رساول چھند:
جتنے وی رام (آدِ اوتار) ہوئے ہن،
سارے انت نوں سریر تیاگ گئے ہن۔
جتنے کرشن (ورگے اوتار) ہوئے ہن،
سارے انت وچ چلے گئے ہن ۔۔70۔۔
(بھوش وچ) جتنے دیوتے ہونگے،
(اہ) سارے انت وچ چلے جانگے۔
جتنے وی بدھّ (ورگے مہاپرش) ہوئے ہن،
(اہ) سارے انت نوں نشٹ ہو گئے ہن ۔۔71۔۔
جتنے دیو-راج (ہوئے ہن)
(اہ) سارے انت نوں چلے گئے ہن۔
جتنے وی دینت-راجت (ہوئے ہن)
انھاں نوں کال نے لے لیا ہے (نشٹ کر دتا ہے۔)۔۔72۔۔
نر سنگھ ورگے اوتار نوں وی
کال نے مار دتا۔
وڈے وڈے دنڈ-دھاریاں دا وی
بلوان کال نے ناش کر دتا ۔۔73۔۔
(اوتار روپ) باون براہمن نوں وی
کال نے مار دتا۔
وڈے سر والے مچھّ اوتار نوں وی
کال نے جال (جھنڈں) وچ پھسا لیا ۔۔74۔۔
جتنے وی (وڈے وڈے) ہو چکے ہن،
انھاں نوں کال نے جت لیا ہے۔
جتنے (مہاکال دی) شرن وچ جانگے،
انھاں (ساریاں نوں) بچا لئیگا ۔۔75۔۔
بھجنگ پریات چھند:
اس (مہاکال) دی شرن (وچ گئے توں) بنا ہور کوئی اپا نہیں ہے (کال توں بچن دا)۔
کی دیوتے اتے دینت، کی کنگال اتے راجے،
کی بادشاہ، کی امیر (خاندانی)
(سبھ) اس دی اوٹ توں بنا کروڑاں اپا (کرن نال وی کال دی مار توں بچ) نہیں سکدے ۔۔76۔۔
جتنے وی جیو جنت (اس نے) دنیا وچ پیدا کیتے ہن،
(اہ) سارے انت سمیں بلوان کال نے مار دتے ہن۔
اس دی شرن توں بنا (بچن دی) ہور کوئی اوٹ نہیں ہے،
(بھاویں) کتنے ہی ینتر لکھ لئے جان جاں منتر پڑھ لئے جان ۔۔77۔۔
نراز چھند:
جتنے وی راجے اتے رنک ہوئے ہن،
(انھاں نوں) ٹیڈھی چال والے کال نے مار دتا ہے۔
جتنے لوک-پال (ہوئے ہن، انھاں نوں)
انت وچ کال نے دل دتا ہے ۔۔78۔۔
جہڑے کرپان نوں ہتھ وچ دھارن کرن والے (مہاکال) نوں جپدے ہن،
(اہ رکھیا لئی) بیشمار سادھن جٹا لیندے ہن۔
جتنے وی کال (مہاکال) نوں دھیاؤندے ہن،
اہ جگت اتے جت پراپت کر کے جاندے ہن ۔۔79۔۔
(جس دا) سروپ بچتر اتے سندر ہے
اتے بہت پوتر ہے،
(جو) الوکک روپ وچ سج رہا ہے،
(اس دا ناں) سن کے پاپ بھج جاندے ہن ۔۔80۔۔
(اس دے) وشال اتے لال نیتر
بیئنت پاپاں نوں نشٹ کرن والے ہن۔
(اس دے سروپ دی) چندرما توں وی سندر چمک نے
انیک پاپی تارے ہن ۔۔81۔۔
رساول چھند:
جتنے لوک پال ہن،
اہ سارے کال دے ادھین ہن۔
جتنے سورج تے چندرمے ہن اتے
کی اندراں دے سمچّ ہن (سبھ کال دے وس وچ ہن) ॥82۔۔
بھجنگ پریات چھند:
چوداں لوکاں وچ کال دا چکر چلدا ہے۔
(اس نے) ٹیڈھی بھوں پھرا کے سارے ناتھاں نوں نتھ لیا ہے۔
کی رام اتے کرشن، کی چندرما اتے سورج،
سارے کال دی ہزوری وچ ہتھ بنھی کھڑوتے ہن ۔۔83۔۔
سوییا:
کال (سماں) پا کے ہی بھگوان (وشنو) ہویا جس دی کلا (شکتی) نال اہ جگت جاگ رہا ہے (گتیمان ہے)۔
کال پا کے ہی برہما پرگٹ ہویا اتے کال ہی پا کے شو یوگی ہویا۔
کال ہی پا کے دیوتے، دینت، گندھرب، یکش، سپّ، دشاواں اتے ودشاواں ہوند وچ آئیاں۔
ہور جو ورتمان پدارتھ ('سکال') ہن، اہ سارے کال دے وس وچ ہن، بس اکو مہاکال ہی کال دے پربھاو توں رہت ہے ۔۔84۔۔
بھجنگ پریات چھند:
(ہے) دیوتیاں دے دیوتے! (تینوں) نمسکار ہے، ہے کھڑگدھاری! (تینوں) نمسکار ہے۔
(توں) سدا اک روپ وچ رہن والا اتے وکاراں توں رہت ہیں۔
(ہے) رجو، ستو اتے تمو گناں والے! (تینوں) نمسکار ہے۔
(ہے) وکاراں توں رہت! (تینوں) نمسکار ہے، ہے روگاں توں رہت! (تینوں) نمسکار ہے ۔۔85۔۔
رساول چھند: