سوییا:
جد سری کرشن نے مر دینت نوں تلوار نال مار دتا، اسے ویلے اس دے پران یملوک نوں بھیج دتے۔
کوی شیام کہندے ہن، (مر دے ہورناں یودھیاں نے) باناں، کماناں اتے تلواراں نال بہت تکڑا یدھّ کیتا۔
اس (مر دینت) دا جتنا ٹبر سی، اس نے اس تراں سن لیا کِ مر دینت نوں کرشن نے مار دتا ہے۔
(پھر) اس دے ستّ پتر بہت ساری چترنگنی سینا لے کے سری کرشن اتے چڑھ آئے ۔۔2126۔۔
(کوی) شیام کہندے ہن، سری کرشن نوں دساں دشاواں توں گھیر کے اتے تک تک کے بان مارے ہن۔
کئی یدھویر ہتھاں وچ گدا پکڑ کے اتے پھر من وچوں ڈر دور کر کے لڑے ہن۔
انھاں ساریاں دے شستراں (دے واراں نوں آپنے اپر) سہار کے اتے کرودھت ہو کے آپنے شستراں نوں سمبھال لیا۔
کسے وی سورمے نوں نا چھڈیا اتے ساریاں دے ٹوٹے کر سٹے ۔۔2127۔۔
سوییا:
انگنت سینا ماری ہوئی ویکھ کے، (اتے اہ خبر) سن کے ستے ہی بھرا کرودھ نال بھر گئے۔
کوی شیام کہندے ہن، سارے ہی شستراں نوں لے کے کلکاریاں ماردے ہوئے سری کرشن اتے ٹٹ کے پے گئے۔
سری کرشن نوں چوہاں پاسیاں توں گھیر لیا اتے (اجہا کرن ویلے) آپنے من وچ زرا جنا وی نہیں ڈرے۔
ادوں تک ہی، جدوں تک سری کرشن نے دھنش بان لے کے (انھاں دے) ٹکڑے ٹکڑے نہیں کر دتے ۔۔2128۔۔
دوہرا:
تد سری کرشن نے من وچ بہت ادھک کرودھ کر کے ہتھ وچ سارنگ (دھنش) پکڑ لیا۔
ویری نوں بھراواں سہت کٹ کے یملوک بھیج دتے ۔۔2129۔۔
سوییا:
دھرتی دے پتر (بھوماسر) نے اس تراں سن لیا کِ مر (دینت) دے پتراں نوں کرشن نے مار دتا ہے۔
ہور وی جتنا دل انھاں نال گیا سی، اس نوں وی اک چھن وچ یملوک بھیج دتا ہے۔
اس نال یدھّ کرن دے لائک میں ہی ہاں، اس تراں کہِ کے (اس نے) چت وچ کرودھ ودھا لیا۔
آپنی ساری سینا نوں بلا کے سری کرشن نال یدھّ کرن لئی تر پیا ۔۔2130۔۔
جد بھوماسر یدھّ کرن لئی چڑھیا تاں (کرشن دے) سورمیاں نے (شریراں اپر) کوچ سزا لئے۔
ہور ساریاں نے وی شستراں نوں سمبھال لیا اتے ویری نوں گھیر کے سری کرشن گجن لگے۔
(انج پرتیت ہندا ہے) مانو پرلو کال دے دن والے بدل پرگٹ ہو کے اس تراں ستھت ہو گئے ہون۔
جاں یمراج دے نگر وچ سورمے نہیں (بول رہے) مانو واجے وج رہے ہون ۔۔2131۔۔
جد ویری سینا بدل وانگ امڈ کے آ گئی۔ (تاں پھر) کرشن نے من وچ جان لیا
کِ بھومی دا لڑکا بھوماسر ہے اتے اس نوں راجا کر کے پچھان لیا ہے۔
کوی شیام کہندے ہن، (انج پرتیت ہندا ہے) مانو انت سمیں سمندر دا ہردا امڈ گیا ہووے۔
انھاں نوں کرشن نے ویکھ کے آپنے ہردے وچ زرا جنا وی ڈر نہیں منیا ۔۔2132۔۔
ویری دے ہاتھیاں دے سموہ وچ اس دا دھنش اس تراں چمک رہا سی جویں سارا لوک (جگت) پھٹ گیا ہے۔
جس نے کرودھ کر کے بک (دینت) نوں ماریا ہے اتے جس نے چھن بھر وچ مر (دینت) دا سر کٹ دتا ہے۔
مست ہاتھیاں دا دل انج آ رہا سی جویں بدل گھٹا بنھ کے آؤندے ہن۔
انھاں وچ سری کرشن دا دھنش اس تراں چمک رہا سی جویں بدلاں وچ بجلی چمکدی ہے ۔۔2133۔۔
سری کرشن نے بہت نوں (سدرشن) چکر نال مار سٹیا ہے اتے بہت ساریاں نوں بھج کے چپیڑاں نال مار مکایا ہے۔
اکناں نوں دوڑ کے گدا نال ماریا ہے جو دھرتی اتے ڈگ پئے ہن اتے پھر سمبھلے نہیں ہن۔
اکناں نوں تلواراں نال کٹ سٹیا ہے، اہ ادھّ وچوں کٹے ہوئے وکھرے وکھرے پئے ہن۔
(انج پرتیت ہندا ہے) مانو بن وچ ترکھاناں نے آریاں نال برچھاں نوں کٹ کے سٹ دتا ہووے ۔۔2134۔۔
اک یودھے لڑ کے دھرتی اتے ڈگے پئے ہن۔ اک انھاں دی ہالت ویکھ کے ساہمنیوں ہملا کر کے پئے ہن۔
کوی شیام کہندے ہن، (انھاں نے) چت وچ زرا جنا بھے وی نہیں منیا ہے اتے نا ہی ڈر ودھایا ہے۔
مونہ اگے ڈھالاں دے کے اتے تلواراں لے کے، نسنگ ہو کے کرشن دے اپر آئے ہن۔
انھاں نوں سری کرشن نے اک ہی بان نال مار کے یملوک وچ بھیج دتا ہے ۔۔2135۔۔
جد سری کرشن نے کرودھوان ہو کے ساریاں سورمیاں نوں یملوک وچ بھیج دتا۔
(تد) ہور جنے یودھے جیؤندے بچے سن، انھاں دی ہالت ویکھ کے اہ ڈر کے بھج گئے ہن۔
جو سری کرشن نوں مارن لئی ہملا کر کے پئے سن، اہ پھر جیؤندے نہیں آئے ہن۔
اس تراں کہِ کے اتے سر نوں پھیر کے خد راجا (بھوماسر) یدھّ کرن لئی دھا کے آیا ہے ۔۔2136۔۔
جد یدھّ کرن لئی آؤندے ہوئے راجا (بھوماسر) نوں سری کرشن نے آپنیاں اکھاں نال ویکھیا۔
اہ اس تھاں تے کھڑوتے نا رہے، سگوں یدھّ کرن لئی آپ اگے نوں چل پئے۔