تیرا دھیرج میں ادوں ویکھانگا، جدوں سنکٹ پویگا اتے (میں) اک تیر چلاوانگا۔
(توں) مورچھت ہو کے دھرتی اتے ڈگ پئینگا اتے رتھ وچ ٹھہریا نہیں رہِ سکینگا۔
میرے اکو ہی بان دے لگن نال (توں) ہنے ہی آکاش منڈل وچ اڈ جاوینگا ۔۔1829۔۔
اس تراں جدوں سری کرشن نے بول کہے، تاں راجے نے من وچ کرودھ ودھا لیا۔
آپنے رتھوان نوں کہِ کے اس توں سری کرشن ول رتھ بھجوایا۔
دھنش دا چلا چڑھا کے اتے بہت کرودھوان ہو کے لال رنگ دا بان کس کے چلا دتا۔
(انج پرتیت ہندا ہے) مانو کرشن نوں گرڑ دا سوار (وشنو) سمجھ کے (گرڑ پنچھی توں) لکن لئی تچھک ناگ دوڑیا ہووے ۔۔1830۔۔
اس بان نوں آؤندیاں ویکھ کے سری کرشن نے آپنے شستر سمبھال لئے
اتے کنّ تک دھنش نوں کھچ کے (اہ بان) چلا دتے جنھاں دیاں کھمبھیاں کالیاں سن۔
راجا (جراسندھ) نے ڈھال سمبھال لئی ہے (اتے اہ بان) اس وچ لگے ہن جو کھچے نہیں جا سکدے۔
(انج پرتیت ہندا ہے) مانو سورج نوں گرسن لئی راہو دی سواری (کالی گرجھ) نے کھمبھ پسارے ہون ۔۔1831۔۔
(سری کرشن نوں بان چلاؤندیاں ویکھ کے) راجے نے ہتھ وچ دھنش دھارن کر لیا اتے سری کرشن نوں ویکھ کے (اس اتے) بان چلائے ہن۔
(راجے دے) ہتھ دے بل نال (بان) اؤں چھٹدے ہن، جس دی اپما کوی شیام سناؤندے ہن،
جیوں بدلاں دیاں بونداں روپ بان سری کرشن اپر آؤندے ہن۔ (انج پرتیت ہندا ہے)
مانو (کرشن) سورما نہیں (اگنی ہے) جس نوں بھچھن لئی بان روپ پتنگے مل کے دوڑے چلے آ رہے ہن ۔۔1832۔۔
راجا جو بان چلاؤندا ہے، انھاں نوں سری کرشن کٹ کے ہیٹھاں سٹ دندے ہن۔
پھوکاں اتے پھلاں دے وچالیوں ہی (باناں نوں) چھناں وچ ہی ٹکڑے کر کے سٹ دندے ہن۔
(اہ ٹوٹے ہوئے بان) دھرتی اتے اس تراں پئے ہن مانو کسان نے کماد دے بیج کڈھے ہون۔
سری کرشن دے بان باز وانگ ہن (جنھاں نے) ویری دے باناں روپ پنچھیاں نوں مار سٹیا ہووے ۔۔1833۔۔
دوہرا:
اک پاسے سری کرشن جراسندھ نال لڑ رہے ہن
اتے دوجے پاسے بلرام نے ہل پکڑ کے چترنگنی سینا مار دتی ہے ۔۔1834۔۔
سوییا:
بلرام ہتھ وچ کرپان لے کے گھوڑے، ہاتھی، رتھ والیاں اتے پیدلاں نوں ماردا آ رہا ہے۔