برج-بھومی وچ سارے پریم پوروک گل-بانہواں پا کے رس دی کھیڈ کریئے۔
میرے وچھوڑے کر کے جو تہاڈا شوک ودھیا سی، ہن مل کے اس شوک نوں دور کر دیئیے ۔۔513۔۔
سری کرشن نے کہا، ہے کڑیؤ! تسیں ساریاں راس دی کھیڈ کرو۔
(اک دوجی دے) ہتھ نوں ہتھ نال پکڑ کے گول گھیرا (منڈل) بنا لوو اتے من وچ کوئی شرم ناہ رکھو۔
میں تہاڈے نال راس (دی کھیڈ) کرانگا۔ میں نچانگا، (تسیں وی) نچیو، (اتے من وچ) بلکل نا ڈرو۔
ساریاں ہی (آپنے) من وچ سکھ مناؤ اتے من دے ساریاں سوگاں نوں دور کر دیو ۔۔514۔۔
سری کرشن نے پھر انھاں نوں اس تراں کہا، ہے سجنیؤں! میری (اک) بینتی سن لوو۔
(آپنے) من وچ آنند (پراپت) کرو جس نال میرا من اتے تن جی پوے (ارتھات تازا ہو جاوے)۔
جس (کمّ) نوں کرن نال متر (آپنا) ہت سمجھدا ہووے، اسے ویلے اٹھ کے اہ کمّ کر لینا چاہیدا ہے۔
(آپنے متر نوں پریم) رس دا سروپاؤ دے کے اس دے من دے سارے سوگ ودا کر دینے چاہیدے ہن ۔۔515۔۔
سری کرشن نے ہس کے پھر اس تراں کہا کِ (پریم) رس دیاں گلاں میرے کولوں سن لوو۔
جس واستے متر (آپنا) ہت مندا ہووے، اہ (گلّ) سن کے اتے اٹھ کے کارج کرنا چاہیدا ہے۔
کوی شیام کہندے ہن، گوپیاں نال کرپا پوروک سری کرشن ('مسلیدھر بھئیا') نے (اہ گلّ) کیتی۔
جس نال بہتا پریم کیتا جائے، اس دے ہتھ بنا پیسے ہی وک جانا چاہیدا ہے ۔۔516۔۔
سری کرشن دیاں گلاں سن کے انھاں گوپیاں نے من وچ دھیرج دھارن کر لیا۔
جتنے وی من وچ سوگ سن، (اہ پریم) رس دی اگنی وچ ککھاں وانگ سڑ گئے ہن۔
جسودھا دے پتر (سری کرشن) دا کہا منّ کے ساریاں نے مل کے راس کیتی ہے۔
(اس راس نوں ویکھ کے) پرتھوی پرسنّ ہو رہی ہے، پرتھوی (اتے رہن والے) اتے آکاش منڈل (وچ رہن والے) خش ہو رہے ہن ۔۔517۔۔
برج دیاں ساریاں ناریاں اتِ ادھک پریم نال گاؤندیاں اتے تاڑیاں وجاؤندیاں ہن۔
کوی شیام کہندے ہن، انھاں نے تدوں ہی دلی اچھا نال سری کرشن دے کہے نوں منّ لیا۔
انھاں نے (سہیہ تور) تورن والیاں توں چلن سدا تریکا سکھ لیا ہے، جاں دیوتیاں دیاں ناریاں توں جاں کتے ہوروں (سکھیا ہے)۔
مینوں ہن اہ سمجھ آؤندی ہے کِ جتھوں کرشن (اہ) سکھیا ہے، انھاں نے وی اتھوں ہی (سکھیا ہے) ॥518۔۔
(سری کرشن دے) سر اتے مور دے کھمبھاں (دا مکٹ) شوبھدا ہے اتے دوہاں کناں وچ کنڈل شبھائمان ہن۔
اس دے گلے وچ لالاں دی مالا شوبھا پا رہی ہے، جس دی سفت ورگی ہور کوئی (چیز) نہیں ہے۔