دوویں لڑائی کرن لئی اتارو ہو گئے
اتے تلواراں کڈھّ کے غسے نال تپ گئے۔
پیو نے تلوار لے کے پتر دے سر وچ ماری
اتے پتر نے (تلوار) کڈھ کے پتا دے سر وچ ماری ۔۔14۔۔
میں کھڑوتی ہوئی نے اہ چرتر ویکھیا،
ہے پرماتما! میریاں اکھاں پھٹ کیوں نا گئیاں؟
انھاں نوں داؤ بچانا نا آیا۔
اس لئی دوہاں دا کال آ گیا ۔۔15۔۔
ہے پربھو! ہن دسو میں کی کراں۔
کی ہردے وچ کٹار مار کے مر جاواں۔
سنیاسی ہو کے بن نوں چلی جاواں
اتے چھوٹے پتر دے سر اتے راج-چھتر جھلا دیاں ۔۔16۔۔
پہلاں پتی اتے پتر نوں ماریا
اتے پھر چھوٹے پتر نوں راج دے دتا۔
پھر جوگن دا روپ دھارن کیتا
اتے پھر اتر دشا دے مارگ اتے پے گئی ۔۔17۔۔
دوہرا:
اتھے جا کے شو دی بہت تراں نال تپسیا کیتی۔
(اس) استری دی کٹھور سادھنا (تپسیا) نوں ویکھ کے ردر ('بھوت راٹ') پرسنّ ہو گئے ۔۔18۔۔
چوپئی:
(شو نے) کہا ہے پتری! (توں) ور منگ ('برمبیہ')
جو تیرے ہردے وچ ویاپ رہا ہے۔
(رانی نے کہا) ہے پتا! جے دینا چاہو، (تاں میں) تہاڈے توں اہ ور پراپت کراں
کِ بردھ توں جوان ہو جاواں ۔۔19۔۔
دوہرا:
شو نے (ور) دتا اتے (اہ) بڈھی توں جوان ہو گئی۔
سپّ دے کنج اتارن وانگ (اس استری نے) پراتن چمڑی اتار دتی ۔۔20۔۔
چوپئی:
جد اہ بردھ توں جوان ہو گئی
تاں چل کے اسے نگر ول گئی
جتھے (اس دا) پتر شکار کھیڈن چڑھیا ہویا سی
اتے (بہت سارے) رچھ، روجھ اتے باراسنگھے مارے ہوئے سن ۔۔21۔۔
تد (اس استری نے) اک ہرنی دا بھیس دھار لیا
اتے شریر دے سارے سندر بستر اتار دتے۔
ہرنی دا روپ دھار کے اتھے جا نکلی
جتھے پتر شکار کھیڈ رہا سی ۔۔22۔۔
اس (ہرنی بنی رانی) دے پچھے پتر نے (گھوڑا) بھجا دتا
اتے کسے سنگی ساتھی ول نا ویکھیا۔
اہ اکلا بہت دور نکل گیا
جتھے بہت بھیانک بن سی ۔۔23۔۔
جتھے سال اتے تمال دے وڈے برچھ سن
اتے نمبو، کدم اتے جٹاواں والے بوہڑ سن۔
سیبر (سمبل جاں سریپھل) تاڑ، کھجور آدِ دے بھاری (درخت) سن۔
(انج لگدا سی) مانو پرماتما نے آپنے ہتھاں نال انھاں نوں بنایا ہووے ۔۔24۔۔
ہرنی اتھے پہنچ کے الوپ ہو گئی
اتے اتم استری دا بھیس بنا لیا۔
آ کے اس نوں آپنا روپ وکھایا
اتے راج کنور نوں موہت کر دتا ۔۔25۔۔