جویں ہتھ نال جھٹکا دے کے پتھر چلائیدا ہے ۔۔107۔۔
سوییا:
ترناورت کنس نوں پرنام ('تسلیم') کر کے تریا اتے چھیتی نال گوکل آیا۔
اس نے واورولے دا روپ دھارن کیتا اتے دھرتی اتے زور دی ہوا چلا دتی۔
(ترناورت دا) آؤنا جان کے کرشن بھاری ہو گئے اتے اس نوں دھرتی اتے پٹکا کے ماریا۔
(گھٹے نال) لوکاں دیاں اکھاں بھر گئیاں، جس کر کے لوکاں (نے اکھاں) بند کر لئیاں، (تدوں ترناورت) کرشن نوں لے کے آکاش دے رستے بھج گیا ۔۔108۔۔
جدوں کرشن جی آکاش وچ چلے گئے تد (انھاں نے) آپنے شریر دے بل نوں جھٹکا دتا
اتے بھیانک روپ دھار کے چنگی تراں یدھّ کیتا اتے راکھش نوں گھائل کر دتا۔
پھر آپنے دساں نوہاں نوں سمبھال کے شیگھرتا نال ویری دا سر کٹ دتا۔
(ترناورت دا) دھڑ (اس تراں) ڈگ پیا مانو برچھ ڈگیا ہووے اتے سر اس تراں آن ڈگا ہے، مانو ڈال نالوں کھٹا ٹٹ کے ڈگا ہووے ۔۔109۔۔
اتھے سری بچتر ناٹک گرنتھ دے کرسناوتار دے ترنورت بدھّ دی سماپتی۔
سوییا:
آکاش وچ چلے جان کارن کانھ توں بنا گوکل دے لوکیں بہت آجج ہوئے اتے اکٹھے ہو کے ڈھونڈھن لگے۔
بارھاں کوہاں اتے جا کے ڈگے (کرشن نوں) ڈھونڈھدیاں ڈھونڈھدیاں لبھ لیا۔
ساریاں نے اسے ویلے گل نال لا لیا اتے پھر اکٹھے ہو کے منگل گیت گان لگے۔
اس درش دے یش دی مہانتا نوں کوی نے آپنے مکھ توں اس تراں سنایا ۔۔110۔۔
دینت دے بھیانک روپ نوں ویکھ کے ساریاں گوالیاں نے من وچ ڈر انبھو کیتا۔
منکھاں دی کی گنتی ہے، (اس دینت نوں) ویکھ کے اندر دا ہردا وی پھٹن لگیا۔
اجہے ڈرونے روپ والے دینت نوں کرشن نے (اک) چھن وچ مار لیا۔
(اس تراں گوالے کرشن نوں لے کے جدوں گھر پرتے تاں) آپنے گھر وچ آیا سن کے (لوکیں پچھن آئے)۔ کرشن نے انھاں نوں سارا برتانت کہِ دتا ۔۔111۔۔
تدوں ماتا (جسودھا) بہت سارے سراہمناں نوں دان دے کے پتر نال کھیڈن لگی۔
مونہ دے ساہمنے پیار نال انگل دی اوٹ کر کے کرشن جی نوں ہسا لیندی ہے۔
(اس نال) جسودھا دا من بہت ہی پرسنّ ہو رہا ہے، (ہے جسودھا!) تیری ہور کی وڈیائی کہاں؟
اس درش دی اپما بہت ادھک ہے۔ کوی دے من اتے تن نوں بہت چنگی لگ رہی ہے ۔۔112۔۔