فوج دے سارے سورمے-پیدل، رتھاں، گھوڑیاں اتے ہاتھیاں تے سوار مارے گئے ہن۔
اہ بچن سن کے ہیران ہوئے راجے سمبھ نے کرودھ کیتا ۔۔104۔۔
سمبھ نے تد چنڈ اتے منڈ ناں دے دوہاں دینتاں نوں بلا لیا،
(جو) راجے دی سبھا وچ ہتھاں وچ تلواراں اتے ڈھالاں لے کے آ گئے ۔۔105۔۔
دوہاں نے (راجے نوں) پرنام ('ابھبندن') کیتا، راجے نے (انھاں نوں) آپنے کول بٹھا لیا
اتے پان (دا بیڑا) دندیاں ہویاں مکھ توں کہا کِ تسیں دوویں میرے بلوان یودھا ہو ۔۔106۔۔
(راجے نے) آپنا کمر-کسا اتے کٹار تے تلوار (انھاں نوں) دتیاں
(اتے کہا کِ) چنڈی نوں بنھ لیاؤ، نہیں تاں مار دیو ۔۔107۔۔
سوییا:
چنڈ اتے منڈ کرودھوان ہو کے سریشٹھ چترنگنی سینا لے کے (چنڈی نال) یدھّ کرن لئی (چڑھ چلے)۔
تد شیشناگ دے سر اپرلی دھرتی ڈول گئی مانو ندی ('ترنگنِ') وچ بیڑی ڈولدی ہووے۔
گھوڑیاں دے کھراں نال آکاش ول اڈی دھوڑ (نوں ویکھ کے) کوی دے من وچوں اپما دین دا وچار دور نا ہویا؛
مانو سنسار دے اپار بھار نوں اتارن لئی دھرتی برہم-لوکم نوں چلی ہووے ۔۔108۔۔
دوہرا:
چنڈ اتے منڈ دوہاں دینتاں نے (آپنے نال) بلوان اتے پربل سورمیاں دا دل لے لیا۔
پربت دے نیڑے جا کے گھیرا پا لیا اتے خوب ہلا-گلا مچا دتا ۔۔109۔۔
سوییا:
جد دینتاں دا رولا کناں نال سنیا تاں درگا نے آپنے من وچ کرودھ کیتا۔
تدوں شریر اتے سارے استر-شستر سزا کے، سنکھ وجاؤندی ہوئی شیر اتے چڑھ کے (یدھّ لئی ودھ) چلی۔
پربت توں اتر کے ویریاں دے دل اتے (انج) پئی جس دی اپما (میرے) من وچ اہ پیدا ہوئی
مانو کونجاں دی ڈار نوں ویکھ کے آکاش توں باز نے جھپٹا ماریا ہووے ۔۔110۔۔
چنڈی دی کمان توں چھٹے تیر اک توں دس اتے سو توں ہزار (دی گنتی وچ) ودھی جا رہے سن۔
اتے پھر لکھاں ہو کے دینتاں دے تن وچ وجدے سن اتے پکے تور تے (اتھے) گڈے جاندے سن۔
کہڑا کوی انھاں دی سفت کر سکدا ہے؟ انھاں نوں بنا کڈھیاں (دی ستھتی دی) وڈی اپما اؤں بندی ہے
مانو پھگن دی ہوا دے چلن نال پتراں توں وانجھے برچھ کھڑوتے ہون ۔۔111۔۔
منڈ (ناں دے دینت نے) تلوار پھڑ کے اتے للکارا مار کے شیر دے انگ پرتِ انگ اتے وار کیتا۔
پھر بھج کے درگا ('گؤرِ') دے شریر وچ (تلوار) ماری (جس نال اس دے) انگ وچوں (لہو دی) دھار نکلی۔
لہو نال لبڑی (تلوار) دینت دے ہتھ وچ تھرتھرا رہی سی۔ (اس دی اپما) کوئی ہور کوی پیا وچارے (پر سانوں تاں انج لگدی ہے)
مانو پیٹ بھرن پچھوں جمراج پان کھا کے گمان نال آپنی جیبھ ویکھ رہا ہووے ۔۔112۔۔
جدوں دینت (دیوی نوں) زخمی کرکے (واپس) چلیا تدوں دیوی نے بھتھے وچوں تیر کڈھّ لیا۔
کمان نوں کنّ تک کھچ کے اک تیر چلایا جو ودھ کے انیک ہو گئے۔
منڈ (دینت) نے ڈھال لے کے مونہ نوں اوٹ دتی، (پر اہ تیر ڈھال) وچ دھس کے اتھے ہی گڈے گئے
مانو کچھو دی پٹھ اتے بیٹھے شیشناگ دے فن کھڑوتے ہون ۔۔113۔۔
شیر نوں پریر کے چنڈی آپنے ہتھ وچ مزبوت (بر) تلوار سوت کے اگے ہوئی۔
اس نے ویریاں دے سموہ (پور) نوں چکناچور کر کے دھوڑ وچ رول دتا اتے گھمسان یدھّ مچایا۔
(پھر) گھمّ کے منڈ دینت نوں رن-بھومی وچ گھیر لیا اتے اس دا سر (دھڑ نالوں) وکھّ کر دتا۔
(اہ) دھرتی اپر انج جا کے ڈگیا جویں ویل نالوں کدو کٹ کے سٹیا جاندا ہے ۔۔114۔۔
شیر اتے سوار اتے مونہ نال سنکھ وجاؤندی ہوئی (دیوی انج لگ رہی سی) جویں بدلاں وچ بجلی دی چمک پھب رہی ہے۔
چکر چلا کے (اس نے) ویری نوں ڈگا دتا اتے وڈے وڈے بلوان دینت بھج گئے۔
بھوت اتے پشاچ ماس کھا رہے سن اتے سر دے وال کھلار کے کلکاریاں ماردے سن۔
(چنڈی نے) منڈ دینت دا سر اتار دتا، ہن چنڈ (دینت) نوں ہتھ لاؤندی ہے (ارتھات یدھّ کردی ہے) ॥115۔۔
منڈ نوں رن وچ مار کے پرچنڈ چنڈی نے تد اہ کیتا
کِ چنڈ (دینت) نال یدھّ کر کے (اس دی) ساری سینا نوں مار کے نشٹ کر دتا۔
ہتھ وچ برچھی لے کے ویری دے سر وچ زور نال مار کے (اس نوں دھڑ نالوں) وکھ کر دتا،
مانو شو نے تریشول لے کے گنیش دے دھڑ نوں سر توں بنا کر دتا ہووے ۔۔116۔۔
اتھے بچتر ناٹک دے سری چنڈی چرتر پرسنگ دے 'چنڈ منڈ بدھ' ناں دا چوتھا ادھیائ سماپت ہویا سبھ شبھ ہے ۔۔4۔۔
سورٹھا:
تڑپدے ہوئے کروڑاں گھائلاں (دینتاں) نے جا کے سمبھ (دینت راجے) اگے پکار کیتی