انھاں گلاں کر کے ہی چندرما دا شریر کلنکت ہویا۔
اسے کر کے دینت راجے شمبھ اتے اشمبھ جم دے گھر گئے۔
اس کمّ کر کے (اک) کریچک نے (ساریاں) کریچکاں نوں نشٹ کروا دتا۔
دھرمراج وی داسی دا پتر بدر اکھوایا ۔۔20۔۔
ہے سندری! سن، میرے کولوں تیرے نال بھوگ نہیں ہوئیگا،
بھاویں شو، سنک آدِ انیکاں ہی سارے مل کے (کیوں ن) کہن۔
اس تراں کہِ کے (اہ) بھجن لگیا۔ استری نے کھڑوتے ہویاں ویکھیا
اتے اس دے دامن نوں ہتھ نال پکڑ کے کھچ لیا ۔۔21۔۔
دوہرا:
(زلیکھاں دے) ہتھ وچ (اس دا) دامن پکڑیا رہِ گیا اتے یوسف بھج گیا۔
اس نال کام-کریڑا نا ہو سکی اتے استری شرمندی ہو کے رہِ گئی ۔۔22۔۔
اڑل:
ہور جو کتھا ہوئی، (اس نوں) کتھوں تک سناواں۔
گلّ دے ودھن توں بچن لئی (باکی) چت وچ ہی رکھنی چاہیدی ہے۔
یوسف جوان ہو گیا اتے استری (زلیکھاں) بردھ ہو گئی،
پر اس دے چت وچوں پریت دی رچی ختم نا ہوئی ۔۔23۔۔
اک دن یوسف ہرن دا شکار کر کے اتھے آیا۔
(زلیکھاں نے) پچھن دے بہانے اس دے (گھوڑے) نوں ہتھ لگایا۔
(اس) استری دے برہوں (دی اگّ نال) کپڑیاں سمیت گھوڑا اتے تاج سڑ گیا۔
اہ (یوسف اس دے) ہردے وچ وس رہا سی، اس لئی بچ گیا ۔۔24۔۔
استری دا روپ ویکھ کے یوسف ہیران ہو گیا۔
اس دا جو منورتھ سی، اہ اس نوں دے دتا۔
اس دے بستر اتے گھوڑا ساڑ کے زلیکھاں نے اس نوں چھل لیا۔
پتر ورگے متر نوں پراپت کر کے اس نال ویاہ کر لیا ۔۔25۔۔
دوہرا:
جس دے پچھے استری پے جائے، اس دا بچنا سمبھو نہیں۔
اس نوں سبھ تراں دے چھلاں نال چھل لیندی ہے، بھاویں شو جاں اندر ہی کوئی کیوں نا ہووے ۔۔26۔۔
اتھے سری چرتروپاکھیان دے تریا چرتر دے منتری بھوپ سنواد دے 201ویں چرتر دی سماپتی، سبھ شبھ ہے ۔۔201۔۔3789۔۔ چلدا۔۔
دوہرا:
کاسکار دا سوامی اگر سنگھ وڈا راجا سی۔
اس دے گھر بیشمار دھن سی اتے بہت سینا-دل نال چڑھدا سی ۔۔1۔۔
اس دی پتری چپل کلا سی جس دے سارے انگ بہت سندر سن۔
جاں تاں اہ کام دیو دی پتری سی جاں خد کام دیو سی ۔۔2۔۔
سندر اینٹھی سنگھ نوں ویکھ کے اس نوں (مہلّ وچ) بلا لیا
اتے ہردے وچ آنند ودھا کے اس نال چر تک کام-کریڑا کیتی ۔۔3۔۔
چوپئی:
روز اس نال کیل-کریڑا کردی سی۔
اس سندری توں بانکا جوان چھڈیا نہیں جاندا سی۔
اس نوں اک گھر وچ رکھیا،
پر کسے نوں بھید نا دسیا ۔۔4۔۔
اس دا ویاہ ہویاں کافی سماں بیت گیا سی۔
اس نوں اک دن پتی لین آ گیا۔
اس (نے استری) نال کام-کریڑا کیتی
اتے بہت سکھ پراپت کر کے سوں گیا ۔۔5۔۔
اس نال استری نوں ترپتی نا ہوئی۔
(سندوک وچ لکائے ہوئے) یار کول گئی اتے سندوک کھولھ کے (یار نال بھوگ کیتا)۔
تد متر نے اس نوں چنگی تراں نال رجھایا
اتے چر تک اس نال سنیوگ کیتا ۔۔6۔۔