ساریاں (رام چندر دے) پیریں آ لگیاں
اتے سریشٹھ پرش رام دے درشن کیتے ۔۔627۔۔
(اس) اوبڑ کھابڑ دھرتی اتے ادھر ادھر لیٹدیاں سن۔
راکھش-استریاں زور-زور نال روندیاں سن۔
آپنے کھلرے ہوئے کیشاں نوں پٹّ-پٹّ کے سٹدیاں سن،
لٹے گئے راہی (پتھک) وانگ کوکدیاں سن اتے (انھاں دا سارا) بھیس سدھّ-ہست نٹ ورگا سی ۔۔628۔۔
سندر بستراں نوں بیسری اوستھا وچّ پاڑ رہیاں سن،
مٹی نوں ہتھاں نال سر اتے پاندیاں سن،
ترت دھرتی اتے لیٹ رہیاں سن، غم نال جھاٹیاں نوں پٹدیاں
اتے گھبرائیاں ہوئیاں گھمّ رہیاں سن ۔۔629۔۔
رساول چھند
رام نوں جدوں (انھاں نے) ویکھیا
تاں وڈا روپمان جانیا۔
ساریاں رانیاں سر
نوان لگ گئیاں ۔۔630۔۔
رام دے روپ نوں دیکھ کے موہیاں گئیاں،
لنکا وچّ رام دی دہائی پھر گئی۔
اس (وبھیشن) نوں (رام نے) لنکا (اؤں دے دتی)
جویں راجے لئی ٹکا دینا ہندا ہے ۔۔631۔۔
(رام) کرپا-درشٹی نال بھجّ گئے
اتے (رانیاں دی دشا دیکھ کے) نیتر نیویں کر لئے۔
انھاں توں جل اس تراں جھر رہا سی
جس تراں مہا میگھ (توں مینہ وس رہا ہووے) ॥632۔۔
(رام نوں) ویکھ کے استریاں پرسنّ ہو گئیاں،
کام دے تیر نال ماریاں گئیاں،
رام دے روپ نال ونھیاں گئیاں۔
پر (رام) مہان دھرم دے گھر سن ۔۔633۔۔
(رانیاں نے آپنے) سوامی دی پریت چھڈّ دتی ہے۔
(انھاں دے) چتّ وچّ رام کھبھّ گئے ہن۔
(اس لئی اکھاں جوڑ رہیاں سن
اتے مستی والے بچن بول رہیاں سن ۔۔634۔۔
رام چندر چنگے ہن،
دل روپ ہار نوں ہرن والے ہن
اتے چتّ نوں اؤں (چرا کے) لئی جاندے ہن،
مانو چور دھن نوں (چرا کے لے چلیا ہووے) ॥635۔۔
(مندودری نے ہورناں رانیاں نوں کہا-) ساریاں جا کے (سری رام) دے چرنیں لگو
اتے پتی دے ویر بھاو نوں تیاگ دیو۔
(اہ سن کے) ساریاں استریاں بھج کے آئیاں
اتے سری رام دے چرنیں لگّ گئیاں ۔۔636۔۔
انھاں نے رام نوں مہا روپ وان جانیا
تے چتّ (چراؤن والا) چور منیا۔
(سری رام دا روپ انھاں دے) چتّ وچّ اس تراں چبھ گیا،
جس تراں تکھے تیر کھبھ جاندے ہن ۔۔637۔۔
(رام چندر) سنہری روپ والے پرتیت ہندے ہن
اتے سارے راجیاں دے راجے ہن۔
(انھاں دے) رنگ وچّ ساریاں دے نین رنگے ہوئے ہن
اتے آکاش وچّ دیوتے پرسنّ ہو رہے ہن ۔۔638۔۔
جس نے اک وار