سری بھگؤتی جی سہائ
ہن چنڈی چرتر (اکتِ-بلاس) لکھدے ہاں
پاتشاہی 10
سوییا:
(جو ساریاں دا) مڈھّ، پار-رہت، لکھے جان توں پرے، بیئنت، کال-رہت، بھیکھ-رہت، نا ویکھے جا سکن والا اتے ناش-رہت ہے؛
(جس نے) شو-شکتی، چار وید، رجو-تمو-ستو تنّ گن دتے ہن اتے تنّ لوکاں وچ واس کیتا ہویا ہے؛
(جس نے) دن، رات، سورج، چندرما ورگے دیپک (بنائے ہن) اتے پنج تتواں دا پرکاش کر کے ساری سرشٹی دی رچنا کیتی ہے؛
(جو) دیوتیاں اتے دینتاں وچ ویر ودھا کے (انھاں نوں آپس وچ) لڑاؤندا ہے اتے آپ (انھاں توں الگ تھلگ) بیٹھا تماشا ویکھ رہا ہے ۔۔1۔۔
دوہرا:
ہے کرپا دے ساغر! جے تیری کجھ کرپا میرے اتے ہوئے،
(تاں) درگا دی کتھا دی رچنا کراں (اتے) ساری کوتا ('بانی') سریشٹھ ہو جائے ۔۔2۔۔
(جس دی) جوتِ جگت وچ جگمگا رہی ہے، (جو) چنڈ اتے منڈ (نوں مارن والی بہت) پرچنڈ ہے،
(جس دیاں) بھجاواں دے ڈنڈے دینتاں نوں دنڈ دین والے ہن اتے (جو) دھرتی دے نوں کھنڈاں نوں سسجت کرن والی ہے ۔۔3۔۔
سوییا:
لوکاں نوں تارن والی، پرتھوی دا ادھار کرن والی، دینتاں نوں سنگھارن والی اتے پرچنڈ (سروپ والی) توں ہی ہیں۔
(جگت دے) کارن روپ وشنو دی شکتی لچھمی اتے شو دی شکتی روپ پاربتی جتھے ویکھو اہی ہے۔
(توں ہی) تمو، رجو اتے ستو تناں گناں (دے سار روپ) کوتا کوی دے من وچ گندی ہے۔
(توں) پارس-مورتی (جس نوں) جگت وچ چھوہ گئی، اہ لوہے توں سونا بن گیا ۔۔4۔۔
دوہرا:
(جو) سبھ نوں پرسنّ کرن والی اتے سبھ دے بھے نوں دور کرن والی ہے اتے جس دا ناں چنڈکا ہے،
(اس دے) الوکک چرتر دی رچنا کراں جے توں (مینوں) اتم بدھی دا پرکاش کریں ۔۔5۔۔
پنہا:
ہن جے (تیری) آگیا ہوئے، تاں میں گرنتھ دی رچنا کراں۔
پرسنّ کرن والے رتناں دے تل بچناں نوں چن کے اس وچ جڑھاں۔
سبھ شبھ بھاکھا کر کے (اس) رچنا وچ دھراں۔
(اتے) اپار تے انوکھی کتھا نوں چت وچ سمجھ کے (اس دی رچنا کراں) ॥6۔۔