(آ کے) سارے اس تراں پکار کرن لگے۔
(انج پرتیت ہندا سی) مانو کسے بنیئے وانگ لٹے گئے ہون۔
(مہا کال نوں مخاتب ہو کے کہن لگے، ہے مہا کال! (سانوں) بچا لوو، بچا لوو، اسیں تہاڈی شرن وچ (آئے ہاں)
سانوں سبھ تراں دے ڈر توں ابار لوو ۔۔90۔۔
تسیں ساریاں لوکاں دے سرتاج ہو۔
ہنکاریاں نوں نشٹ کرن والے اتے غریباں نوں نواجن والے ہو۔
(تسیں) جگت وچ آدِ (مڈھ کدیم دے) اکال، اجونی، نربھے،
نروکار، نرلمب (بنا سہارے دے) ہو ۔۔91۔۔
نروکار، نرجر (نروگ) ابناشی،
پرم یوگ دے تتّ نوں پرکاش کرن والے،
نراکار، نتّ نوین، آپنے آپ ہون والے ہو۔
(تہاڈا) نا کوئی پتا ہے، نا ماتا اتے نا ہی سمبندھی ۔۔92۔۔
(تسیں) ویریاں نوں نشٹ کرن والے، بھگتاں ('سردِ') نوں سکھ دین والے،
چنڈ اتے منڈ دینتاں نوں مارن والے،
سچی پرتگیا کرن والے، سچائی وچ نواس کرن والے
اتے بھوت، بھوکھ تے ورتمان دے پربھاو توں مکت ('نراسا' آشارہت) ہو ۔۔93۔۔
(تسیں) آدِ (روپ والے) اننت، اروپ اتے بھیس-رہت ہو۔
(تسیں) گھٹ گھٹ (بھاو ہر اک جیو) وچ پرویش کیتا ہویا ہے (ارتھات سبھ وچ آتما ہو کے وس رہے ہو)۔
(تسیں) ہر اک دے اندر نرنتر وسدے رہندے ہو۔
(اہ وچار) سنک، سنندن، سناتن (اتے سنت کمار) آدِ نے پرگٹ کیتا ہے ۔۔94۔۔
ہے پربھو! (تسیں) آدِ جگادِ توں اک ہی ہو
اتے انیک روپ دھار کے وچر رہے ہو۔
سارے جگت نوں اس تراں بھرمایا ہویا ہے
اتے آپنے آپ نوں اک توں انیک کر کے وکھایا ہویا ہے ۔۔95۔۔
گھٹ گھٹ وچ اہ پرش (تسیں ہی) ویاپت ہو
اتے سارے جیو جنتوآں دی ستھاپنا کرن والے ہو۔
جس توں جوتِ نوں کھچ لیندے ہو،
اس نوں جگت والے لوگ مریا ہویا کہندے ہن ۔۔96۔۔
تسیں ہی جگ دے کارن اتے کرتا ہو
اتے گھٹ گھٹ دے مت نوں جانن والے ہو۔
(تسیں) نراکار، نرویر، نرالے ہو
اتے سبھ دے من دی (ہالت دا) تہانوں پتا ہے ۔۔97۔۔
تسیں ہی برہما اتے وشنو بنایا ہے
اتے مہا ردر نوں وی تسیں ہی اتپنّ کیتا ہے۔
تسیں ہی کشیپ رشی نوں بنایا ہے
اتے دتی تے ادتی دی سنتان وچ ویر ودھایا ہے ۔۔98۔۔
جگ-کارن، کرنا-ندھان، سوامی،
ہے کمل نین، انتریامی
دیا، دے سمندر، دین-دیال
اتے کرپا-ندھان! (تسیں ساڈے اتے) کرپا کرو ۔۔99۔۔
(تہاڈے) چرناں وچ پئے ہوئے (اسیں) اس تراں بینتی کردے ہاں
کِ ہے دھر توں ہی مریادا نوں دھارن کر والے! سانوں بچا لوو، بچا لوو۔
کال (انھاں دے) بول سن کے 'کہ کہ' کر کے ہسن لگا
اتے بھگت جان کے کرپالو ہو گیا ۔۔100۔۔
(مہا کال نے اگوں) 'رکھیا، رکھیا' شبداں دا اچارن کیتا
اتے ساریاں دیوتیاں دا دکھ دور کر دتا۔
آپنے بھگتاں نوں بچا لیا
اتے ویریاں نال یدھّ کیتا ۔۔101۔۔