اتے ساریاں سادھوآں دے مہا موہ نوں ہٹان والی ہیں ۔۔13۔۔
توں ہی آپنے نوں لال دنداں والی اکھواندی ہیں۔
توں ہی براہمناں دیاں چنتاواں نوں چبن والی ہیں۔
توں ہی نند دے گھر (کرشن روپ وچ) اوتار لین والی ہیں۔
توں شکتی ('ساک') نال بھرپور ہیں اتے (ہورناں دے) شریر وی شکتی نال بھر دیوینگی ۔۔14۔۔
توں ہی بودھ (اوتار دے روپ وچ پرگٹ ہوئی سی) توں ہی مچھّ دا روپ دھاریا سی۔
توں ہی کچھّ اوتار ہو کے سمندر نوں متھیا سی۔
توں ہی آپ براہمن پرشرام دا روپ دھارن کر کے
اکی وار دھرتی نوں چھتریاں توں سکھنا کیتا سی ۔۔15۔۔
توں ہی آپنے آپ نوں نہکلنکی (اوتار) بنائینگی
اتے ساریاں ملیچھاں دا ناش کرینگی۔
ہے ماتا! (مینوں) آپنا سیوک سمجھ کے میرے اتے کرپا کرو۔
میں جو چت وچ چاہندا ہاں، اہی مینوں پردان کرو ۔۔16۔۔
سوییا:
(دیوی نے) منڈاں دی مالا، دشاواں دے بستر (بھاو-نگن) اتے کھبے پاسے بھاری تلوار دھارن کیتی ہوئی ہے۔
دوویں بھیانک اکھاں چمکدیاں ہن اتے متھے اتے انیدار تیراں وانگ براج رہیاں ہن۔
بھیانک وشال کیس کھلھے ہوئے ہن اتے اجلے دنداں دی پنکتی چمک رہی ہے۔
ہتھ وچ لئے ہوئے سپّ اگّ چھڈ رہے ہن۔ (ہے دیوی!) کال سدا تیرا پرتپالک ہے ۔۔17۔۔
سورج ورگے تیز والے بھیانک دینت ('بھوتج') جنھاں دے شریر پہاڑاں ورگے بھارے سن۔
جو من وچ بھاری گمان نال اتنے بھرے ہوئے سن کِ دھرتی اتے پیر نہیں دھردے سن۔
جو بھالوآں وانگ بھبھکدے سن اتے بنا بھے رن-بھومی وچ بھیانک (مارو) بھیریاں اتے نگارے وجاؤندے سن۔
اہ سورمے بھوانی جی دے باناں دی مار نال رن-بھومی وچ گھمیری کھا کے ڈگ پئے ہن ۔۔18۔۔
جنھاں نے کروڑاں بھجاواں دیاں سٹاں وجن تے وی اوٹ نہیں لئی اتے رن وچ کروڑاں نوں سنگھار دتا سی۔
جنھاں دے شریر کلھیاں وانگ شوبھدے سن اتے اندر توں وی کدے ہارے نہیں سن۔
جو کرودھ نال بھر کے رن-بھومی توں کدے ٹلے نہیں سن، بھاویں انھاں دے شریراں دیاں بوٹیاں لے کے گرجھاں آکاش وچ کیوں نا چلیاں جان۔
اہ (دینت) راجے کالی دی کرودھ نال چلائی تلوار دے مارے ہوئے رن-بھومی وچ ڈگ پئے سن ۔۔19۔۔
انھاں گربیلیاں دے سرمے ورگے شریر سن، بھیانک شستر اگھرے ہوئے سن اتے دھونئے ورگی دھوڑ نال بھرے ہوئے سن۔
اہ بہادر سورمے چت وچ اتساہ نال بھر کے کھجھے ہوئے چوہاں پاسیاں توں امڈ پئے سن۔
اہ اکٹّ یودھے دھوڑ وانگ دساں دشاواں توں چڑھ آئے سن، (انھاں نوں کالی نے) بھومی اتے پٹک دتا سی۔
یدھّ-بھومی وچ، رولا پین تے کمل ورگے نیناں والی (دیوی) روہ نال بھرے ہوئے شیر سہت رن وچ شوبھدی سی ۔۔20۔۔
بہت ادھک سٹاں وجن تے وی کوئی اوٹ نہیں لئی اتے انگاں نوں وی ڈھلا نہیں کیتا۔
جہڑے نپٹ اکٹّ سورمے سن، (انھاں) ہنکاریاں نوں چھیتی ہی دھرتی اتے پٹکا ماریا۔
جہڑے وکٹ یودھے کسے توں وی (یدھّ-بھومی وچوں) نہیں ہٹائے جا سکے، انھاں نوں چھیتی ہی (دھرتی اتے) سٹ دتا۔
یدھّ وچ رولا پین تے کمل ورگے نیناں والی (دیوی) روہ نال بھرے ہوئے شیر سہت رن-بھومی وچ شوبھدی سی ۔۔21۔۔
دھونئیں ورگی دھوڑ نال بھرے ہوئے شریراں والے اتے لوہے نوں کٹ سٹن والے دینت دھا کے پئے سن۔
جنھاں دے شریر پربتاں ورگے (کالے) سن، اہ 'جٹیلے' (جٹاں والے) کوچاں نال سجے ہوئے مد مست سن۔
کوی رام کہندے ہن (کِ اہ دینت) اتِ کرودھت ہو کے جگ دے نائک نال وی جنگ کرن دے ٹھاٹھ بناؤندے سن۔
انھاں نوں (دیوی نے) جھٹکا دے کے رن وچ پٹک دتا۔ رولا پین تے رن-بھومی وچ شیر شوبھدا سی ۔۔22۔۔
(اس) ڈراؤنے سمیں وچ بہت ہنکاری اتے وکٹ دینتاں نوں ویکھ کے (نگاریاں اتے) ڈگے وجن لگے۔
کماناں توں بان چھٹن لگے (پر) انھاں دے شریر ڈھلے نہیں ہوئے۔
جگ مات نے چت وچ کھجھ کے (انھاں) گربیلے دینتاں نوں ترت دھرتی اتے سٹ دتا۔
رن-بھومی وچ رولا پین تے کمل ورگے نیناں والی (دیوی) روہ نال بھرے ہوئے شیر سہت رن وچ شوبھدی سی ۔۔23۔۔
رن-بھومی وچ یدھّ شرو ہون تے (دیوی نے) کروڑاں ویراں نوں دو دو ہسیاں وچ کٹ سٹیا۔
بہت سارے دھڑاں اتے سراں نوں کھلار دتا (اتے انھاں دے) شو جی نوں سندر ہار پوائے گئے۔
جدھر نوں (درگا) جاندی ہے، ادھروں ویری کوئی نا کوئی بہانا بنا کے بھجی جا رہے سن۔
یدھّ-بھومی وچ رولا پین تے کمل ورگے نیناں والی (دیوی) روہ نال بھرے ہوئے شیر نال رن وچ شوبھدی سی ۔۔24۔۔
سمبھ اتے نسمبھ آدک سارے سورمے اکھنڈ کرودھ نال امڈ پئے۔
انھاں نے کوچ اتے کرپاناں دھارن کیتیاں ہوئیاں ہن اتے کماناں اتے بان کسے ہوئے ہن اتے ہتھ وچ تلواراں اتے کھنڈے پکڑے ہوئے ہن۔