جدوں (دوہاں دھراں نے اس تراں) یدھّ وچ ہار کھا لئی
(تدوں) وشنو نے وچار کیتا اتے انتر-دھیان ہو گیا مانو (اس نے کوئی) تنتر کیتا ہووے۔
(پھر) مہا موہنی دا انوپم روپ دھارن کیتا،
(جس نوں) ویکھ کے دیوتے اتے دینتے راجے بہت پرسنّ ہوئے ۔۔20۔۔
اتھے سری بچتر ناٹک گرنتھ دا نر (تیجا اتے) نارائن چوتھا اوتار ورنن سماپت ۔۔4۔۔
ہن مہا موہنی اوتار دا کتھن:
سری بھگؤتی جی سہائ:
بھجنگ پریات چھند:
(وشنو نے) مہا موہنی والا اپار روپ دھارن کیتا
(جس نوں ویکھ کے) دتِ اتے ادتِ پتر (دینت اتے دیوتے) موہت ہو گئے۔
سارے پریم دے یوگ وچ مست ہو کے ریجھ گئے
اتے استر، شستر اتے گرب نوں تیاگ دتا ۔۔1۔۔
(سارے) پریم دے پھندھے وچ پھس گئے اتے کرودھ توں بنا ہو گئے۔
(ساریاں نوں اس دے) نیناں اتے بولاں (دے بان لگے) اتے (اس دی سندرتا دی) مدرا پین لئی دوڑے۔
(سارے اس دے ساہمنے) گھمیری کھا کے دھرتی اتے ڈگ رہے سن مانو پران ہی نکل گئے ہون۔
سارے چیتنا ہین ہون لگے جویں تیر لگے ہندے ہ نا ۔۔2۔۔
سارے سورمے چیتنا تو بنا ہوئے پرتیت ہندے سن۔
سارے ارب کھرب سینکاں دے استر اتے شستر رہِ گئے سن۔
(موہنی دے) پریم دے یوگ وچ (انھاں دیاں) اکھیاں اس تراں لگیاں سن،
جویں ہیرے ہرن نے (ہرنیاں نوں) آپنے پریمپھندھے وچ پھسایا ہویا ہے ۔۔3۔۔
موہنی نے (جس تراں) رتن ونڈے، اس (پرسنگ) نوں تسیں جاندے ہو۔
کتھا دے ودھن (دے ڈر توں) تھوڑی گلّ ہی کہندا ہاں۔
سارے (دیوتے اتے دینت) سورویر کتاراں بنھ کے بیٹھ گئے۔
(انھاں نے) کمرکسے کھولھ دتے اتے تیراں تے تلواراں نوں تیاگ دتا ۔۔4۔۔
چوپئی:
(موہنی روپ وشنو نے) سارے جگت نوں دھننتری وید دے دتا
اتے کلپ برچھ تے لچھمی آپنے کول رکھ لئے۔
شو نوں کال-کوٹ زہر اتے ساریاں لوکاں نوں رمبھا اتے اپچھرا دتیاں
جو ساریاں نوں سکھ دین والیاں اتے (انھاں دے) سوگاں نوں ہرن والیاں سن ۔۔5۔۔
دوہرا:
کھیتی نوں پکاؤن لئی چندرما (آکاش وچ ستھت کیتا) اتے کوستبھ منی اتے لچھمی نوں آپنے کول رکھیا۔
(منی نوں اس نے) گلے وچ (ہار وجوں) پا لیا، اس دی چمک سپشٹ دسدی سی ۔۔6۔۔
رشیاں نوں کامدھینُ گؤ دتی، (سُ میں) کتھوں تک وچار پرگٹ کراں۔
(ہے سروتیو! تسیں خد) شاستراں نوں پڑھ کے اتے کویاں دے مکھ توں پچھّ کے (لوڑیندی) سودھ کر لوو ۔۔7۔۔
بھجنگ پریات چھند:
سارے دیوتے اتے دینت (اس ونڈ توں) اس تراں پرسنّ سن
جس تراں (گھنٹاہیڑا) دی آواز کنھاں نال سن کے ہیرا ہرن (مست ہو جاندا ہے)۔
سارے رتن ونڈے گئے، لڑائی ختم ہو گئی۔
اس تراں سری وشنو نے پنجواں اوتار دھارن کیتا ۔۔8۔۔
اتھے سری بچتر ناٹک گرنتھ دے مہا موہنی پنجویں اوتار دی سماپتی ہوئی، سبھ شبھ ہے ۔۔5۔۔
ہن بیراہ (واراہ) اوتار دا کتھن:
بھجنگ پریات چھند:
بھگوان (موہنی) نے شراب اتے امرت ونڈ دتے
اتے دیوتے اتے دینت (آپنے آپنے) ٹھکانیاں اتے ستھاناں نوں چلے گئے۔
انھاں دوہاں وچالے پھر کلیش ودھّ گیا۔
دیوتے بھج گئے اتے ججھارو دینت جت گئے ۔۔1۔۔
ہرنکشپ اتے ہرناخش (ناں دے) دو دینت ویر (ہوئے، انھاں نے)
ساریاں لوکاں دی دھن-دولت جت لئی۔