میں جس ول وی کرودھ کر کے گیا، میرے ساہمنے کوئی وی سورویر نہیں ٹکیا۔
میری غرز نوں سن کے ہن تک وی کسے نے (آپنے) ہتھ وچ ہتھیار نہیں سمبھالیا۔
اتنا کجھ ہندے ہوئے وی، جو میرے نال آ کے لڑیا ہے، اہ کرشن سچ مچ ہی ویر یودھا ہے ۔۔2229۔۔
سری کرشن توں جو ہزار بانہواں والا بھج گیا، اس نے (پھر) یدھّ نا مچایا۔
آپنیاں دو بھجاواں ہوئیاں ویکھ کے (اس نے) آپنے چت وچ بہت دکھ مہسوس کیتا۔
جس نے سری کرشن دے گن گائے ہن، اس نے جگت وچ یش کھٹیا ہے۔
اسے کر کے، سنتاں دی مہر نال (کوی) شیام نے اس تراں کہِ کے کجھ (یش) سنایا ہے ۔۔2230۔۔
شو پھر آپنے نال سارے گن لے کے کرودھوان ہو کے آ گیا۔
کوی شیام کہندے ہن، سری کرشن دے ساہمنے (سارے) سورمے کرودھت ہو کے آ گئے۔
بان، کرپان، گدا اتے برچھی (آدِ شستر) پکڑ کے اتے کرودھ نال ناد وجا کے آ گئے۔
انھاں ساریاں سورمیاں نوں سری کرشن نے چھن بھر وچ یملوک بھیج دتا ۔۔2231۔۔
اکناں نوں سری کرشن نے گدا نال مار دتا اتے اکناں نوں سمبر دے ویری (پردمن) نے ختم کر دتا۔
اک بلرام نال لڑے اتے پھر گھر جیؤندے نہیں پرتے۔
جو پھر سری کرشن نال آ کے لڑے انھاں نے (سری کرشن دے) چت وچ اوج نوں ودھا دتا۔
انھاں نوں (سری کرشن نے) پھر اس تراں ٹوٹے ٹوٹے کر دتا کِ اہ گدھاں اتے گدڑاں دے ہتھ وی نہیں لگے ۔۔2232۔۔
اتھے اس تراں دا یدھّ ویکھ کے (باناسر نے) چت وچ بہت کرودھ ودھا لیا۔
آپنیاں دوہاں بھجاواں نوں آپنے ہی ہتھاں نال ٹھوک کے آپ ہی ناد وجایا۔
جویں کرودھت ہو کے اندھک دینت اتے ہملاور ہویا سی، اس تراں کرودھ کر کے سری کرشن اتے دھا کے پے گیا۔
(کوی دے) من وچ اس تراں اپما پیدا ہوئی مانو شیر نال لڑن لئی شیر آیا ہووے ۔۔2233۔۔
(جد) بہت یدھّ مچ پیا، تد شو نے، (اس کول) جو اک تاپ سی، اس نوں سمبھالیا (ارتھات پریرت کیتا)۔
سری کرشن نے سارے بھید نوں سمجھ کے 'سیت جور' (کامبے والے تاپ) نوں اس ول بھیجیا۔
'سیت جور' نوں ویکھ کے 'تاپ' بھج گیا، زرا وی نا سمبھل سکیا۔
(کوی دے) من وچ اس تراں دی اپما پیدا ہوئی، (مانو) پون دا ماریا ہویا بدل اڈیا جاندا ہووے ۔۔2234۔۔
شو (دے من) وچ جتنا وی ہنکار سی، (اہ) سارا سری کرشن نے کرودھت ہو کے اتے یدھّ کر کے نشٹ کر دتا۔
اس نے جو تیراں دی جھڑی لائی سی، اس وچوں اک وی (تیر سری کرشن دے شریر نوں) چھوہ نا سکیا۔
ہور وی (شو دے) نال جتنے گن سن، (انھاں) ساریاں نوں سری کرشن نے (تیراں دے) گھاؤاں نال گھائل کر دتا۔
سری کرشن دی اس تراں دی بہادری ویکھ کے شو (انھاں دے) پیراں نال لپٹ گیا ۔۔2235۔۔
شو نے کہا:
سوییا:
ہے پربھو! بھل کر کے میں (اجہا) گھٹیا کمّ کیتا ہے کِ تہاڈے نال یدھّ کرنا چاہیا ہے۔
تاں کی ہویا، جے (میں) کرودھ کر کے (تہاڈے نال) آ کے لڑیا ہاں، پھر کی ہویا، اتھے میرا مان رہا ہے۔
تیرے گناں نوں گاؤن والا شیش ناگ اتے برہما ہار گیا ہے۔
تہاڈے گن نوں کوئی کتھوں تک گنے، جس دا بھید وید وی نہیں کہِ سکدے ۔۔2236۔۔
کوی نے کہا:
سوییا:
کی ہویا جے سر اتے جٹاں دھارن کر کے جگت نوں تپسویاں والا بھیکھ دکھایا ہے۔
کی ہویا جے دوہاں اکھاں نوں چنگی تراں بند کر کے ہری دے گناں دا گائن کیتا ہے۔
ہور، کی ہویا جے ہتھ وچ آرتی لے کے اتے دھوپ جگا کے سنکھ وجایا ہے۔
(کوی) شیام کہندے ہن، تسیں ہی کیوں نا دسو کِ بنا پریم دے کس نے سری کرشن نوں پراپت کیتا ہے ۔۔2237۔۔
چار مونہاں والا (برہما) اسے سمان چھ موہاں والا (کارتکے) اتے ہزار مونہاں والا (شیشناگ) وی گن گاؤندا ہے۔
نارد، اندر، شو، ویاس آدِ انھاں نے سری کرشن دے گناں دا گائن کیتا ہے،
چوہاں ہی ویداں نے بھید نہیں پایا۔ سارا جگت کھوج رہا ہے، (پر) کسے نے وی پار نہیں پایا۔
(کوی) شیام کہندے ہن، تسیں ہی کیوں نہیں دسدے کِ بنا پریم دے کسے نے سری کرشن نوں پرسنّ کیتا ہے ۔۔2238۔۔
شو نے کرشن نوں کہا:
سوییا:
شو جی سری کرشن دے پیریں پے گیا اتے کہن لگیا، ہے کرشن جی! میری بینتی سن لوو۔
(میں تہاڈا) سیوک اک ور منگدا ہاں، ہے دیاندھی! ہن ریجھ کے اہ (ور) دے دیو۔
کوی شیام کہندے ہن، مینوں ویکھ کے کدے تاں کرن رس نال بھج جاؤ۔