اس نوں ویکھ کے کرودھوان ہو کے کرشن جی نے (اس نوں) دوہاں ہتھاں نال بل پوروک پکڑ لیا ہے ۔۔768۔۔
سنگاں توں پکڑ کے (اس نوں) سٹ دتا جو اٹھارھاں کدماں اتے جا کے ڈگیا۔
(اہ) پھر اٹھیا اتے من وچ کرودھ کر کے پھر سری کرشن دے ساہمنے آ کے لڑن لگ گیا۔
کرشن جی نے پھر (اس نوں) سٹ دتا، اہ کتھے جاکے ڈگا ہے، (پتا نہیں) (پر اہ) جیؤندا نہیں بچیا۔
نا لڑیا ہے اتے نا مریا ہے، (سگوں) سری کرشن دے ہتھاں دی چھوہ نال اس دی مکتی ہو گئی ہے ۔۔769۔۔
اتھے سری بچتر ناٹک گرنتھ دے کرشناوتار دے برکھبھاسر دینت دے بدھ دا ادھیائ سماپت، سبھ شبھ ہے۔
ہن کیسی دینت دے بدھ دا کتھن:
سوییا:
اس نال وڈا یدھّ کر کے، سری کرشن نے اس وڈے ویری نوں مار دتا۔
تد نارد متھرا نگر وچ چلا گیا اتے کنس نال بچن کردیاں اس تراں کہا،
(ہے کنس!) تیری بھین دے پتی (بہنوئی) نے نند دی دھی نوں چرا کے (بندیخانے وچ لیاندا ہے اتے) تیرا ویری اس دے گھر چھڈ آیا ہے۔
اگھاسر دینت اتے بکاسر ورگے سورمیاں نوں اس نے مار دتا ہے جدوں اہ بل ہار بیٹھے سن ۔۔770۔۔
کنس نے پرتِ اتر وجوں کہا:
سوییا:
متھرا دے راجے (کنس) دے من وچ کرودھ بھر گیا اتے فکر کرن لگا کِ اس (کرشن) نوں مارنا چاہیدا ہے۔
اس دے برابر ہور کوئی کمّ نہیں کِ اس نوں مار کے آپنے آپ نوں بچایا جائے۔
تد نارد ہسدیاں ہویاں بولن لگیا، ہے راجن! سنو، اس تراں کارج کرنا چاہیدا ہے۔
کوی شیام کہندے ہن، (نارد نے سجھا دتا) چھل نال، بل نال آپنے ویری دا سر اتار لینا چاہیدا ہے ۔۔771۔۔
کنس نے نارد نوں کہا:
سوییا:
تد کنس نے ہتھ جوڑ کے (نارد نوں) پرنام کیتا اتے کہا، ہے رشی جی! سنو، تسیں سچی (گلّ) کہی ہے۔
اس دی پیڑ دن رات میرے من وچ وس رہی ہے۔
جس نے اگھ دینت اتے بلوان بک نوں مار دتا ہے اتے (جس نے) پوتنا نوں تھناں توں پکڑ کے کابو کر لیا ہے۔
اس نوں چھل نال، جاں سنگ کر کے جاں بل نال مار دینا چاہیدا ہے، اہ گلّ سہیہ ہے ۔۔772۔۔