(ہے پربھو! توں) سبھ دا دیو (اشٹ) ہیں،
سبھ دے بھید نوں جانن والا ہیں،
سبھ دا کال ہیں
اتے سبھ دا پالک ہیں ۔۔78۔۔
روآل چھند: تیری کرپا نال:
(ہے پربھو! توں سبھ دا) آدِ-روپ، سبھ توں پہلاں ہون والا سروپ، ایونج اتے اپر اپار پرکھ ہیں؛
سبھ دا مان، تنّ دیوتیاں دوارا منن یوگ، ابھید اتے مڈھّ-کدیم توں ادار ہیں؛
سبھ دا پالک، سبھ دا ناشک اتے پھر سبھ دا کال-روپ ہیں؛
جتھے کتھے نرلپت ('اودھوت روپ') ہون تے وی پسیجن والا ہو کے براج رہا ہیں ۔۔79۔۔
جس دا نام، دھام، جاتِ، روپ، رنگ اتے ریکھ نہیں ہے؛
جو آدِ پرکھ، ادار سروپ والا، اجونی اتے مڈھّ توں ہی اشیش-روپش (پرپورن) ہے؛
جس دا دیس، بھیس، روپ، ریکھ اتے راگ (موہ) نہیں ہے؛
جتھے کتھے دشا-ودشا (چوہاں پاسے) وچ پریم روپ ہو کے پسریا ہویا ہے ۔۔80۔۔
جو نام، کامنا توں بنا دسدا ہے، جس دا کوئی گھر-گھاٹ نہیں ہے؛
جو سبھ دا مان اتے سبھ دوارا مانیا جان والا اتے جس نوں سدا (اسیں) مندے ہاں؛
اہ اک روپ والا، پر انیک روپاں وچ دسن والا اتے انیک روپاں نوں کرن والا ہے؛
کھیڈ کھیڈ کے پھر اکھیڈن دی اوستھا ہو کے انت نوں پھر اک ہو جاندا ہے ۔۔81۔۔
(جس دا) بھید دیوتے، وید اتے کتیب (سامی دھرم پستکاں) نہیں جاندے؛
(جس دا) روپ، رنگ، جاتِ-پاتِ پتا نہیں کہو جہا ہے؛
جس دا پتا، ماتا اتے جاتِ نہیں ہے اتے جو جنم-مرن دے چکر توں رہت ہے؛
جس (دے ہکم) دا تیزی نال گھمدا ہویا ('بکر') چکر چوہاں چکاں وچ بھوندا پھردا ہے اتے (جس دا ہکم) تناں لوکاں وچ منیا جاندا ہے ۔۔82۔۔
جس دا جاپ چوداں لوکاں دے سارے جگت وچ ہو رہا ہے؛
جو آدِ دیو، آدِ (مڈھّ) توں رہت سروپ والا اتے جس نے ساری سرشٹی (ستھاپنا) نوں ستھاپت کیتا ہویا ہے؛
جو پرم سریشٹھ روپ والا، پوتر سروپ والا اتے پورن تے اپار پرکھ ہے؛
جس آپنے آپ ہون والے (سویمبھو) نے سارے جگت نوں رچیا ہے اتے سبھ نوں بناؤن اتے ڈھاہن والا ہے ۔۔83۔۔
(اس) کال-رہت، کلا (شکتی) سہت اکال پرکھ نوں نمسکار ہے؛
اہ دھرم دا سروت، بھرم توں رہت، پنج تتواں توں نیارا، ادرش اتے بھیس رہت ہے؛
جس نوں شریر دا موہ نہیں، جس دا کوئی رنگ، جاتِ-پاتِ جاں نام نہیں ہے؛
جو ہنکار نوں نشٹ کرن والا ہے، دشٹاں دا دمن کرن والا، مکتیداتا اتے کامناواں پوریاں کرن والا ہے ۔۔84۔۔
جو آپنے روپ والا آپ ہی ہے، اتِ گمبھیر ہے، استت توں اچا ہے، (مایا توں اپربھاوت روپ والا) پوتر اکو اک پرش ہے؛
ہنکار نوں توڑن والا، سبھ نوں بھنن والا آدِ روپ اتے اجنما ہے؛
اہ شریر-رہت، ناشرہت اتے آتما رہت اک اپار پرش ہے؛
اہ سبھ کجھ کرن دے یوگ، سبھ دا سنگھارک اتے سبھ دا پالن ہار ہے ۔۔85۔۔
اس دی سبھ تک پہنچ ہے، اہ سبھ دا سنگھارک اتے سبھ توں نرالا ('انبھیکھ') ہے؛
اس دے روپ رنگ اتے آکار ('ریکھ') نوں سارے شاستر جاندے تک نہیں،
اس دا وید، پران (آدِ سارے دھرم گرنتھ) سریشٹھ اتے بیئنت روپ وچ سدا ورنن کردے ہن۔
کروڑاں سمرتیاں، پراناں اتے شاستراں دوارا اہ چتویا نہیں جا سکدا ۔۔86۔۔
مدھبھار چھند: تیری کرپا نال:
(ہے پربھو! توں) ادارتا آدِ گناں دا سموہ ہیں،
اپار مہما والا ہیں،
ستھر آسن والا ہیں،
تیری اپما نرادھار (اننگ) ہے ۔۔87۔۔
(ہے پربھو! توں) ستہ گیان دا پرکاشک ہیں
اتے رات دن نشٹ نا ہون والا ہیں،
گوڈیاں تک لمبیاں بانہواں والا ہیں،
شاہاں دا شاہ (سبھ توں اپر) ہیں ۔۔88۔۔
(ہے پربھو! توں) راجیاں دا راجا ہیں،
سورجاں دا سورج ہیں،
دیوتیاں دا دیوتا ہیں،
مہان اپما والا ہیں ۔۔89۔۔
(ہے پربھو! توں) اندراں دا اندر ہیں،
بالاں دا بال (سرل سبھا والا) ہیں،
غریباں دا وی غریب ہیں،
کالاں دا وی کال ہیں ۔۔90۔۔