اتِ پوتر 'ابکار' (ناں دا) نا کٹے جا سکن والا اکھنڈ اتے اچل یودھا ہے۔
(جس دا) امت تیز ہے، جو نا مٹن والا، اننت، اچھل اتے رن وچ اکٹ ہے۔
استر اتے شستر دھارن کر کے ہے اتم راجے! (جدوں) یدھّ وچ ساہمنے ہو کے گرجیگا،
تدوں یدھّ-بھومی وچ اک یودھا وی نہیں ٹک سکیگا اتے اس نوں ہور کہڑا یودھا روک سکیگا ۔۔242۔۔
اک (دا ناں) 'بدیا' اتے (دوجے دا) 'لاج' ہے، (اہ دوویں) امٹ اتے رن وچ اتِ ادھک پرتاپ والے ہن۔
بھیروں وانگ بھیانک روپ والے پرچنڈ، امٹ اتے نا سڑن والے ہن۔
اتِ اکھنڈ، ادنڈ، پرچنڈ پرتاپ والے اتے یدھّ وچ ستھر رہن والے ہن۔
سانھ (ورگے اچے) موڈھیاں والے اتے گوڈیاں تک لمبیاں بانہواں والے، بانکے اتے مہا بلوان ہن۔
اس تراں دوہاں یودھیاں دی اپار چھبی ہے، جس دن (یدھّ-بھومی وچ) دھونسا وجاؤنگے،
(تد) لاج مریادا چھڈ کے سبھ بھج جانگے، اک وی ساہمنے نہیں آویگا ۔۔243۔۔
نراز چھند:
اک 'سنجوگ' ناں دا اکھنڈ سورما جانیا جاندا ہے،
جس دا اج گھر گھر پرتاپ منیا جاندا ہے۔
(جو) ادنڈ، اچھید ہے اتے جس نوں ابھنگ کہا جاندا ہے۔
وچار پوروک اج کہڑا یودھا اس دے برابر رکھیا جا سکدا ہے ۔۔244۔۔
(اک) اکھنڈ راج ('منڈلیک') والا پرچنڈ سورما ویکھیا جاندا ہے۔
(اس) 'سکرت' ناں والے سورمے نوں اجت جاننا چاہیدا ہے۔
(جدوں) شستر سزا کے اتے گجوج کے لجا سہت رتھ نال دھاوا کریگا،
(تاں) امنڈ سورج وانگ پرچنڈ سوبھا پراپت کریگا ۔۔245۔۔
وشیش کر کے (جس نے) بان، برچھی، تلوار ہتھ وچ پکڑی ہوئی ہے۔
(اہ) 'اموہ' نام والا سورما (جدوں) کرودھ نال آ کے گجدا ہے۔
'الوبھ' نام والا جو دوجا سورما ہے، (اہ وی) گجدا ہے۔
(ادوں) رتھاں والے، ہاتھیاں والے، گھوڑیاں دے سوامی اتے اپار سینا والے (رن وچوں) بھج جاندے ہن ۔۔246۔۔
(جو) ہٹھی، جپی، تپی، ستی اتے اکھنڈ سورمے ویکھے جاندے ہن۔
سورج وانگ پرچنڈ تیز والے اتے دنڈ توں بنا، انھاں نوں جانیا جاندا ہے۔
جگت وچ جو اجت ہن، (انھاں نوں) پوتر انگ (شریر) والا سمجھیا جاندا ہے۔
'اکام' نام والا (جو) یودھا ہے، اس نوں بہت سندر منیا جاندا ہے ۔۔247۔۔
'اکرودھ' (ناں والا) یودھا جدوں کرودھت ہو کے 'برودھ' (یدھّ) نوں جائیگا
(تدوں) بیئنت سورمے، ساری لاج مریادا نوں بھلا کے بھج جانگے۔
جس دی دیہ اکھنڈ ہے اتے پرچنڈ روپ والا جانیا جاندا ہے،
اہ 'لج' (لجا) نام والا سورما، اس دا منتری منیا جاندا ہے ۔۔248۔۔
'پرم تتّ' آدِ (یودھے) توں لے کے 'نرہنکار' (سمیت) گجنگے،
وشیش سینا نوں چلا کے، بیئنت سورمیاں نوں روک دینگے۔
یودھے کرودھت ہو کے اموگھ برچھیاں (ہتھ وچ لے کے یدھّ وچ) جٹ جانگے۔
بیئنت یودھیاں دے سخت دھنش آدِ اتے کوچ ٹٹ جانگے ۔۔249۔۔
نراز چھند:
اک بھاونا سہت 'بھگتِ' (نام والا) سورما کرودھت ہو کے دھاوا کردا ہے۔
بیئنت سورجاں وانگ وشیش شوبھا پاؤندا ہے۔
ویری دی سینا نوں نشٹ کرن لئی سورمے یدھّ وچ جٹ جاندے ہن۔
(اس ویلے) 'کرور' اتے 'کوڑ' (ناں والے) سورمیاں دے تنگ تڑک کے ٹٹ جاندے ہن ۔۔250۔۔
(اہ) سورمے سمٹ کے اتے (اگے ول) سرک کے سیہتھیاں اتے برچھیاں چلاندے ہن۔
بہت وڈے گھاؤ سہِ کے بیئنت سینا نوں اگے دھک دندے ہن۔
بجلی ورگی چمک والی تلوار سڑک کر کے سورمے ترت ('مٹِ') (چلاندے ہن)۔
(جس نال) نا کٹے جا سکن والے انگاں نوں بلکل کٹ کٹ کے سٹ دندے ہن ۔۔251۔۔
بلکل شیر وانگ پلٹ کے سورمے برچھے چلاندے ہن۔
وشیش سیناپتیاں ('بوتھنیس') دی بیئنت سینا نوں دل دندے ہن۔
آپس وچ گتھم گتھا ہو کے ہمت ('گجھِ') والے سورمے آ کے لڑدے ہن۔
وشیش تور تے دیوتے، دینت، یکش اتے کنر (انھاں دی) کیرتی نوں سمجھ لیندے ہن ۔۔252۔۔