیں کردے،
بس مارو-مارو ہی بولدے ہن۔
للکارا مار کے (ورودھی نوں) دھکّ لے جاندے ہن
اتے اننت شستراں دے واراں نوں سہندے ہن ۔۔11۔۔
ہزاراں ہوراں آکاش (وچ وچر رہیاں ہن)
اتے یدھّ-بھومی (بردھ) نوں سئمبر بنا کے (ویرگتی پراپت کرن والے سورمیاں نوں وردیاں ہن)۔
(سورمے یدھّ-بھومی وچ) بھیانک ڈھنگ نال ڈولدے پھردے ہن
اتے (مونہوں) 'مارو' 'مارو' ہی بولدے ہن ۔۔12۔۔
کسے دے انگ کٹے گئے ہن۔
کسے دے وال (سروہ) پٹے گئے ہن۔
کسے دا ماس کٹیا گیا ہے
اتے (کتے کوئی) وڈھیا-ٹکیا ڈگیا پیا ہے ۔۔13۔۔
ڈھالاں تے ڈھول ڈھمّ-ڈھمّ وجدے ہن
اتے (سینا دے) موہرلے (ہسے دے سینک) موج-مستی وچ چل رہے ہن۔
سورمے پھرتی نال (ہتھیار) چلاؤندے ہن
اتے سینا نوں گاہندے ہن ۔۔14۔۔
نویں دھونسے وجدے ہن،
دھیرجوان سورمے گجدے ہن،
کرپاناں اتے تیر چلاؤندے ہن
اتے اچھوپلے ہی انگ وڈھّ سٹدے ہن ۔۔15۔۔
یدھّ-بھومی (وچ سورمے) کرودھت ہو کے شبھائمان ہن
اتے چار کدم وی (ادھر-ادھر) نہیں بھجدے۔
شستراں نوں سمبھال کے گجدے ہن
(انھاں دے گجن دی) آواز نوں سن کے میگھ وی شرمندے ہندے ہن ۔۔16۔۔
بھیانک للکارے ماردے ہن
اتے (نال ہی) 'سڑکّ' دی آواز کردے شستر چلا دندے ہن۔
سوگ نوں بھلا کے لڑدے ہن
اتے (ویر-گتی پا کے) سئرگ لوک نوں جاندے ہن ۔۔17۔۔
ورودھی دھراں دے سورمے بہت کرودھت ہن